ନୂଆଦିଲ୍ଲୀ: ମାଇକ୍ରୋବ୍ଲଗିଂ ସାଇଟ୍ ଟ୍ୱିଟର ଆଉ ମାଇକ୍ରୋ ନୁହେଁ।  ଟ୍ୱିଟର ଧୀରେଧୀରେ ଟ୍ୱିଟ ପାଇଁ ଶବ୍ଦ ସୀମା ବୃଦ୍ଧି କରିବାକୁ ଯାଉଛୁ। ପ୍ରାରମ୍ଭରେ ଟ୍ୱିଟରର ଶବ୍ଦ ସୀମା ୧୪୦ ଥିଲା ।  ଏହା ପରେ ୨୮୦ କୁ ବୃଦ୍ଧି କରାଯାଇଥିଲା।  ବର୍ତ୍ତମାନ କମ୍ପାନୀ କିଛି ବଡ କରିବାକୁ ଯାଉଛି। ୨୫୦୦ ଶବ୍ଦ ଲେଖିବା ନେଇ ଟ୍ବିଟର ପରୀକ୍ଷଣ କରୁଛି। ଏହି ନୂତନ ଫିଚର ବିଷୟରେ ସୂଚନା ଏକ ଟ୍ୱିଟରୁ ଗ୍ରହଣ କରାଯାଇଛି। ଯଦିଓ ଟ୍ୱିଟର ଏହା ଉପରେ ଆନୁଷ୍ଠାନିକ ଭାବେ କିଛି କହିନାହିଁ। ଟ୍ୱିଟର ବର୍ତ୍ତମାନ ଏକ ମାଇକ୍ରୋରୁ ଏକ ବ୍ରିଜ୍ ବ୍ଲଗିଂ ସାଇଟକୁ ଯାଉଛି ବୋଲି କହିପାରିବା ।

ଟ୍ୱିଟର ରାଇଟ୍ (Twitter Write ) ନାମକ ଏକ ଭେରିଫାଏଡ୍ ଟ୍ବିଟ ହ୍ୟାଣ୍ଡଲ୍ ଦ୍ୱାରା ଗିଫ୍ (GIF) ଫାଇଲ୍ ଟ୍ୱିଟ୍ କରାଯାଇଛି। ଯେଉଁଥିରେ ଟ୍ୱିଟରରେ ରାଇଟ୍ ନାମକ ଏକ ମେନୁ ଅଛି। ଏହା ଉପରେ କ୍ଲିକ୍ କରି ଆପଣ ଏକ ଲମ୍ବା ବ୍ଲଗ୍ ଲେଖିପାରିବେ।  ଟ୍ୱିଟରରେ ଯେକୌଣସି ବ୍ଲଗ୍ ପରି ନୂତନ ଫିଚରେ ପରେ  ଆପଣ ଏକ କଭର ଫଟୋ ସହିତ ୨୫୦୦ ଶବ୍ଦରେ ଏକ ବ୍ଲଗ୍ ଲେଖିବାରେ ସକ୍ଷମ ହେବେ। ରିପୋର୍ଟ ଅନୁଯାୟୀ, ନୂତନ ଫିଚର ବର୍ତ୍ତମାନ ଆମେରିକା, କାନାଡା ଏବଂ ଘାନାରେ ପ୍ରାଥମିକ ପର୍ଯ୍ଯାରେ ପରୀକ୍ଷା କରାଯାଉଛି।

✨ Introducing: Notes ✨

We’re testing a way to write longer on Twitter. pic.twitter.com/SnrS4Q6toX

— Twitter Write (@TwitterWrite) June 22, 2022

ଟ୍ୱିଟର ସର୍କଲ ଫିଚର:
ଟ୍ୱିଟର ମଧ୍ୟ ଆଉ ଏକ  ନୂତନ ଫିଚର ପରୀକ୍ଷା କରୁଛି। ଏହାର ନାମ ହେଉଛି ସର୍କଲ୍ ଫିଚର। ଏହି ଫଚର ଦ୍ବାରା ଆପଣ ନିଜ ଟ୍ୱିଟକୁ କିଏ ଦେଖିବେ ଏବଂ କିଏ ନ ଦେଖିବେ ତାହା ଆପଣ ନିଜେ ସ୍ଥିର କରିବାକୁ ସମର୍ଥ ହେବେ। ଟ୍ୱିଟରର ଏହି ଫିଚରରେ ଆପଣ ଏକ ଗ୍ରୃପ କିମ୍ବା ସର୍କଲ୍ ସୃଷ୍ଟି କରିପାରିବେ। ଯାହାର ଟ୍ୱିଟ୍ ଆପଣ ସୃଷ୍ଟି କରିଥିବା ଗ୍ରୃପକୁ ହିଁ ଦେଖାଯିବ।

ସର୍କଲରେ ୧୫୦ ଜଣଙ୍କୁ ରଖିପାରିବେ:
ଟ୍ୱିଟରର ପରୀକ୍ଷଣ ଅନୁଯାୟୀ, ସର୍କଲ୍ ଫିଚର ଆସିବା ପରେ ଏଥିରେ ସର୍ବାଧିକ ୧୫୦ ଲୋକଙ୍କୁ ଯୋଡାଯାଇ ପାରିବ। ଟ୍ୱିଟରର ଏହି ଫିଚର ଇନଷ୍ଟାଗ୍ରାମର କ୍ଲୋଜ ଫ୍ରେଣ୍ଡ ଫିଚର ସହିତ ସମାନ ।  କହିବାକୁ ଗଲେ, ଆପଣ ଆପଣଙ୍କର କିଛି ନିର୍ଦ୍ଦିଷ୍ଟ ଟ୍ୱିଟ୍ ପାଇଁ ଅନୁସରଣକାରୀଙ୍କୁ ଟ୍ଯାଗ କରି ଦେଇପାରିବେ।  ଯାହା ପରେ କେବଳ ଆପଣଙ୍କ ଟ୍ୱିଟ୍ ସେମାନଙ୍କୁ ଦୃଶ୍ୟମାନ ହେବ । ଟ୍ୱିଟରର ଏହି ଫିଚର ଧୀରେ ଧୀରେ ଉପଭୋକ୍ତାମାନଙ୍କ ପାଇଁ ଜାରି କରାଯିବ। ଏହି ଫିଚରର ବିଶେଷତ୍ବ ହେଉଛି ଯେ, କେବଳ ସର୍କଲରେ ଅନ୍ତର୍ଭୁକ୍ତ ଲୋକମାନେ ଏକ ଟ୍ୱିଟକୁ ଉତ୍ତର ଦେବାକୁ କିମ୍ବା ପସନ୍ଦ କିମ୍ବା ପୁନ – ଟ୍ୱିଟ୍ କରିବାକୁ ସମର୍ଥ ହେବେ।