ଆଜି ଭାରତ-ୱେଷ୍ଟଇଣ୍ଡିଜ୍ ମଧ୍ୟରେ ତୃତୀୟ ଦିନିକିଆ; ସିରିଜ୍ କ୍ଲିନ୍ ସ୍ବିଇପ୍ ଲକ୍ଷ୍ୟରେ ଭାରତ

By The Sakala

Published On Feb 11, 2022 09:54 AM IST

ଅହମ୍ମଦାବାଦ: ସ୍ଥାନୀୟ ନରେନ୍ଦ୍ର ମୋଦି ଷ୍ଟାଡିୟମରେ ଆଜି ଭାରତ ଓ ଭ୍ରମଣକାରୀ ୱେଷ୍ଟଇଣ୍ଡିଜ ମଧ୍ୟରେ ତୃତୀୟ ତଥା ଅନ୍ତିମ ଦିନିକିଆ ମ୍ୟାଚ୍ ଆୟୋଜନ ହେବ। ପ୍ରଥମ ଦୁଇଟି ମ୍ୟାଚ୍ ଜିତି ୨-୦ରେ ଅଗ୍ରଣୀ ହେବା ସହ ଭାରତ ଆଗୁଆ ସିରିଜ ହାତେଇ ନେଇଛି । ତେଣୁ ଅନ୍ତିମ ମ୍ୟାଚ୍ ଜିତି ଘରୋଇ ଦଳ ସିରିଜ କ୍ଲିନ୍‌ ସୁଇପ୍ ଲକ୍ଷ୍ୟରେ ରହିଛି। ଭାରତ ଏବେ ଦଳରେ କିଛି ଅଦଳ ବଦଳ କରିବା ସହ ପରୀକ୍ଷା ନିରୀକ୍ଷା କରିବା ଆଶା […]

ଅହମ୍ମଦାବାଦ: ସ୍ଥାନୀୟ ନରେନ୍ଦ୍ର ମୋଦି ଷ୍ଟାଡିୟମରେ ଆଜି ଭାରତ ଓ ଭ୍ରମଣକାରୀ ୱେଷ୍ଟଇଣ୍ଡିଜ ମଧ୍ୟରେ ତୃତୀୟ ତଥା ଅନ୍ତିମ ଦିନିକିଆ ମ୍ୟାଚ୍ ଆୟୋଜନ ହେବ। ପ୍ରଥମ ଦୁଇଟି ମ୍ୟାଚ୍ ଜିତି ୨-୦ରେ ଅଗ୍ରଣୀ ହେବା ସହ ଭାରତ ଆଗୁଆ ସିରିଜ ହାତେଇ ନେଇଛି । ତେଣୁ ଅନ୍ତିମ ମ୍ୟାଚ୍ ଜିତି ଘରୋଇ ଦଳ ସିରିଜ କ୍ଲିନ୍‌ ସୁଇପ୍ ଲକ୍ଷ୍ୟରେ ରହିଛି। ଭାରତ ଏବେ ଦଳରେ କିଛି ଅଦଳ ବଦଳ କରିବା ସହ ପରୀକ୍ଷା ନିରୀକ୍ଷା କରିବା ଆଶା କରାଯାଉଛି ।

ଆଜି ଅପରାହ୍ନ ୧ଟା ୩୦ରେ ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ଖେଳାଯିବ ମ୍ୟାଚ । ଦ୍ବିତୀୟ ଦିନିକିଆରେ ୪୪ ରନରେ ଓ୍ବେଷ୍ଟଇଣ୍ଡିଜକୁ ପରାସ୍ତ କରି ସିରିଜ ହାତେଇଥିଲା ଭାରତ । କୋଭିଡ୍ ସଂକ୍ରମଣରୁ ମୁକ୍ତ ହୋଇ ଅଭିଜ୍ଞ ଓପନର ଶିଖର ଧାୱନ ଦଳକୁ ପ୍ରତ୍ୟାବର୍ତ୍ତନ କରିଛନ୍ତି। ଫଳରେ ଦଳର ବ୍ୟାଟିଂ ଆହୁରି ଶକ୍ତିଶାଳୀ ହେବ I ଧାୱନ ଦଳକୁ ପ୍ରତ୍ୟାବର୍ତ୍ତନ କରିଥିବାରୁ ବିଜୟୀ ଦଳରେ ପରିବର୍ତ୍ତନ କରିବାକୁ ଭାରତ ଏବେ ବାଧ୍ୟ ହେବ । ଶିଖରଙ୍କ ଅନୁପସ୍ଥିତିରେ ଇଶାନ କିସାନ ପ୍ରଥମ ଓ ରିଷର ପନ୍ତ ଦ୍ୱିତୀୟ ଦିନିକିଆରେ ଇନିଂସ ଓପନ କରିଥିଲେ ।