ମନୋରଞ୍ଜନ
ଓଡ଼ିଶା
ଫିଫା ବିଶ୍ୱକପ୍-୨୦୨୬; ଚାମ୍ପିଅନ ଦଳକୁ ୪୫୧ କୋଟି ଓ ରନର୍ସଅପ୍କୁ ମିଳିବ ୨୯୭ କୋଟି ଟଙ୍କା....
ପୁରସ୍କାର ଆକାରରେ ମୋଟ୍ ୬୫୫ ମିଲିୟନ ଡଲାର ପ୍ରଦାନ କରାଯିବ
ଜୁରିକ: ଫିଫା ବିଶ୍ୱକପ୍ର ୨୩ତମ ସଂସ୍କରଣ ଆରମ୍ଭ ହେବାକୁ ଆହୁରି ୧୭୪ ଦିନ ବାକି ରହିଛି। କିନ୍ତୁ ୬ ମାସ ପୂର୍ବରୁ ବିଶ୍ୱ ଫୁଟ୍ବଲର ସର୍ବୋଚ୍ଚ ସଂସ୍ଥା ‘ଫିଫା’ ପକ୍ଷରୁ ଏହି ମେଗା ଟୁର୍ଣ୍ଣାମେଣ୍ଟ ଲାଗି ପୁରସ୍କାର ରାଶି ବଢ଼ିଛି। ଆଗାମୀ ବିଶ୍ୱକପ୍ରେ ପୁରସ୍କାର ଆକାରରେ ମୋଟ୍ ୬୫୫ ମିଲିୟନ ଡଲାର ପ୍ରଦାନ କରାଯିବ। ଭାରତୀୟ ମୁଦ୍ରାରେ ଏହା ପ୍ରାୟ ୫,୯୦୮ କୋଟି ଟଙ୍କା ହେବ। ଚାମ୍ପିଅନ ଦଳ ପୁରସ୍କାର ବାବଦକୁ ୫୦ ମିଲିୟନ ଡଲାର (ପାଖାପାଖି ୪୫୧ କୋଟି) ଘରକୁ ନେବ। ଯାହାକି ୨୦୨୨ ଓ ୨୦୧୮ ସଂସ୍କରଣ ତୁଳନାରେ ଢେର ଅଧିକ। ୨୦୨୨ ଓ ୨୦୧୮ ସଂସ୍କରଣରେ ଯଥାକ୍ରମେ ୪୨ ମିଲିୟନ ଓ ୩୮ ମିଲିୟନ ଡଲାର ଚାମ୍ପିଅନ ଦଳକୁ ମିଳିଥିଲା। ସେହିଭଳି ଯଦି ମୋଟ୍ ପୁରସ୍କାର ଉପରେ ନଜର ପକାଯାଏ ତେବେ ୨୦୨୨ରେ ୪୪୦ ମିଲିୟନ ଡଲାର ପୁରସ୍କାର ଆକାଦରରେ ଦିଆଯାଇଥିଲା। ଅପରପକ୍ଷରେ ଯୋଗ୍ୟତା ଅର୍ଜନ କରିଥିବା ସମସ୍ତ ୪୮ଟି ମହାସଂଘକୁ ପୂର୍ବ ପ୍ରସ୍ତୁତି ସକାଶେ ୧.୫ ମିଲିୟନ ଦିଆଯିବ।
ମୋଟ୍ ପୁରସ୍କାର: ୫,୯୦୮
ଚାମ୍ପିଅନ: ୪୫୧
ରନର୍ସଅପ୍: ୨୯୭
ତୃତୀୟ ସ୍ଥାନ: ୨୬୧
ଚତୁର୍ଥ ସ୍ଥାନ: ୨୪୩
କ୍ୱାର୍ଟର ଫାଇନାଲିଷ୍ଟ: ୧୭୧
ପ୍ରି-କ୍ୱାର୍ଟର: ୧୩୫
ରାଉଣ୍ଡ- ୩୨: ୯୯
ଗ୍ରୁପ୍ ପର୍ଯ୍ୟାୟ: ୮୧
ପ୍ରସ୍ତୁତି ଲାଗି: ୧୩
About The Author
