ଆଇପିଏଲ ୨୦୨୨: ଗୁଜରାଟ ଟାଇଟନ୍ସକୁ ୧୯୬ ରନର ଟାର୍ଗେଟ ଦେଲା ସନରାଇଜର୍ସ ହାଇଦ୍ରାବାଦ

By The Sakala

Published On Apr 27, 2022 09:23 PM IST

ମୁମ୍ବାଇ: ଆଜି ଆଇପିଏଲର ୪୦ତମ ଲିଗ୍ ମୁକାବିଲାରେ ଗୁଜରାଟ ଟାଇଟନ୍ସ ଓ ସନରାଇଜର୍ସ ହାଇଦ୍ରାବାଦ ପରସ୍ପର ମୁହାଁମୁହିଁ ହୋଇଛନ୍ତି। ଏହି ମ୍ୟାଚରେ ଟସ୍ ଜିତି ଗୁଜରାଟ ଟାଇଟନ୍ସ ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଛି। ଫଳରେ ହାଇଦ୍ରାବାଦ ପ୍ରଥମେ ବ୍ଯାଟିଂ କରି ୧୯୫ ରନ କରିଛି। ଏହି ମ୍ଯାଚକୁ ଜିତିବାକୁ ହେଲେ ଗୁଜରାଟକୁ ୧୯୬ ରନର ଆବଶ୍ଯକତା ରହିଛି। ସନରାଇଜର୍ସ ହାଇଦ୍ରାବାଦ ପକ୍ଷରୁ କେନ ୱିଲିୟମସନ ୮ ବଲରେ ୫ ରନ କରି ଆଉଟ ହୋଇଥିବା ବେଳେ […]

ମୁମ୍ବାଇ: ଆଜି ଆଇପିଏଲର ୪୦ତମ ଲିଗ୍ ମୁକାବିଲାରେ ଗୁଜରାଟ ଟାଇଟନ୍ସ ଓ ସନରାଇଜର୍ସ ହାଇଦ୍ରାବାଦ ପରସ୍ପର ମୁହାଁମୁହିଁ ହୋଇଛନ୍ତି। ଏହି ମ୍ୟାଚରେ ଟସ୍ ଜିତି ଗୁଜରାଟ ଟାଇଟନ୍ସ ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଛି। ଫଳରେ ହାଇଦ୍ରାବାଦ ପ୍ରଥମେ ବ୍ଯାଟିଂ କରି ୧୯୫ ରନ କରିଛି। ଏହି ମ୍ଯାଚକୁ ଜିତିବାକୁ ହେଲେ ଗୁଜରାଟକୁ ୧୯୬ ରନର ଆବଶ୍ଯକତା ରହିଛି।

ସନରାଇଜର୍ସ ହାଇଦ୍ରାବାଦ ପକ୍ଷରୁ କେନ ୱିଲିୟମସନ ୮ ବଲରେ ୫ ରନ କରି ଆଉଟ ହୋଇଥିବା ବେଳେ ରାହୁଲ ତ୍ରିପାଠୀ ୧୦ ବଲରେ ୧୬ ରନ କରି ଆଉଟ ହୋଇଥିଲେ। ଗୋଟିଏ ପଟେ ପାରିକୁ ଅଭିଷେକ ଶର୍ମା ସମ୍ଭାଳିଥିଲେ। ୪୨ ବଲରେ ୬୫ ରନ କରି ଅଭିଷେକ ଆଉଟ ହୋଇଥିଲେ। ପରେ ପାରିକୁ ଆଡେନ ମାରକ୍ରମ ଓ ନିକୋଲାସ ପୂରନ ସମ୍ଭାଳିଥିଲେ। ନିକୋଲାସ ପୂରନ ୫ ବଲରେ ୩ ରନ କରି ଆଉଟ ହୋଇଥିଲେ। ଆଡେନ ମାରକ୍ରମ ୪୦ ବଲରେ ୫୬ ରନ କରି ଆଉଟ ହୋଇଥିଲେ। ୱାସିଂଟନ ସୁନ୍ଦର ୩ ରନ କରି ରନଆଉଟ ହୋଇଥିଲେ। ପରେ ପାରିକୁ ଶଶାଙ୍କ ସିଂହ ଓ ମାର୍କୋ ଜାନସେନ ସମ୍ଭାଳିଥିଲେ। ଶଶାଙ୍କ ବିସ୍ଫୋରକ ବ୍ଯାଟିଂ କରି ୬ ବଲରେ ୨୫ ରନ କରି ଅପରାଜିତ ରହିଥିବା ବେଳେ ମାର୍କୋ ଜାନସେନ ୫ ବଲରେ ୮ରନ କରି ଅପରାଜିତ ରହିଥିଲେ।

ଗୁଜରାଟ ଟାଇଟନ୍ସ ପକ୍ଷରୁ ସର୍ବାଧିକ ୩ଟି ୱିକେଟ ମହମ୍ମଦ ସାମି ନେଇଥିବା ବେଳେ ଅଲଜାରୀ ଜୋଶେଫ ଓ ୟଶ ଦୟାଲ ଗୋଟିଏ ୱିକେଟ ନେଇଥିଲେ।