ସାଧାରଣତଃ ବୋତଲରେ ପାଣି ବା ମୃଦୁପାନୀୟ ବିକ୍ରି ହେବାର ଆମେ ସମସ୍ତେ ଦେଖୁଛନ୍ତି । କିନ୍ତୁ ଆଗାମୀ ଦିନରେ ବୋତଲରେ ତାଜା ପବନ ବିକ୍ରି ହେବ । ସଂଯୁକ୍ତରାଷ୍ଟ୍ରର ଏକ କମ୍ପାନି ଏମିତି । ଏକ ନିଆରା ଉତ୍ପାଦ ଲଥ୍ କରିବାକୁ ଯାଉଛି। ସବୁଠାରୁ ରୋଚକ ଖବର ହେଉଛି ନିଜ ଅଞ୍ଚଳ ବା ଦେଶଠାରୁ ଦୂରରେ ରହୁଥିବା ବ୍ୟକ୍ତି ଏହି ବୋତଲର ପବନକୁ ବ୍ୟବହାର କରିବା ଦ୍ବାରା ନିଜ ଅଞ୍ଚଳର ମହକ ପାଇପାରିବେ । ମାତ୍ର ୫୦୦ ମିଲିଲିଟର ବୋତଲ ପାଇଁ ୨୫୦୦ ପାଉଣ୍ଡ ଅର୍ଥାତ୍ ଭାରତୀୟ ମୁଦ୍ରାରେ ୨୫୦୦ ଟଙ୍କା ଦେବାକୁ ହେବ।

କମ୍ପାନି ପକ୍ଷରୁ କୁହାଯାଇଛି ଯେ, ବିଶ୍ବର ଯେ କୌଣସି ସ୍ଥାନରେ ଥିଲେ ମଧ୍ୟ ଏହି ବୋତଲ ପବନ ଦ୍ଵାରା ନିଜ ଅଞ୍ଚଳର ପରିବେଶକୁ ଅନୁଭବ କରିହେବ । ବୋତଲ ସହିତ ଏକ କର୍କ ଷ୍ଟାପର୍ ଦିଆଯାଇଛି । ଯାହାଦ୍ଵାରା ଆପଣ ଯେତେବେଳେ ଚାହିଁବେ, ବୋତଲ ଭିତରେ ଥିବା ପବନକୁ ଆଘ୍ରାଣ କରି ପୁଣିଥରେ କର୍କ ଷ୍ଟାପର ସାହାଯ୍ୟରେ ବୋତଲର ମୁହଁକୁ ବନ୍ଦ କରିପାରିବେ । ଏଭଳି ନିଆରା ପ୍ରଡକ୍ଟ ତିଆରି କରୁଥିବା କମ୍ପାନିର ନାଁ ହେଉଛି ‘ମାଇ ବ୍ୟାଗେଜ୍’ ।

କମ୍ପାନି ପକ୍ଷରୁ କରାଯାଇଥିବା ଏକ ଗବେଷଣା ଅନୁଯାୟୀ, ଯେ କୌଣସି ସୁଗନ୍ଧ ମଣିଷର ଭାବନା ସହିତ ଜଡ଼ିତ ହୋଇ ରହିଥାଏ । ତେଣୁ ବୋତଲରେ ଥିବା ପବନର ସୁଗନ୍ଧ ଜଣେ ବ୍ୟକ୍ତିକୁ ତା’ର ଅଞ୍ଚଳ ଓ ପରିବାରର ସୁଗନ୍ଧ ପ୍ରଦାନ କରିବ ଏବଂ ଏହା ଦ୍ବାରା ଜଣେ ବ୍ୟକ୍ତି ଏକୁଟିଆ ଅନୁଭବ କରିବ ନାହିଁ । କରୋନା ସମୟରେ ଏହି ବୋତଲ ପବନ ଲାଭଦାୟକ ହେବ ବୋଲି କମ୍ପାନି ପକ୍ଷରୁ କୁହାଯାଇଛି । ବର୍ତ୍ତମାନ ଏହି କମ୍ପାନି ପକ୍ଷରୁ ଇଂଲାଣ୍ଡ, ସ୍କଟଲ୍ୟାଣ୍ଡ ଓ ଆୟରଲ୍ୟାଣ୍ଡରେ ଏହି ବୋତଲ ପବନ ବିକ୍ରି ଆରମ୍ଭ କରାଯାଇଛି ।