ନୂଆଦିଲ୍ଲୀ : ଦିଲ୍ଲୀରୁ ଜବଲପୁର ଅଭିମୁଖେ ଯାଉଥିବା ସ୍ପାଇସଜେଟ୍ ବିମାନ ଶନିବାର ସକାଳେ ଚଳାଚଳ କରିବାର କିଛି ସମୟ ପରେ ପୁଣିଥରେ ଦିଲ୍ଲୀ ବିମାନ ବନ୍ଦରରେ ଜରୁରୀ ଅବତରଣ କରିଛି। ସକାଳେ ଉଡାଣ ଭରିବାର କିଛି ସମୟରେ ପରେ ହଠାତ୍ ବିମାନର କ୍ୟାବିନ୍‌ରେ ଧୁଆଁ ବାହାରୁଥିବା ଦେଖାଦେଇଥିଲା। ବିମାନ କର୍ମଚାରୀମାନେ ଧୂଆଁ ବାହାରୁଥିବା ଦେଖିବା ପରେ ତାହାକୁ ପୁଣି ଦିଲ୍ଲୀ ଫେରାଇ ଆଣାଯାଇ ନିରାପଦରେ ଜରୁରୀ ଅବତରଣ କରାଯାଇଛି। ବିମାନଟି ୫ ହଜାର ଫୁଟ୍‌ ଉଚ୍ଚରେ ଉଡାଣ କରୁଥିବା ସମୟରେ ଧୁଆଁ ବାହାରିଥିଲା। ତେବେ ଦିଲ୍ଲୀ ବିମାନ ବନ୍ଦରରେ ଜରୁରୀ ଅବତରଣ କରିବା ପରେ ବିମାନରେ ଥିବା ୨୩୦ ଜଣ ଯାତ୍ରୀ ସୁରକ୍ଷିତ ଥିବା ଜଣାପଡିଛି।

#WATCH | A SpiceJet aircraft operating from Delhi to Jabalpur returned safely to the Delhi airport today morning after the crew noticed smoke in the cabin while passing 5000ft; passengers safely disembarked: SpiceJet Spokesperson pic.twitter.com/R1LwAVO4Mk

ଆହୁରି ପଢ଼ନ୍ତୁ: ଆମ୍ ଆଦମୀ ପାର୍ଟିକୁ ଶକ୍ତ ଝଟକା: ବିଜେପିରେ ସାମିଲ ହେଲେ ଆପ୍‌ର ୭ ରାଜ୍ୟସଭା ସାଂସଦ

— ANI (@ANI) July 2, 2022

ଆହୁରି ପଢ଼ନ୍ତୁ: ମୁମ୍ବାଇ ଟ୍ରାଫିକ୍‌ ଜାମ୍‌ ବିବାଦ: ମନ୍ତ୍ରୀଙ୍କୁ ସମାଲୋଚନା କରିଥିବା ମହିଳାଙ୍କ ନାମରେ ଅଭିଯୋଗ, କୌଣସି ଏଫଆଇଆର୍‌ ରୁଜୁ ହୋଇନଥିବା ସ୍ପଷ୍ଟ କଲା ପୋଲିସ

ସୂଚନାଯୋଗ୍ୟ ଏହା ପୂର୍ବରୁ ଜୁନ୍‌ ୧୯ ତାରିଖରେ ବିହାରର ରାଜଧାନୀ ପାଟନାରୁ ଉଡାଣ ଭରିବାର କିଛି ସମୟ ମଧ୍ୟରେ ବିମାନର ଇଞ୍ଜିନରେ ଯାନ୍ତ୍ରିକ ତ୍ରୁଟି ଯୋଗୁଁ ନିଆଁ ଲାଗିବା ଜଣାପଡିଥିଲା। ଏହାପରେ ପାଇଲଟ୍‌ ତୁରନ୍ତ କଂଣ୍ଟ୍ରୋଲ ରମ୍‌ ସହ ଯୋଗାଯୋଗ କରି ବିମାନଟିକୁ ସେହି ପାଟନା ଏୟାରପୋର୍ଟରେ ଜରୁରୀ ଅବତରଣ କରାଇଥିଲେ। ପାଟଣା ଏୟାରପୋର୍ଟରେ ବିମାନଟିର ନିଆଁକୁ ଆୟତ୍ତ କରାଯାଇଥିଲା।  ବିମାନରେ ଥିବା ସମସ୍ତ ୧୮୫ ଯାତ୍ରୀ ସୁରକ୍ଷିତ ରହିଥିଲେ। ତେବେ ଡିଜିସିଏ କହିଛି ଯେ ପକ୍ଷୀ ଧକ୍କା ହେତୁ ଇଞ୍ଜିନରେ ନିଆଁ ଲାଗିଯାଇଥିଲା। ବିମାନର ଇଞ୍ଜିନରୁ ଧୂଆଁ ବାହାରିବା ବେଳକୁ ଏକ ନିରାପଦ ଅବତରଣ କରାଯାଇଥିଲା।