ମନୋରଞ୍ଜନ
ଓଡ଼ିଶା
03 Mar 2022
By The Sakala
ଅଷ୍ଟମ ଦିନରେ ମହାଯୁଦ୍ଧ: କିଭ୍ ରେଲୱେ ଷ୍ଟେସନରେ ରକେଟ୍ ମାଡ଼ କଲା ରୁଷ୍ ସେନା
କିଭ୍: ଋଷ ଓ ୟୁକ୍ରେନ ମଧ୍ୟରେ ଜାରି ରହିଛି ଜୋରଦାର ଯୁଦ୍ଧ । ଏହି ଯୁଦ୍ଧ ଆଜି ଅଷ୍ଟମ ଦିନରେ ପହଞ୍ଚିଛି । ତିନି ପଟରୁ ଘେରି ୟୁକ୍ରେନ୍ ଉପରେ ଘନ ଘନ ହମଲା କରୁଛି ରୁଷ୍ ସେନା । କିଭ୍ ଦଖଲ ଦିଗରେ ଆଗକୁ ବଢୁଛି । ଯୁଦ୍ଧର ଅଷ୍ଟମ ଦିନରେ ୟୁକ୍ରେନର ରାଜଧାନୀ କିଭରେ ଏକ ବଡ଼ ଧରଣର ବିସ୍ଫୋରଣ କରିଛି ରୁଷ୍ ସେନା । କିଭ୍ ମୁଖ୍ୟ ରେଲୱେ ଷ୍ଟେସନ ନିକଟରେ ରକେଟ୍ ମାଡ଼ କରିଛି । ରକେଟ୍ ମାଡରେ ରେଲୱେ ଷ୍ଟେସନର କିଛି ଅଂଶ ବ୍ୟାପକ କ୍ଷତିଗ୍ରସ୍ତ ହୋଇଛି । ତେବେ ଏଥିରେ ମୃତାହତ ନେଇ କୌଣସି ସ୍ପଷ୍ଟ ସୂଚନା ମିଳ ନାହିଁ । କିଭରେ ଥିବା ୟୁକ୍ରେନର ପ୍ରତିରକ୍ଷା ମନ୍ତ୍ରାଳୟ ବିଲଡିଂକୁ ଟାର୍ଗେଟ୍ କରି ରୁଷ୍ ରକେଟ୍ ମାଡ଼ କରିଥିଲା । ୟୁକ୍ରେନରେ ଅସ୍ଥିରତା ପାଇଁ ଘନ ଘନ ହମଲା କରୁଛି ରୁଷ୍ । ମିସାଇଲ୍ ଓ ରକେଟ ମାଡ଼ କରୁଛି ।
https://www.thesakala.in/national-international/russia-fires-rockets-debris-hits-near-train-station/article-9648
About The Author
