ମନୋରଞ୍ଜନ
12 Mar 2021
By The Sakala
ପୁଣି ଗୋଟିଏ ହଷ୍ଟେଲରୁ ୪୪ ଜଣ କରୋନା ପଜିଟିଭ ଚିହ୍ନଟ
ମୁମ୍ବାଇ: ପୁଣି ଥରେ କରୋନାର ଦୈନିକ ସଂକ୍ରମଣ ବୃଦ୍ଧି ପାଇଛି। ଆଜି ଦେଶରେ କରୋନା ସଂକ୍ରମିତଙ୍କ ସଂଖ୍ଯା ୨୩ ହଜାର ଟପିଛି। ଦେଶର ମୋଟ ଦୈନିକ ସଂକ୍ରମଣର ଅଧାରୁ ଅଧିକ ଆକ୍ରାନ୍ତ ମାହାରାଷ୍ଟ୍ରରୁ ଚିହ୍ନଟ ହୋଇଛନ୍ତି। ଏହିଭିତରେ ଲାଠୁରର ଏମଆଇଡିସି ଅଞ୍ଚଳରେ ଥିବା ଗୋଟିଏ ହଷ୍ଟେଲର ୪୪ ଜଣ ଶିକ୍ଷାର୍ଥୀଙ୍କ କରୋନା ଟେଷ୍ଟ ରିପୋର୍ଟ ପଜିଟିଭ ଆସିଛି।
ଏହାର ମାସକ ପୂର୍ବରୁ ଏହି ସମାନ ହଷ୍ଟେଲର ୪୭ ଜଣ ଅନ୍ତେବାସୀ କରୋନାରେ ଆକ୍ରାନ୍ତ ହୋଇଥିଲେ। ସହରର ଉପକଣ୍ଠରେ ଥିବା ଗୋଟିଏ ଇଂରାଜୀ ମିଡିୟମ ସ୍କୁଲ ନିକଟରେ ଏହି ହଷ୍ଟେଲଟି ରହିଛି। ଏଠାରେ ୮ମରୁ ୧୦ମ ଶ୍ରେଣୀର ପିଲାମାନଙ୍କ ରହିବାର ବ୍ୟବସ୍ଥା କରାଯାଇଛି।
ସ୍ୱାସ୍ଥ୍ୟ ବିଭାଗ କହିଛି ଯେ , ଶିକ୍ଷାର୍ଥୀମାନେ କରୋନାରେ ଆକ୍ରାନ୍ତ ହେବା ପରେ ସମସ୍ତଙ୍କୁ ସ୍ଥାନୀୟ କ୍ୱାରେଣ୍ଟାଇନ ସେଣ୍ଟରରେ ରଖାଯାଇଛି। ସେହିପରି ହଷ୍ଟେଲକୁ ବିଶୋଧନ କରାଯିବା ସହ ସମସ୍ତ ପ୍ରକାରର ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି।
https://www.thesakala.in/national-international/44-students-test-positive-for-covid-19-at-hostel-in-maharashtra-s-latur/article-632
About The Author
