ନୂଆଦିଲ୍ଲୀ: ୧୯୮୫ ବ୍ୟାଚ୍ ଅବସରପ୍ରାପ୍ତ ଆଇଏଏସ୍ ଅଧିକାରୀ ତଥା ପୂର୍ବତନ ମାନବ ସମ୍ବଳ ଏବଂ ସୂଚନା ପ୍ରସାରଣ ସଚିବ ଅମିତ ଖରେଙ୍କୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ପରାମର୍ଶଦାତା ଭାବରେ ନିଯୁକ୍ତ କରାଯାଇଛି। ମଙ୍ଗଳବାର ତାଙ୍କ ନିଯୁକ୍ତି ଆଦେଶ ଜାରି କରାଯାଇଛି। ସେ  ୩୦ ସେପ୍ଟେମ୍ବରରେ ଉଚ୍ଚଶିକ୍ଷା ସଚିବ ପଦରୁ ଅବସର ନେଇଛନ୍ତି।

ମନ୍ତ୍ରିମଣ୍ଡଳର ନିଯୁକ୍ତି କମିଟି ଖରେଙ୍କୁ ପିଏମ ମୋଦୀଙ୍କ ପରାମର୍ଶଦାତା ଭାବରେ ନିଯୁକ୍ତ କରିବାକୁ ପ୍ରସ୍ତାବକୁ ଅନୁମୋଦନ କରିଛି। ପିଏମଓରେ ତାଙ୍କର ଚୁକ୍ତିଭିତ୍ତିକ ନିଯୁକ୍ତି ଭାରତ ସରକାରଙ୍କ ସଚିବ ପଦବୀ ଏବଂ ଉକ୍ତ ସ୍କେଲରେ କରାଯାଇଛି। ସେ ଏହି ପଦବୀରେ ଦୁଇ ବର୍ଷ ରହିବେ। ପ୍ରଧାନମନ୍ତ୍ରୀ ମୋଦୀଙ୍କ ନିର୍ଦ୍ଦେଶରେ ଏବଂ ସୂଚନା ଓ ପ୍ରସାରଣ ମନ୍ତ୍ରଣାଳୟରେ ଡିଜିଟାଲ ମିଡିଆ ନିୟମ ବଦଳାଇବାରେ ସେ ନୂତନ ଶିକ୍ଷା ନୀତି ୨୦୨୦ ଗଠନ କରିବାରେ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ।

ପୂର୍ବତନ କ୍ୟାବିନେଟ ସଚିବ ପି.କେ ସିହ୍ନା ଏବଂ ପୂର୍ବତନ ସଚିବ ଅମରଜିତ ସିହ୍ନା ଚଳିତ ବର୍ଷ ପିଏମଓରେ ପରାମର୍ଶଦାତା ପଦ ଛାଡିବା ପରେ ପିଏମଓରେ ଅମିତ ଖେରଙ୍କ ନିଯୁକ୍ତି ଆସିଛି। ଖେର ସମ୍ପୂର୍ଣ୍ଣ ସ୍ୱଚ୍ଛତା ସହିତ ଏକ ସ୍ପଷ୍ଟ ନିଷ୍ପତ୍ତି ଗ୍ରହଣ ଅଧିକାରୀ ଭାବରେ ତାଙ୍କର ସ୍ବତନ୍ତ୍ର ପରିଚୟ ରହିଛି। ସେ ପ୍ରଧାନମନ୍ତ୍ରୀ ମୋଦୀଙ୍କ ଅଧୀନରେ କେନ୍ଦ୍ର ଏଚଆରଡି ମନ୍ତ୍ରଣାଳୟରେ ଉଚ୍ଚଶିକ୍ଷା ଏବଂ ବିଦ୍ୟାଳୟ ଶିକ୍ଷା ବିଭାଗର ମୁଖ୍ୟ ତଥା ସୂଚନା ଏବଂ ପ୍ରସାରଣ ସଚିବ ଭାବରେ କାର୍ଯ୍ୟ କରିଥିବା ଅଳ୍ପ କେତେକ ସଚିବଙ୍କ ମଧ୍ୟରୁ ଜଣେ।