ମନୋରଞ୍ଜନ
ଓଡ଼ିଶା
ରିଲ୍ସ ପାଇଁ ପାଗଳାମି: ବୃଦ୍ଧ ବାପାଙ୍କୁ ବସ୍ତାରେ ଭର୍ତ୍ତି କରି କୋରିୟରରେ ପାର୍ସଲ କରିବାକୁ ପରିବାରର ଉଦ୍ୟମ
ବେଙ୍ଗାଲୁରୁ: ବେଙ୍ଗାଲୁରୁରୁ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି। ଏକ ଘରୋଇ କୋରିଅର କମ୍ପାନୀର କର୍ମଚାରୀମାନେ ସେତେବେଳେ ଆଶ୍ଚର୍ଯ୍ୟ ହୋଇଯାଇଥିଲେ, ଯେତେବେଳେ ଗୋଟିଏ ପରିବାର ଏକ ବୃଦ୍ଧଙ୍କୁ ବସ୍ତାରେ ପୂରାଇ ପାର୍ସଲ କରିବାକୁ ଚେଷ୍ଟା କରିଥିଲେ।
ପୋଲିସ ସୂଚନା ଅନୁଯାୟୀ, ବେଙ୍ଗାଲୁରୁର ବ୍ୟାଲିକାଭଲ ଅଞ୍ଚଳରେ ଏହି ଘଟଣା ଘଟିଛି। ଉଗାଦି ଏବଂ ଇଦ୍-ଉଲ୍-ଫିତର ପୂର୍ବରୁ ବସ୍ ଭଡ଼ା ବୃଦ୍ଧିକୁ ବିରୋଧ କରି ଏହା ଏକ ପ୍ରତୀକାତ୍ମକ ପ୍ରତିବାଦ ବୋଲି ପରିବାର ଲୋକେ ଦାବି କରିଥିଲେ। ବୃଦ୍ଧଙ୍କ ଝିଅ ପୋଲିସକୁ କହିଥିଲେ ଯେ ସେମାନେ କେବଳ ଏକ ସୋସିଆଲ ମିଡିଆ ରିଲ୍ (Reel) ତିଆରି କରିବା ସହ ପ୍ରତିବାଦ ଜଣାଇବା ପାଇଁ ଏହି ଷ୍ଟଣ୍ଟ କରିଥିଲେ।
ଏହି ଅଜବ ଅନୁରୋଧ ଦେଖି କୋରିଅର କମ୍ପାନୀର ଅଧିକାରୀମାନେ ତୁରନ୍ତ ପୋଲିସକୁ ଖବର ଦେଇଥିଲେ। ପୋଲିସର ପଚରାଉଚରା ଚାଲିଥିବା ବେଳେ ବସ୍ତା ଭିତରେ ଥିବା ବୃଦ୍ଧ ଜଣକ ନିଶ୍ୱାସ ନେବାରେ କଷ୍ଟ ଅନୁଭବ କରିଥିଲେ ଏବଂ ପରିସ୍ଥିତି ଗମ୍ଭୀର ହୋଇପଡିଥିଲା। ପୋଲିସ କହିଛି ଯେ ଏହି କାର୍ଯ୍ୟ ବୃଦ୍ଧଙ୍କ ଜୀବନ ପ୍ରତି ବିପଦ ସୃଷ୍ଟି କରିପାରିଥାନ୍ତା।
ଏହି ଘଟଣାରେ ପରିବାର ବିରୋଧରେ କୌଣସି ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇନାହିଁ। ତେବେ ପୋଲିସ ସେମାନଙ୍କୁ କଡ଼ା ଚେତାବନୀ ଦେବା ସହ ଏକ ଭିଡିଓ କ୍ଷମାପ୍ରାର୍ଥନା ଜାରି କରିବା ପରେ ଛାଡି ଦେଇଛି। ଭବିଷ୍ୟତରେ ଏଭଳି ବିପଜ୍ଜନକ ଷ୍ଟଣ୍ଟ ନକରିବାକୁ ପୋଲିସ ପରିବାରକୁ କଡ଼ା ତାଗିଦ୍ କରିଛି।
About The Author
