କଲମ୍ବୋ: ଶ୍ରୀଲଙ୍କାର ନୂଆ ରାଷ୍ଟ୍ରପତି ହୋଇପାରନ୍ତି ଅନୁରା କୁମାର ଦିଶାନାୟକେ । ଶ୍ରୀଲଙ୍କାରେ ରାଷ୍ଟ୍ରପତି ନିର୍ବାଚନର ଚାଲିଛି ଭୋଟ୍‌ ଗଣତି। ତେବେ ଅନୁରା କୁମାର ଦିଶାନାୟକେ ଶ୍ରୀଲଙ୍କାର ନୂଆ ରାଷ୍ଟ୍ରପତି ହେବେ ବୋଲି ଏକ ପ୍ରକାର ସ୍ପଷ୍ଟ ହୋଇଯାଇଛି। ପ୍ରାରମ୍ଭିକ ଧାରା ଅନୁଯାୟୀ, ୫୭% ଭୋଟ୍‌ ପାଇ ନ୍ୟାସନାଲ ପିପୁଲ୍ ପାୱାର(NPP)ମେଣ୍ଟର ପ୍ରାର୍ଥୀ ଅନୁରା କୁମାରା ଦିଶାନାୟକେ ଆଗୁଆ ଅଛନ୍ତି।

ଶ୍ରୀଲଙ୍କାର ରାଷ୍ଟ୍ରପତି ନିର୍ବାଚନ ପାଇଁ ଭୋଟ୍ ଅନୁଷ୍ଠିତ ପରେ ରାତିର କର୍ଫ୍ୟୁ ମଧ୍ୟରେ ଗଣତି ଆରମ୍ଭ ହୋଇଥିଲା। ଗଣତିର ପ୍ରାରମ୍ଭିକ ରିପୋର୍ଟ ଅନୁଯାୟୀ ଜାତୀୟ ପିପୁଲ୍ସ ପାୱାର ଅନୁରା କୁମାର ଦିଶାନାୟକେ ତାଙ୍କ ପ୍ରତିଦ୍ୱନ୍ଦ୍ୱୀ ସାଜିଥ ପ୍ରେମାଦାସା ଏବଂ ରାନିଲ ୱିକ୍ରମେସିଂଘେଙ୍କ ଠାରୁ ଆଗୁଆ ଥିବା ଜଣାପଡିଛି ।

୨୨ଟି ଜିଲ୍ଲା ମଧ୍ୟରୁ ସାତଟିର ଫଳାଫଳ ତଥା ପୋଷ୍ଟାଲ ବାଲାଟ୍ ଅନୁଯାୟୀ, ଏନପିପି ନେତା ୫୭% ଭୋଟ୍ ପାଇଥିବାବେଳେ ଅନ୍ୟ ଦୁଇ ପ୍ରାର୍ଥୀ ମାତ୍ର ୧୯ % ଭୋଟ୍ ପାଇଛନ୍ତି। ବିଶେଷଜ୍ଞମାନେ କହିଛନ୍ତି ଯେ ଦିଶାନାୟକେ ତାଙ୍କ ପ୍ରତିଦ୍ୱନ୍ଦ୍ୱୀଙ୍କ ଠାରୁ ୫୦ ପ୍ରତିଶତରୁ ଅଧିକ ଭୋଟ୍‌ରେ ଜିତିବା ନେଇ ସମ୍ଭାବନା ରହିଛି।

ଅନୁରା କୁମାର ଦିଶାନାୟକେ କଲମ୍ବୋ ଜିଲ୍ଲାର ସାଂସଦ ଅଟନ୍ତି। ବର୍ତ୍ତମାନ ସେ ନ୍ୟାସନାଲ ପିପୁଲ୍ସ ପାୱାର ଏବଂ ଜନତା ଭିମୁକଥୀ ପେରୁମୁନା ପାର୍ଟିର ନେତା ଅଟନ୍ତି। ଏନପିପି ମିଳିତ ମଞ୍ଚର ପ୍ରାର୍ଥୀ ଭାବରେ ସେ ରାଷ୍ଟ୍ରପତି ନିର୍ବାଚନରେ ​​ପ୍ରତିଦ୍ୱନ୍ଦ୍ୱିତା କରିଥିଲେ।