ଭାରସାମ୍ଯ ହରାଇ ପଥଚାରୀଙ୍କ ଉପରେ ମାଡ଼ିଗଲା ଇନୋଭା, ୫ ମୃତ
ସୋଲାନ: ହିମାଚଳ ପ୍ରଦେଶରେ ବଡ଼ ଧରଣର ସଡ଼କ ଦୁର୍ଘଟଣା ଘଟିଛି। କାଲକା ଶିମଲା ରାଜପଥ ଧର୍ମପୁରରେ ଘଟିଛି ଏହି ଦୁର୍ଘଟଣା। ସୋଲାନର ଧର୍ମପୁରର କାଲକା-ଶିମଲା ଜାତୀୟ ରାଜପଥରେ ପଥଚାରୀଙ୍କ ଉପରେ ଇନୋଭାଟି ମାଡିଯାଇଛି। ଫଳରେ ଘଟଣାସ୍ଥଳରେ ୫ ଜଣଙ୍କ ମୃତ୍ୟୁ ଘଟି ଥିବାବେଳେ ୪ ଜଣ ଗୁରୁତର ହୋଇଥିବା ଜଣାପଡ଼ିଛି। ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରିଛି । ସମସ୍ତ ମୃତକ ପ୍ରବାସୀ ଶ୍ରମିକ ହୋଇଥିବାବେଳେ ଉତ୍ତର ପ୍ରଦେଶର କୁଶୀନଗର ଓ ବିହାର ଛପରା ନିବାସୀ ଅଟନ୍ତି ବୋଲି ଜଣାପଡ଼ିଛି।
ପ୍ରତ୍ୟକ୍ଷଦର୍ଶୀଙ୍କ କହିବା ଅନୁଯାୟୀ, ପଥଚାରୀମାନେ ରାସ୍ତାକଡରେ ଚାଲିଚାଲି ଯିବା ସମୟରେ ହଠାତ ସେମାନଙ୍କ ଉପରେ ଏକ ଇନୋଭା ମାଡି ଯାଇଥିଲା । ଦ୍ରୁତ ଗତିରେ ଆସୁଥିବା ଏକ ଇନୋଭା ଘାଟିରେ ନିୟନ୍ତ୍ରଣ ହରାଇ ପଥଚାରୀଙ୍କ ଉପରେ ମାଡି ଯାଇଥିଲା ।
About The Author
