ଛତିଶଗଡରେ ମର୍ମନ୍ତୁଦ ସଡ଼କ ଦୁର୍ଘଟଣା: କାରରେ ନିଆଁ ଲାଗି ଗୋଟିଏ ପରିବାରର ୫ ଜୀବନ୍ତ ଧଗ୍ଧ

By The Sakala

Published On Apr 22, 2022 01:25 PM IST

ଛତିଶଗଡ: ଛତିଶଗଡର ରାଜନନ୍ଦଗାଓଁ ଜିଲ୍ଲାରେ ଏକ ବଡ଼ ଧରଣର ସଡ଼କ ଦୁର୍ଘଟଣା ଘଟିଛି। କଲଭର୍ଟକୁ ଧକ୍କା ଦେବା ପରେ ଏକ କାରରେ ନିଆଁ ଲାଗିଯାଇଥିଲା ଯେଉଁଥିରେ ପାଞ୍ଚ ଜଣ ଜୀବନ୍ତ ଦଗ୍ଧ ହୋଇ ଯାଇଛନ୍ତି। ଦୁର୍ଘଟଣାରେ ଗୋଟିଏ ପରିବାରର ୫ ଜଣଙ୍କର ମୃତ୍ୟୁ ଘଟିଛି। ତିନି ଝିଅ ସହିତ ସ୍ୱାମୀ-ସ୍ତ୍ରୀ ଏକ ବିବାହ ସମାରୋହରୁ ନିଜ ଘରକୁ ଫେରୁଥିଲେ। ବାଟରେ ସେମାନେ ରାସ୍ତାରେ ଏକ ଦୁର୍ଘଟଣାର ସମ୍ମୁଖୀନ ହୋଇଥିଲେ । ମିଳିଥିବା ସୂଚନା ଅନୁଯାୟୀ, ଗୁରୁବାର ବିଳମ୍ବିତ […]

ଛତିଶଗଡ: ଛତିଶଗଡର ରାଜନନ୍ଦଗାଓଁ ଜିଲ୍ଲାରେ ଏକ ବଡ଼ ଧରଣର ସଡ଼କ ଦୁର୍ଘଟଣା ଘଟିଛି। କଲଭର୍ଟକୁ ଧକ୍କା ଦେବା ପରେ ଏକ କାରରେ ନିଆଁ ଲାଗିଯାଇଥିଲା ଯେଉଁଥିରେ ପାଞ୍ଚ ଜଣ ଜୀବନ୍ତ ଦଗ୍ଧ ହୋଇ ଯାଇଛନ୍ତି। ଦୁର୍ଘଟଣାରେ ଗୋଟିଏ ପରିବାରର ୫ ଜଣଙ୍କର ମୃତ୍ୟୁ ଘଟିଛି। ତିନି ଝିଅ ସହିତ ସ୍ୱାମୀ-ସ୍ତ୍ରୀ ଏକ ବିବାହ ସମାରୋହରୁ ନିଜ ଘରକୁ ଫେରୁଥିଲେ। ବାଟରେ ସେମାନେ ରାସ୍ତାରେ ଏକ ଦୁର୍ଘଟଣାର ସମ୍ମୁଖୀନ ହୋଇଥିଲେ ।

ମିଳିଥିବା ସୂଚନା ଅନୁଯାୟୀ, ଗୁରୁବାର ବିଳମ୍ବିତ ରାତିରେ ଏହି ଦୁର୍ଘଟଣା ଘଟିଛି। ରାଜନନ୍ଦଗାଓଁ ଖଇରାଗଡ ରାସ୍ତାର ଠେଲକାହିବ ପୁଲିସ ଷ୍ଟେସନ ଅନ୍ତର୍ଗତ ସିଙ୍ଗରପୁର ଗାଁରେ କାରରେ ନିଆଁ ଲାଗି ପାଞ୍ଚ ଜଣଙ୍କର ମୃତ୍ୟୁ ଘଟିଛି। ମୃତକଙ୍କ ମଧ୍ୟରେ ସ୍ୱାମୀ -ସ୍ତ୍ରୀ ଏବଂ ତିନି ଝିଅ ରହିଛିନ୍ତି। ଉକ୍ତ ୩ ଝିଅଙ୍କ ବୟସ ୨୦ରୁ ୨୫ ବର୍ଷ ହେବ ବୋଲି ଜଣାପଡ଼ିଛି। ରାତିରେ ଘଟଣାର ସୂଚନା ପାଇବା ମାତ୍ରେ ପୁଲିସ ଘଟଣାସ୍ଥଳରେ ପହଞ୍ଚିଥିଲେ। ରାଜନନ୍ଦଗାଓଁ ଅତିରିକ୍ତ ପୁଲିସ ଅଧୀକ୍ଷକ ସଞ୍ଜୟ ମହାଦେବ କହିଛନ୍ତି ଯେ ଘଟଣାର ତଦନ୍ତରେ ପୁଲିସ ଏବଂ ଫରେନସିକ୍ ଟିମ୍ ନିୟୋଜିତ ଅଛନ୍ତି। ଶବକୁ ବ୍ଯବଚ୍ଛେଦ ପାଇଁ ପଠାଯାଇଛି। ଫୋରେନସିକ୍ ରିପୋର୍ଟ ଆସିବା ପରେ ହିଁ ଦୁର୍ଘଟଣାର ପ୍ରକୃତ କାରଣ ଜଣା ପଡ଼ିବ ।