ମନୋରଞ୍ଜନ
ଓଡ଼ିଶା
11 Apr 2022
By The Sakala
ରୋପ୍ପ ଓ୍ବେରେ ଦୁର୍ଘଟଣା: ଫସିଲେ ୫୦ ପର୍ଯ୍ଯଟକ, ୧୦ ଆହତ ଓ ୨ଗୁରୁତର
ଦେଓଘର: ଝାଡ଼ଖଣ୍ଡର ଦେଓଘର ଜିଲ୍ଲାସ୍ଥିତ ବାବା ବୈଦ୍ୟନାଥ ମନ୍ଦିର ନିକଟରେ ଥିବା ତ୍ରିକୂଟ ପର୍ବତରେ ଲାଗିଥିବା ‘ରୋପ୍ୱେ’ କେତେଗୁଡ଼ିଏ କେବୁଲ୍ କାର୍ ପରସ୍ପର ସହିତ ଧକ୍କା ହୋଇଛି। ଏହା ଧକ୍କାରେ ୧୦ଜଣ ପର୍ଯ୍ଯଟକ ଆହତ ହୋଇଥିବା ବେଳେ ୨ ଜଣଙ୍କ ଅବସ୍ଥା ଗୁରୁତର ରହିଛି।
ପ୍ରତ୍ୟକ୍ଷଦର୍ଶୀଙ୍କ କହିବା ଅନୁସାରେ, ‘ରୋପ୍ୱେ’ରେ ଅନ୍ୟୂନ ୧୨ଟି କ୍ୟାବିନ୍ ଅଟକି ଯାଇଥିବାରୁ ୫୦ଜଣ ବ୍ୟକ୍ତି ଫସି ରହିଛନ୍ତି। ସେମାନଙ୍କୁ ଉଦ୍ଧାର କରିବା ଲାଗି ଉଦ୍ୟମ ଚାଲିଛି। ଉଦ୍ଧାର କାର୍ଯ୍ଯ ନିମନ୍ତେ ଏନ୍ଡିଆର୍ଏଫ୍ ଟିମ୍ ଘଟଣାସ୍ଥଳରେ ମୁତୟନ ହୋଇଥିବା କଥା ଦେଓଘର ଡେପୁଟି କମିସନର୍ ମଞ୍ଜୁନାଥ ଭଜନ୍ତ୍ରୀ କହିଛନ୍ତି। ତେବେ ଏହି ଦୁର୍ଘଟଣାର ପ୍ରକୃତ କାରଣ ଜଣା ପଡ଼ି ନ ଥିଲେ ବି ବୈଷୟିକ ତ୍ରୁଟି ଯୋଗୁଁ କେବୁଲ୍ କାର୍ ଧକ୍କା ଖାଇଥିବା କଥା ପ୍ରାଥମିକ ତଦନ୍ତରୁ ଜଣାପଡ଼ିଥିବା କଥା ଜଣେ ସରକାରୀ ଅଧିକାରୀ କହିଛନ୍ତି।
https://www.thesakala.in/national-international/10-injured-as-cable-cars-in-jharkhand-ropeway-collide/article-10685
About The Author
