ଭୁବନେଶ୍ୱର : ଆବଣ୍ଟିତ ଅକ୍ଷୟ ଶକ୍ତିର ସ୍ଥାୟୀ ବିନିଯୋଗ ଏବଂ ଏଥିପାଇଁ ପ୍ରସ୍ତୁତ ଇକୋସିଷ୍ଟମ୍‌ ସମ୍ବନ୍ଧୀୟ ଏକ କର୍ମଶାଳା ଭୁବନେଶ୍ୱରସ୍ଥିତ ସୂର୍ଯ୍ୟଂଶ ହୋଟେଲ ପରିସରରେ ଅନୁଷ୍ଠିତ ହୋଇଯାଇଛି । ଏଥିରେ ମୁଖ୍ୟ ଅତିଥି ଭାବେ ନାବାର୍ଡ ସିଜିଏମ୍‌ ଡକ୍ଟର ସୁଧାଂଶୁ କେ.କେ ମିଶ୍ର, ଓରେଡାର ଯୁଗ୍ମ ନିର୍ଦ୍ଦେଶକ ସୌମ୍ୟ ରଞ୍ଜନ ପଣ୍ଡା, କୃଷି ଏବଂ କୃଷକ ସଶକ୍ତିକରଣ ବିଭାଗର ମୁଖ୍ୟ ଯନ୍ତ୍ରୀ ମୁକ୍ତିକାନ୍ତ ମହାପାତ୍ର ପ୍ରମୁଖ ଯୋଗ ଦେଇ ହିତାଧିକାରୀଙ୍କୁ ଏକତ୍ର କରି ନବୀକରଣ ଯୋଗ୍ୟ ଶକ୍ତି ସମାଧାନର ଉନ୍ନତ ଗ୍ରହଣ ଏବଂ ମାପନୀୟତା ପାଇଁ ଏକ ଇକୋ ସିଷ୍ଟମ୍‌ ସୃଷ୍ଟି କରିବାରେ ସହାୟକ ହେବ ବୋଲି ମତ ପ୍ରକାଶ ପାଇଥିଲା ।

ସମାଧାନ ଏବଂ ସ୍ଥିରତାର ସ୍ଥାୟୀ ସମାଧାନର ଜାତୀୟ ଲକ୍ଷ୍ୟକୁ ଅଗ୍ରଗତି କରିବା ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ପାଇଁ ସେଲକୋ ଫାଉଣ୍ଡେସନର ସହଭାଗିତାରେ ସୁଇଚଅନ୍‌ ଫାଉଣ୍ଡେସନ୍‌ ସଫଳତାର ସହିତ ଆବଣ୍ଟିତ ନବୀକରଣ ଯୋଗ୍ୟ ଶକ୍ତିର ଏକ ପ୍ରଦର୍ଶନୀ ଆୟୋଜନ କରିଥିଲା । ଏଥିରେ ନବୀକରଣ ଯୋଗ୍ୟ ଶକ୍ତି ଦ୍ୱାରା ଅଣସଂରକ୍ଷିତ ଗ୍ରାମୀଣ ସମ୍ପ୍ରଦାୟ ପାଇଁ ଅକ୍ଷୟ ଶକ୍ତି ସମ୍ପନ୍ନ ସମାଧାନର ଅଗ୍ରଗତି ପ୍ରଦର୍ଶିତ ହୋଇଥିଲା ଏବଂ ଓଡିଶାରେ ନବୀକରଣ ଯୋଗ୍ୟ ଶକ୍ତିର ଆଶା ଏବଂ ସମ୍ଭାବନା ଉପରେ ଆଲୋଚନା କରାଯାଇଥିଲା । ଏହି କର୍ମଶାଳା, ଭାରତରେ ଆବଣ୍ଟିତ ନବୀକରଣ ଯୋଗ୍ୟ ଶକ୍ତି ସମାଧାନର ବିଭିନ୍ନ ଦିଗକୁ ଅନୁସନ୍ଧାନ କରିବା ପାଇଁ ବିଭିନ୍ନ କ୍ଷେତ୍ରର ହିତାଧିକାରୀଙ୍କୁ ଏକତ୍ରିତ କରିଥିଲା ।

କାର୍ଯ୍ୟକ୍ରମରେ ବହୁ ସଂଗଠନର ପ୍ରତିନିଧୀ ଯଥା କୃଷକ ଉତ୍ପାଦକ ସଂଗଠନ (ଏଫ୍‌ ପି ଓ), ଗ୍ରାମ ପଞ୍ଚାୟତ (ଜିପି) ଏବଂ ବ୍ଲକ ସ୍ତରୀ ୟ ନେତା, ସ୍ୱୟଂ ସହାୟକ ଗୋଷ୍ଠୀ (ଏସ୍‌ ଏଚ ଜି), କୃଷି ବିଭାଗ ଏବଂ ଓଡିଶା ନବୀକରଣ ଯୋଗ୍ୟ ଶକ୍ତି ବିକାଶ ବିଭାଗ ଭଳି ଗୁରୁତ୍ୱପୂର୍ଣ୍ଣ ସରକାରୀ ବିଭାଗର ପ୍ରତିନିଧିମାନେ ଯୋଗଦାନ କରିଥିଲେ । ଏଥିରେ ସ୍ଥାନୀୟ ସେବା ପ୍ରଦାନକାରୀ, ଅକ୍ଷୟ ଶକ୍ତି ଉତ୍ପାଦକ, ବିକ୍ରେତା ଏବଂ ଯୋଗାଣକାରୀ ସଂସ୍ଥା ସେମାନଙ୍କର ପାରଦର୍ଶିତା ପ୍ରଦର୍ଶନ କରିଥିଲେ । ଏହି କର୍ମଶାଳାରେ ସଚେତନତା ସୃଷ୍ଟି, ଆବଣ୍ଟିତ ଅକ୍ଷୟ ଶକ୍ତି ଉତ୍ସ, ପ୍ରଯୁକ୍ତିବିଦ୍ୟାର ଗୁରୁତ୍ୱ ଏବଂ ଉପକାରିତା ବିଷୟରେ ଆଲୋଚନା କରାଯାଇଥିଲା । ଏହା ଦ୍ୱାରା ନବୀକରଣ ଯୋଗ୍ୟ ଶକ୍ତି ଗ୍ରହଣକୁ ପ୍ରୋତ୍ସାହିତ କରିବା ପାଇଁ ସରକାରୀ ପଦକ୍ଷେପ ଏବଂ ପ୍ରୋତ୍ସାହନ ଉପରେ ଆଲୋକପାତ କରଯାଇଥିଲା ।

ଏହି ଅବସରରେ ସୁଇଚଅନ୍‌ ଫାଉଣ୍ଡେସନର ଏମଡି ବିନୟ ଜାଜୁ କହିଥିଲେ ଯେ, “ନବୀକରଣ ଯୋଗ୍ୟ ଶକ୍ତି ସମାଧାନ କୃଷକଙ୍କ ଆୟକୁ ଦ୍ୱିଗୁଣିତ କରିବା ସହ ସେମାନଙ୍କ ଜୀବନଧାରଣ ମାନରେ ଉନ୍ନତି ଆଣିବ । ବିଭିନ୍ନ କ୍ଷେତ୍ରରୁ ହିତାଧିକାରୀଙ୍କୁ ଏକତ୍ର କରି ଆବଣ୍ଟିତ ଅକ୍ଷୟ ଶକ୍ତି ଗ୍ରହଣକୁ ତ୍ୱରାନ୍ୱିତ କରିବାରେ ସହାୟକ ହୋଇପାରିବ’ । ଓଡିଶା ଗେଜେଟରେ ପ୍ରକାଶିତ ଓଡିଶା ନବୀକରଣ ଯୋଗ୍ୟ ଶକ୍ତି ନୀତି ରିପୋର୍ଟ ୨୦୨୨ ଅନୁଯାୟୀ,୨୦୦୫ ରୁ ୨୦୧୮ ମଧ୍ୟରେ ଓଡିଶା ଏହାର ନିର୍ଗମନରେ ୨.୬୬ ଗୁଣ ବୃଦ୍ଧି ଘଟିଛି ଏବଂ ଏହି ବୃଦ୍ଧିର ୯୨% ପାଇଁ ଶକ୍ତି କ୍ଷେତ୍ରଦାୟୀ, ଯାହା ନବୀକରଣ ଯୋଗ୍ୟ ଶକ୍ତି ଗ୍ରହଣର ଏକ ଜରୁରୀ ଆବଶ୍ୟକତାକୁ ଦର୍ଶାଉଛି । ପ୍ରାୟ ୬୨୭.୫୭ ମେଗା ୱାଟର ଅକ୍ଷୟ ଶକ୍ତି କ୍ଷମତା ସହିତ, ଓଡିଶା ଏହାର ୨୦୨୨ ଅକ୍ଷୟ ଶକ୍ତି ଲକ୍ଷ୍ୟର ମାତ୍ର ୨୩% ହାସଲ କରିଛି, ଯାହା ଧାର୍ଯ୍ୟ ଲକ୍ଷ୍ୟଠାରୁ କମ୍‌ । ୨୦୩ ସୁଦ୍ଧା ଏହାର ଅକ୍ଷୟ ଶକ୍ତି କ୍ଷମତାକୁ ୧୦୦୦୦ ମେଗା ୱାଟକୁ ବୃଦ୍ଧି କରିବାକୁ ରାଜ୍ୟର ଯୋଜନା ରହିଛି । ନୂତନ ନୀତି ଅନୁସାରେ ସୌର କୁକର, ସୌର ୱାଟର ହିଟର ଏବଂ ସୌର ଖାଦ୍ୟ ଶୁଖାଇବା ସ୍ତରରେ ସୌର ପ୍ରଯୁକ୍ତିର ଉପଯୋଗକୁ ଗୁରୁତ୍ୱ ଦେଇ ବିକେନ୍ଦ୍ରୀ କରଣକୁ ପ୍ରୋତ୍ସାହିତ କରିବାକୁ ଲକ୍ଷ୍ୟ ରଖାଯାଇଛି ।

ଏଥିରେ ସେଲକୋ ଫାଉଣ୍ଡେସନର ବରିଷ୍ଠ ଉପଦେଷ୍ଟା ଗୌତମ୍‌ ପ୍ରଧାନ ତାଙ୍କ ବକ୍ତବ୍ୟରେ କହିଥିଲେ ଯେ, “ଆବଣ୍ଟିତ ଅକ୍ଷୟ ଶକ୍ତି ସମାଧାନକୁ ପ୍ରୋତ୍ସାହିତ କରିବା ପାଇଁ ଏଭଳି ସହଯୋଗୀ ପଦକ୍ଷେପ ଏକ ସ୍ଥାୟୀ ଏବଂ ଉଜ୍ଜଳ ଭବିଷ୍ୟତ ପାଇଁ ପ୍ରେରଣା ଯୋଗାଇଥାଏ ବୋଲି ଆଶା ବ୍ୟକ୍ତ କରିଛନ୍ତି’ । “ସ୍ଥାୟୀ ଶକ୍ତି ସମାଧାନ ପାଇଁ ସଚେତନତା ସୃଷ୍ଟି କରିବା, ବ୍ୟବହାରିକ ପ୍ରଦର୍ଶନକୁ ସମର୍ଥନ କରିବା ଏବଂ ସବୁଜ ଉଦ୍ୟୋଗକୁ ପ୍ରୋତ୍ସାହିତ କରି ଆମେ ଆମର ସମ୍ପ୍ରଦାୟ ତଥା ଦେଶ ପାଇଁ ଏକ ଉଜ୍ଜ୍ୱଳ, ସବୁଜ ଭବିଷ୍ୟତ ସୃଷ୍ଟି କରିପାରିବା ” ବୋଲି କହିଥିଲେ ଓରେଡାର ଯୁଗ୍ମ ନିର୍ଦ୍ଦେଶକ ସୌମ୍ୟ ରଞ୍ଜନ ପଣ୍ଡା ।

ସେହିଭଳି ନାବାର୍ଡ ସିଜିଏମ୍‌ କହିଥିଲେ ଯେ, “ନାବାର୍ଡ ଏହିଭଳି ପଦକ୍ଷେପକୁ ସମର୍ଥନ କରିବାକୁ ପ୍ରତିଶୃତିବଦ୍ଧ, ଯାହା ଉନ୍ନତ ଜ୍ଞାନକୌଶଳ, ଅର୍ଥ ଏବଂ ଗ୍ରାମୀଣ ବିକାଶ ମଧ୍ୟରେ ଥିବା ବ୍ୟବଧାନକୁ ଦୂର କରିଥାଏ । ସହଯୋଗ ଏବଂ ନବସୃଜନକୁ ପ୍ରୋତ୍ସାହିତ କରି ଅକ୍ଷୟ ଶକ୍ତିର ଅଭିବୃଦ୍ଧିକୁ ପ୍ରକୃତରେ ଅନୁକରଣ କରି ସବୁଜ ଭବିଷ୍ୟତ ଗଠନରେ ସହାୟକ ହୋଇପାରିବା ।” ନବୀକରଣ ଯୋଗ୍ୟ ଶକ୍ତିକୁ ବ୍ୟାପକ ରୂପେ ଗ୍ରହଣ କରି ସମସ୍ତ ହିତାଧିକାରୀଙ୍କୁ ଏକତ୍ର କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଏହି ଏକ୍ସପୋ ହିତାଧିକାରୀମାନଙ୍କ ମଧ୍ୟରେ ଆଲୋଚନା ଏବଂ ସହଯୋଗକୁ ସୁଗମ କରିଥିଲା । ବିଶେଷଜ୍ଞମାନଙ୍କ ମତରେ ଏଭଳି ପ୍ରଦର୍ଶନୀ ସମୟନୁକ୍ରମେ ଅକ୍ଷୟ ଶକ୍ତିର ସମାଧାନରେ ସବୁଜ ପୃଥିବୀ ଗଠନର ସ୍ୱପ୍ନ ସାକର ହୋଇପାରିବ ।