ମନୋରଞ୍ଜନ
ଓଡ଼ିଶା
08 Jun 2021
By The Sakala
ଡ୍ରଗ୍ସ ବେପାରୀ ସାବଧାନ: ଗଠନ ହେବ ଡେଡିକେଟେଡ୍ ନାର୍କୋଟିକ୍ ୟୁନିଟ୍, ୨୭ ନୂଆ ପଦବୀ ସୃ୍ଷ୍ଟିକୁ ମୁଖ୍ୟମନ୍ତ୍ରୀଙ୍କ ମଞ୍ଜୁରୀ
ଭୁବନେଶ୍ୱର: ସାବଧାନ ହୋଇଯାନ୍ତୁ ଡ୍ରଗ୍ସ ବେପାରୀ । ଆହୁରି ସଶକ୍ତ ହେବ ଏସଟିଏଫ୍ । ନିଶା କାରବାର ଓ ଚାଲାଣ ଉପରେ ଲାଗିବ ରୋକ୍ । ଡ୍ରଗ୍ସ ପେଡଲରଙ୍କ ଉପରେ କଡ଼ା ନଜର ରଖିଛି ଓଡିଶାର ପୁଲିସର ଏସଟିଏଫ । ଏଥିପାଇଁ ୨୭ଟି ନୂଆ ପଦବୀ ସୃଷ୍ଟି ଲାଗି ସରକାର ମଞ୍ଜୁରୀ ଦେଇଥିବା ପୋଲିସ ଡିଜି ଅଭୟ ସୂଚନା ଦେଇଛନ୍ତି ।
ଏହାସହ ଗଠନ ହେବ ଡେଡିକେଟେଡ୍ ନାର୍କୋଟିକ୍ ୟୁନିଟ୍ । ଏହି ୟୁନିଟ୍ ସ୍ଥାପନ ପାଇଁ ରାଜ୍ୟ ସରକାର ଅନୁମୋଦନ ଦେଇଛନ୍ତି । ୨୭ଟି ନୂଆ ପଦବୀ ସହିତ ଜଣେ ଏସପି ଓ ୩ଜଣ ଡେପୁଟି ଏସ୍ପି ନିଯୁକ୍ତ ହେବେ । ଏସଟିଏଫ୍ର ୨ଟି ୟୁନିଟ୍ର ନେତୃତ୍ବ ନେବେ ଜଣେ ଏସପି । ଗୋଟିଏ ଏସଟିଏଫ୍ ନାର୍କୋଟିକ୍ସ ୟୁନିଟ୍ ଓ ଅନ୍ୟଟି ଏସଟିଏଫ୍ କ୍ରାଇମ୍ ୟୁନିଟ୍ ରହିବ । ଏଭଳି ସଶକ୍ତ, ସହଯୋଗ ଓ ଗାଇଡ୍ ପାଇଁ ମୁଖ୍ୟମନ୍ତ୍ରୀଙ୍କୁ ପୁଲିସ ଡିଜି ଅଭୟ କୃତଜ୍ଞତା ଜଣାଇଛନ୍ତି । ଏସ୍ଟିଏଫ୍ ଭବିଷ୍ୟତରେ ଆହୁରି ଭଲ କାମ କରିବ ବୋଲି ଭରସା ଦେଇଛନ୍ତି ପୁଲିସ ଡିଜି ଅଭୟ ।
https://www.thesakala.in/latest-odisha-news/police-dg-abhaya-press-meet-the-chief-minister-has-approved-the-creation-of-27-new-posts/article-2774
About The Author
