ନୂଆପଡା : ନୂଆପଡା ପୁଲିସ, ସିଆରପିଏଫର ମିଳିତ କମ୍ବିଂ ଅପରେସନବେଳେ ସିନାପାଲି ଥାନା ପାଟଦର୍ହା ରିଜର୍ଭ ଫରେଷ୍ଟ ଅନ୍ତର୍ଗତ ଝୋଲପଡା ନିକଟରେ ଏକ ମାଓବାଦୀ କ୍ୟାମ୍ପ ଠାବ ହୋଇଥିବାବେଳେ ସେଠାରୁ ବହୁ ମାଓବ୍ୟବହୃତ ସାମଗ୍ରୀ ଜବତ କରାଯାଇଛି । ଏଥିରେ ୧୫ରୁ ୨୦ଜଣ ମାଓବାଦୀ ଥିବା ଅନୁମାନ କରାଯାଉଥିବାବେଳେ କୌଣସି ମୃତାହତ ଖବର ମିଳିନଥିବା ଏସପି ପ୍ରତ୍ୟୁଷ ଦିବାକର ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ।

ଶୁକ୍ରବାର ଆହୂତ ସାମ୍ବାଦିକ ସମ୍ମିଳନୀରେ ଏସପି ପ୍ରତ୍ୟୁଷ ଦିବାକର ଏବଂ ସିଆରପିଏଫ କମାଣ୍ଡାଣ୍ଟ ରାଜେଶ ବତ୍ସ ସୂଚନା ଦେଇ କହିଛନ୍ତି ଯେ ଗତ ୧୪ତାରିଖଠାରୁ ପୁଲିସର ଏସଓଜି, ଡିଭିଏଫ ଏବଂ ସିଆରପିଏଫର ଏକ ମିଳିତ ଟିମ କୌଣସି ସୂତ୍ରରୁ ଖବର ପାଇ ପାଟଦର୍ହା ଜଙ୍ଗଲରେ ଛାନଭିନ ଆରମ୍ଭ କରିଥିଲେ । ଗୁରୁବାର ଦିନ ଝୋଲାପଥର ନିକଟରେ ପୁଲିସ ଏବଂ ମାଓବାଦୀଙ୍କ ମଧ୍ୟରେ ଗୁଳିବିନିମୟ ହୋଇଥିଲା । ପୁଲିସ ତରଫରୁ ପାଖାପାଖି ୪୦ରାଉଣ୍ଡ ଗୁଳି ବିନିମୟ ହୋଇଥିଲା । ଶେଷରେ ମାଓବାଦୀମାନେ ଛତ୍ରଭଙ୍ଗ ଦେଇ ଚାଲିଯାଇଥିଲେ ।

ସେଠାରୁ ମାଓବାଦୀମାନଙ୍କର ନିତ୍ୟ ବ୍ୟବହାର୍ଯ୍ୟ ବ୍ୟାଗ, ବ୍ଲାଙ୍କେଟ, ସ୍ୱେଟର, ବୁଟ, ଛତା, ଛୁରୀ, ସୋଲାର ପ୍ଲେଟ, ରେଡିଓ, ଚାର୍ଜର, ମହିଳାଙ୍କ ବସ୍ତ୍ର, ମାଓବାଦୀଙ୍କ ସାହିତ୍ୟ ପୁସ୍ତିକା, ଡାଲି, ଚାଉଳ ଆଦି ମିଳିଥିଲା । ପୁଲିସ ଏସବୁକୁ ସଂଗ୍ରହ କରି ଆଣିଥିଲା । ସେଠାରେ ବର୍ତମାନ ବଧ୍ୟ କମ୍ବିଂ ଅପରେସନ ଜାରି ରହିଥିବା ଏସପି ଦିବାକର କହିଛନ୍ତି । ସଂପୃକ୍ତ ଅନଚଳରେ ମାଓବାଦୀଙ୍କ ଗତିବିଧି ରହିଛି । ଏହାକୁ ଦୃଷ୍ଟିରେ ରଖି ସର୍ଚ୍ଚଅପରେସନକୁ ଦ୍ୱିଗୁଣିତ କରାଯାଇଥିବା କହିଛନ୍ତି ।