ମନୋରଞ୍ଜନ
ଓଡ଼ିଶା
ଘର ଭିତରୁ ନବବଧୂଙ୍କ ମୃତଦେହ ଉଦ୍ଧାର, ହତ୍ୟା ଅଭିଯୋଗ ଆଣିଲେ ପରିବାର ଲୋକେ
ଭୁବନେଶ୍ୱର: ରାଜଧାନୀରେ ନବବଧୂଙ୍କୁ ହତ୍ୟା ଅଭିଯୋଗ । ବିବାହର ୬ ମାସ ନପୁରୁଣୁ ଘରୁ ବାହାରିଲା ମୃତଦେହ । ଚନ୍ଦକା ଥାନା ଅଞ୍ଚଳରେ ନବବଧୂଙ୍କ ସନ୍ଦେହଜନକ ମୃତ୍ୟୁ ପରେ ପରିବାର ଲୋକେ ଆଣିଲେ ଗର୍ଭପାତ ଓ ବଧୂହତ୍ୟା ଅଭିଯୋଗ। ମୃତ ମହିଳା ହେଲେ ଝରଣା ବେହେରା । ଗତ ମେ' ମାସରେ ଚନ୍ଦକା ଅଞ୍ଚଳର ମାନସ ବେହେରାଙ୍କୁ ବିବାହ କରିଥିଲେ । ଝିଅ ଗର୍ଭବତୀ ଥିବାରୁ ଗର୍ଭପାତ କରିବାକୁ ବାଧ୍ୟ କରୁଥିଲେ । ଝିଅ ମନା କରିବାରୁ ମିଛ କହି ଗର୍ଭ ନିରୋଧକ ମେଡିସିନି ଦେଇଥିଲେ । ଗୁରୁତର ହେବାରୁ ମେଡିକାଲରେ ଭର୍ତ୍ତି କରିଥିଲେ । ପରେ ବିଭିନ୍ନ କାରଣରୁ ତାଙ୍କୁ ନିର୍ଯ୍ୟାତନା ଦେଉଥିବା ନେଇ ଅଭିଯୋଗ ଆଣିଛନ୍ତି ମୃତ ମହିଳାଙ୍କ ବାପା । ଗତକାଲି ରାତିରେ ଝିଅର ମୃତ୍ୟୁ ହୋଇଥିବା ନେଇ ଫୋନ ପାଇଥିଲେ ବାପ ଘର ଲୋକେ । ଘଟଣା ପରଠୁ ଝରଣାଙ୍କ ସ୍ୱାମୀ ଫେରାର ଅଛନ୍ତି । ସ୍ୱାମୀଙ୍କ ପରକିୟା ପ୍ରୀତି ଥିବା ମଧ୍ୟ ଅଭିଯୋଗ କରିଛନ୍ତି ମୃତ ମହିଳାଙ୍କ ବାପା । ମୃତ ଦେହକୁ ବ୍ୟବଚ୍ଛେଦ ପାଇଁ କ୍ୟାପିଟାଲ ହସ୍ପିଟାଲ ଅଣାଯାଇଥିବା ସୂଚନା ମିଳିଛି ।
About The Author
