ମନୋରଞ୍ଜନ
ଓଡ଼ିଶା
ଲଗାଣ ବର୍ଷାରେ ବେହାଲ ମାଲକାନଗିରି: ବୁଡ଼ିଲା ବିଭିନ୍ନ ପୋଲ, ଯାତାୟାତ ଠପ
ମାଲକାନଗିରି: ମାଲକାନଗିରି ଜିଲ୍ଲାରେ ପୁଣି ବର୍ଷା ଯୋଗୁଁ ପୋଲ ବୁଡ଼ିଯାଇଛି। ଫଳରେ ଯାତାୟାତ ଠପ ହୋଇଛି। ଜିଲ୍ଲାରେ ଗତକାଲି ରାତିରେ ପ୍ରବଳ ବର୍ଷା ଯୋଗୁଁ କାଙ୍ଗୁରୁକୋଣ୍ଡା ପୋଲ ଉପରେ ଆଜି ସକାଳୁ ଜଳ ପ୍ରବାହିତ ହେଉଛି। ଫଳରେ ଜାତୀୟ ରାଜପଥରେ ଯାତାୟାତ ପ୍ରଭାବିତ ହୋଇ ମାଲକାନଗିରିରୁ କାଲିମେଳାକୁ ଯୋଗାଯୋଗ ବିଛିନ୍ନ ହୋଇଯାଇଛି। ଉଭୟ ପଟେ ଅନେକ ଯାନବାହାନ ଅଟକି ରହିଛି। ସେହିପରି କାଲିମେଳା ପଡିଆ ବ୍ଲକକୁ ସଂଯୋଗ କରୁଥିବା କନ୍ୟାଶ୍ରମ ପୋଲ ଉପରେ ମଧ୍ୟ ଜଳ ପ୍ରବାହିତ ଯୋଗୁଁ କାଲିମେଳାରୁ ପଡିଆ ବ୍ଲକକୁ ଯାତାୟାତ ବନ୍ଦ ହୋଇଛି। ଚଳିତ ବର୍ଷା ଋତୁରେ ପୂର୍ବରୁ ମଧ୍ୟ ଅନେକ ଥର ଏହି ପୋଲ ଗୁଡିକ ଜଳ ମଗ୍ନ ହୋଇଥିଲା । ତେବେ ଉଚ୍ଚ ପୋଲ ନିର୍ମାଣ ନ ହେବା ଯାଏଁ ଏପରି ସମସ୍ୟା ଲାଗି ରହିବ ବୋଲି ଲୋକେ ପ୍ରକାଶ କରିଛନ୍ତି।
About The Author
