ମନୋରଞ୍ଜନ
ଓଡ଼ିଶା
ଲୋକଙ୍କ ଭାତହାଣ୍ଡି ଉପରେ ଗୋଠଛଡା ଦନ୍ତାର ଆଖି
ତେଲକୋଇ: ତେଲକୋଇ ରେଞ୍ଜରେ ଥମୁନି ଗୋଠଛଡା ଦନ୍ତାର ଉପଦ୍ରବ। ଖାଦ୍ୟ ଅନ୍ବେଷଣରେ ଗାଁ ମୁହାଁ ହୋଇ ଘରଭାଙ୍ଗି ଧାନଚାଉଳ ଖାଇବା ସହ ଭାତହାଣ୍ଡିକୁ ଟାର୍ଗେଟ କରୁଛି ଦନ୍ତା। ଗତକାଲି ବିଳମ୍ବିତ ରାତିରେ ଦନ୍ତାହାତୀଟି ଜଣଙ୍କ ଘରଭାଙ୍ଗି ଭାତହାଣ୍ଡିକୁ ଟେକି ନେଇଥିଲା। ଏଭଳି ଘଟଣା ଦେଖିବାକୁ ମିଳିଛି ବିମଳା ଫରେଷ୍ଟବିଟ ବନବିହାରିପୁର ଗାଁ ମୁଣ୍ଡାସାହିରେ। ମୁଣ୍ଡାସାହିର ଶତ୍ରୁ ମୁଣ୍ଡାଙ୍କ ରୋଷେଇ ଘରର କାନ୍ଥକୁ ଭାଙ୍ଗିବା ପରେ ଆଜବେସଟକୁ ଭାଙ୍ଗି ଭାତହାଣ୍ଡିକୁ ଟେକି ନେଇଥିଲା ଦନ୍ତା।
ଭୟରେ ପରିବାର ଲୋକେ ଘରୁ ବାହାରି ନଥିଲେ। ସାହି ନିକଟରେ ହାତୀ ନିରୀକ୍ଷଣ କରୁଥିବା କର୍ମଚାରୀ ଆଜବେସଟ ଭାଙ୍ଗିବା ଶବ୍ଦ ଶୁଣି ଘଟଣା ସ୍ଥଳରେ ପହଞ୍ଚି ଥିଲେ ଏବଂ ହାତୀକୁ ଘଉଡ଼ାଇ ଥିଲେ। ତେବେ ଗାଁ ନିକଟ ଜଙ୍ଗଲରେ ଦନ୍ତାହାତୀ ଡେରା ପକାଇ ଥିବାରୁ ଲୋକେ ଭୟଭୀତ ଅବସ୍ଥାରେ ଦିନ କାଟୁଛନ୍ତି।
About The Author
