ମନୋରଞ୍ଜନ
ଓଡ଼ିଶା
16 May 2023
By The Sakala
ନଦୀରେ ଗାଧୋଉଥିବାବେଳେ ଖସିଗଲା ଗୋଡ, ପାଣିରେ ବୁଡି ଦୁଇ ଯୁବକ ମୃତ
ଯାଜପୁର: ନଦୀରେ ଗାଧୋଉଥିବାବେଳେ ଗୋଡ ଖସିଯିବାରୁ ପାଣିରେ ବୁଡି ଦୁଇ ଯୁବକ ମୃତ୍ୟୁବରଣ କରିଛନ୍ତି । ଏଭଳି ଏକ ହୃଦୟବିଦାରକ ଘଟଣା ଘଟିଛି ଯାଜପୁର ଜିଲ୍ଲା ବଡ଼ଚଣା ଥାନା ଅଧୀନ ରାଧାଦେଇପୁରର ଗେଙ୍ଗୁଟି ନଦୀରେ । ମୃତକ ହେଲେ ଅମିତ ଖଣ୍ଡାଇ ଓ ମଳୟ ନାୟକ ।
ସୂଚନା ଅନୁସାରେ, ସଞ୍ଜୟନଗର ଅଞ୍ଚଳର ତିନିଜଣ ଯୁବକ ଗାଧୋଇବାକୁ ଗେଙ୍ଗୁଟି ନଦୀକୁ ଯାଇଥିଲେ । ମାତ୍ର ଗାଧୋଉଥିବା ସମୟରେ ଦୁଇ ଜଣ ଯୁବକଙ୍କ ଗୋଡ଼ ଖସିଯିବାରୁ ନଦୀରେ ବୁଡି ଯାଇଥିଲେ । ସ୍ଥାନୀୟ ଲୋକେ ନଦୀରେ ଦୀର୍ଘ ସମୟ ଧରି ଖୋଜାଖୋଜି କରିବା ପରେ ଦୁଇ ଜଣକୁ ଗୁରୁତର ଅବସ୍ଥାରେ ଉଦ୍ଧାର କରାଯାଇଥିଲା । ଗୁରୁତର ଯୁବକଙ୍କୁ ବଡ଼ଚଣା ମେଡିକାଲକୁ ସ୍ଥାନାନ୍ତର କରାଯାଇଥିବା ବେଳେ ସେଠାରେ ତାଙ୍କର ମୃତ୍ୟୁ ହୋଇଛି । ଯୁବକଙ୍କ ମୃତ୍ୟୁ ପରେ ସ୍ଥାନୀୟ ଅଂଚଳରେ ଶୋକର ଛାୟା ଖେଳିଯାଇଛି ।
https://www.thesakala.in/latest-odisha-news/jajpur/two-youths-drowned-in-the-river-while-bathing/article-21706
About The Author
