ଦେବଗଡ଼: ଦେବଗଡ଼ର ବିଜେପି ବିଧାୟକ ସୁବାଷ ଚନ୍ଦ୍ର ପାଣିଗ୍ରାହୀଙ୍କ ଦାଦାଗିରି । ମହିଳା ସଶକ୍ତିକରଣ କାର୍ଯ୍ୟକୁ ଖୁଲମଖୁଲା ବିରୋଧ କଲେ ବିଜେପି ବିଧାୟକ । ପୌର ପରିଷଦ ପକ୍ଷରୁ ମୁକ୍ତା ଯୋଜନାରେ ମିଶନ ଶକ୍ତି ସ୍ୱୟଂସହାୟକ ଗୋଷ୍ଠୀ ପକ୍ଷରୁ ନିର୍ମାଣ କରାଯାଇଥିବା ଏକ ପାଚେରୀକୁ ତାଙ୍କ ଉପସ୍ଥିତିରେ ଭାଙ୍ଗିଦେଇଛନ୍ତି ସମର୍ଥକ ।

ପୌରପରିଷଦ ଅଞ୍ଚଳରେ ମୁକ୍ତା ଯୋଜନାରେ ମିଶନ ଶକ୍ତି ମହିଳା ପାଚେରୀ ନିର୍ମାଣ କରିଥିଲେ । ଏଥିପାଇଁ ୧୪ଲକ୍ଷ ୬୫ହଜାର ୩୦୦ଟଙ୍କାର କାର୍ଯ୍ୟାଦେଶ ପାଇଥିଲେ । ବିଜେପି କର୍ମୀଙ୍କୁ କାମ ମିଳିନଥିବାରୁ ଉତ୍ତେଜିତ ହୋଇପଡ଼ିଥିଲେ ବିଜେପି ବିଧାୟକ ସୁବାଷ ପାଣିଗ୍ରାହୀ । ଏଥିପାଇଁ ରାଗରେ ପାଚେରୀ ଭାଙ୍ଗି ଦେଇଛନ୍ତି ବିଧାୟକ ଓ ତାଙ୍କ ସମର୍ଥକ ।

ବିଧାୟକଙ୍କ ଏପରି ଆଚରଣ ଦେଖି କାନ୍ଦିପକାଇଥିଲେ ଏସଏଚଜି ସଦସ୍ୟା । ଏନେଇ ବିଧାୟକଙ୍କ ବିରୋଧରେ ଥାନାରେ ଏତଲା ଦେଇଛନ୍ତି ହରିଓମ ଏସଏଚଜି ସଭାନେତ୍ରୀ ଗୀତାଞ୍ଜଳି ପୃଷ୍ଟି ଓ ପୌର ନିର୍ବାହୀ ଅଧିକାରୀ ତପନ କୁମାର ମହାପାତ୍ର । ଅନ୍ୟପଟେ ଘଟଣାସ୍ଥଳରେ ଭଙ୍ଗା ପାଚେରୀର ଫଟୋ ଉଠାଇବାରୁ ଗଣମାଧ୍ୟମ ପ୍ରତିନିଧିଙ୍କୁ ବିରୋଧ କରିଥିଲେ ବିଧାୟକ । ଜଣେ ବିଧାୟକ ହୋଇ ମହିଳାଙ୍କ ଆତ୍ମନିର୍ଭର କାର୍ଯ୍ୟକୁ ବିରୋଧ କରିବା ଶୋଭନୀୟ ନୁହେଁ । ବିଧାୟକଙ୍କ ଏଭଳି ଆଚରଣକୁ ନିନ୍ଦା କରିଛନ୍ତି ଜିଲ୍ଲାବାସୀ ।