ମନୋରଞ୍ଜନ
ଓଡ଼ିଶା
ଟ୍ରେନ୍ରେ ମାତିଲେ ଲୁଟେରା; ପଇଡରେ ନିଶା ଦେଇ ଯାତ୍ରୀଙ୍କଠୁ ଟଙ୍କା ଓ ସୁନା ଗହଣା ଲୁଟିନେଲେ ଦୁର୍ବୁତ୍ତ
ବ୍ରହ୍ମପୁର: ପୁରୀ- ଗୁଣୁପୁର ଟ୍ରେନ୍ରେ ମାତିଲେ ଲୁଟେରା। ପଇଡରେ ନିଶା ଦେଇ ଯାତ୍ରୀଙ୍କଠୁ ଟଙ୍କା ଓ ସୁନା ଗହଣା ଲୁଟିନେଲେ ଦୁର୍ବୁତ୍ତ । ଲୁଟର ଶିକାର ହୋଇଛନ୍ତି ବ୍ରହ୍ମପୁର ସୂର୍ଯ୍ୟନଗରର ସୁବାସ ଚନ୍ଦ୍ର ଆଚାରୀ ଓ ତାଙ୍କ ସ୍ତ୍ରୀ କେ ସୁମତି ଆଚାରୀ ଏବଂ ଇନ୍ଦ୍ରାବତୀରେ ରହୁଥିବା ସୁବାସଙ୍କ ବଡ ଭାଇ କେ କିଶୋର ଚନ୍ଦ୍ର ଆଚାରୀ ଏବଂ ଭାଉଜ କେ ଶାରଦା ଆଚାରୀ । ଗତକାଲି ସନ୍ଧ୍ୟାରେ ଲୁଟର ଶିକାର ହେବାପରେ ଚେତାଶୂନ୍ୟ ଅବସ୍ଥାରେ ଜିଆରପି ପୁଲିସ୍ ସେମାନଙ୍କୁ ଉଦ୍ଧାର କରି ବ୍ରହ୍ମପୁର ଏମକେସିଜି ମେଡିକାଲରେ ଭର୍ତ୍ତି କରିଛି।
ସେମାନେ ପୁରୀରୁ ଠାକୁରଙ୍କ ଦର୍ଶନ କରି ବ୍ରହ୍ମପୁର ଫେରୁଥିବା ବେଳେ ଏହି ଲୁଟ୍ର ଶିକାର ହୋଇଥିବା ଜଣାପଡିଛି । ସେମାନଙ୍କ ନିକଟରେ ଥିବା ପରିଚୟପତ୍ରରୁ ବ୍ରହ୍ମପୁର ସୂର୍ଯ୍ୟନଗର ଘର ବୋଲି ଜଣାପଡିଥିଲା । ଲୁଟେରା ସେମାନଙ୍କୁ ମିଠା ମିଠା କଥା କହି ନିଶା ଦେଇ ମୋବାଇଲଠୁ ଆରମ୍ଭ କରି ସବୁ ଲୁଟି ନେଇଥିବା ଜଣାଯାଇଛି।
ସୂଚନା ଅନୁସାରେ, ପୁରୀ ଷ୍ଟେସନରୁ ଟ୍ରେନରେ ଚଢିବାର କିଛି ସମୟ ପରେ ଜଣେ ଯୁବକ ସେମାନଙ୍କୁ ସାହାଯ୍ୟ କରିବା ବାହାନାରେ ପଇଡ ନିଶା ମିଶାଇ ପିଇବାକୁ ଦେଇଥିଲେ । କିଛି ସମୟ ପରେ ସେମାନେ ଅଚେତ୍ ହେବା ପରେ ଲୁଟ କରିଥିଲା ଦୁର୍ବୁତ୍ତ । ଏହାପରେ ବ୍ରହ୍ମପୁର ରେଳ ଷ୍ଟେସନରୁ ୪ ଜଣ ଯାତ୍ରୀଙ୍କୁ ଅଚେତ୍ ଅବସ୍ଥାରେ ଉଦ୍ଧାର କରିଥିଲା ଜିଆରପି ଥାନା ପୋଲିସ । ସମସ୍ତଙ୍କୁ ଏମକେସିଜି ମେଡିକାଲରେ ଭର୍ତ୍ତି କରାଯାଇଥିବା ବେଳେ ଜଣଙ୍କ ଚେତା ଫେରିଛି ।
About The Author
