ମନୋରଞ୍ଜନ
ଓଡ଼ିଶା
ଭାରସାମ୍ୟ ହରାଇ ଗଛରେ ପିଟିହେଲା ୧୦୮ ଆମ୍ବୁଲାନ୍ସ; ରୋଗୀ ସହ ହେଲ୍ପର ମୃତ, ୪ ଆହତ
କଳାହାଣ୍ଡି: ରୋଗୀ ନେଇ ମେଡିକାଲକୁ ଯିବାବେଳେ ଗଛରେ ପିଟିହୋଇ ଦୁର୍ଘଟଣାଗ୍ରସ୍ତ ହୋଇଛି ୧୦୮ ଆମ୍ବୁଲାନ୍ସ ଗାଡି । ଦୁର୍ଘଟଣାରେ ରୋଗୀ ସହ ହେଲ୍ପର ମୃତ୍ୟୁବରଣ କରିଥିବାବେଳେ ୪ ଜଣ ଗୁରୁତର ଆହତ ହୋଇଛନ୍ତି । କଳାହାଣ୍ଡି ଜିଲ୍ଲା ଜୁନାଗଡ଼ ଥାନା ଅନ୍ତର୍ଗତ ୨୬ ନମ୍ଵର ଜାତୀୟ ରାଜପଥ ମହିଚଲା ଗାଁ ନିକଟରେ ଘଟିଛି ଏହି ଦୁର୍ଘଟଣା। ଆମ୍ବୁଲାନ୍ସଟି ଜୟପାଟଣା ମେଡିକାଲରୁ ରୋଗୀ ଧରି ଭବାନୀପାଟଣା ମୁଖ୍ୟ ଚିକିତ୍ସାଳୟକୁ ଆସୁଥିବାବେଳେ ଗଛରେ ପିଟି ହୋଇଯାଇଥିବା ସୂଚନା ମିଳିଛି ।
ସୁଚନାନୁସାରେ, ଝାଡ଼ାବାନ୍ତି କାରଣରୁ ଜୟପାଟଣା ଥାନା କପୁରମାଲ ଗାଁର ୪ ଜଣ ଜୟପାଟଣା ମେଡିକାଲରେ ଚିକିତ୍ସିତ ହେଉଥିଲେ। ସେମାନଙ୍କ ମଧ୍ୟରୁ ସୁନୀତା ଦୁର୍ଗାଙ୍କ ଅବସ୍ଥା ଗୁରୁତର ହେବାରୁ ଆଜି ସକାଳେ ତାଙ୍କୁ ଆମ୍ବୁଲାନ୍ସ ଯୋଗେ ଭବାନୀପାଟଣା ନିଆଯାଉଥିଲା। ମାତ୍ର ରାସ୍ତାରେ ଆମ୍ବୁଲାନ୍ସଟି ଭାରସାମ୍ୟ ହରେଇ ଏକ ଗଛରେ ପିଟି ହୋଇ ଦୁର୍ଘଟଣାଗ୍ରସ୍ତ ହୋଇଛି।
ଦୁର୍ଘଟଣାରେ ଘଟଣାସ୍ଥଳରେ ରୋଗୀ ସୁନୀତା ଓ ହେଲ୍ପର ଡମ୍ବରୁଙ୍କ ମୃତ୍ୟୁ ଘଟିଛି। ଏଥିରେ ଡ୍ରାଇଭର, ରୋଗୀଙ୍କ ଦୁଇ ସଂପର୍କୀୟ ଏବଂ ଆମ୍ବୁଲାନ୍ସ ର ଫାର୍ମାସିଷ୍ଟ ଆହତ ହୋଇଛନ୍ତି । ଘଟଣାସ୍ଥଳରେ ପୁଲିସ୍ ପହଞ୍ଚି ତୁରନ୍ତ ସେମାନଙ୍କୁ ହସ୍ପିଟାଲ ପଠାଇଛି ଏବଂ ତଦନ୍ତ ଆରମ୍ଭ କରିଛି ।
About The Author
