ଖୁବ୍‌ଶୀଘ୍ର ମିଳିବ ସାହାରା ଇଣ୍ଡିଆର ଦ୍ୱିତୀୟ କିସ୍ତି ଟଙ୍କା

ନୂଆଦିଲ୍ଲୀ : ସାହାରା ଇଣ୍ଡିଆରେ ଫସି ରହିଥିବା ଲୋକଙ୍କ ଟଙ୍କା ଆସିବା ପ୍ରକ୍ରିୟା ଆରମ୍ଭ ହୋଇଛି। କେନ୍ଦ୍ର ସରକାର ଏଥିପାଇଁ ଗତ ୧୮ ଜୁଲାଇରେ ସାହାରା ରିଫଣ୍ଡ୍ ପୋର୍ଟାଲ ଆରମ୍ଭ କରିଥିଲେ। ପ୍ରଥମ କିସ୍ତି ଅର୍ଥ ନିବେଶକମାନଙ୍କୁ ପ୍ରଦାନ କରାଯାଉଛି, ଯେଉଁମାନେ ଏହି ପୋର୍ଟାଲ ଜରିଆରେ ଅର୍ଥ ଫେରସ୍ତ ଦାବି କରିଛନ୍ତି। ଚଳିତମାସ ପହିଲାରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହା ସାହାରାର ନିବେଶକଙ୍କ ପ୍ରଥମ କିସ୍ତି ଅର୍ଥ ଫେରସ୍ତ ବ୍ୟବସ୍ଥାର ଶୁଭାରମ୍ଭ କରିଥିଲେ। ତେବେ ଏହାର ଦ୍ୱିତୀୟ କିସ୍ତି ଅର୍ଥ ଖୁବ୍ ଶୀଘ୍ର ଆସିବ। ଅର୍ଥାତ୍ ସରକାର ସାହାରା ରିଫଣ୍ଡ୍ର ଦ୍ବିତୀୟ କିସ୍ତି ଅର୍ଥ ଖୁବ୍ ଶୀଘ୍ର ଜାରି କରିବାକୁ ଯାଉଛନ୍ତି।

ବର୍ତ୍ତମାନ ପର୍ଯ୍ୟନ୍ତ, ପ୍ରାୟ ୨୦ ଲକ୍ଷ ଲୋକ ସିଆର୍ସିଏସ୍-ସାହାରା ଫେରସ୍ତ ପୋର୍ଟାଲ ମାଧ୍ୟମରେ ଆବେଦନ କରିଛନ୍ତି। ଯେଉଁମାନଙ୍କର ଟଙ୍କା ସାହାରାର ଯୋଜନାରେ ଅଟକି ରହିଛି, ସେମାନେ ଟଙ୍କା ଫେରସ୍ତ ପାଇବା ପାଇଁ ଏହି ପୋର୍ଟାଲ ମାଧ୍ୟମରେ ଆବେଦନ କରିପାରିବେ। ଏହି ପୋର୍ଟାଲ ମାଧ୍ୟମରେ ପ୍ରଥମ ପର୍ଯ୍ୟାୟରେ ୧.୭ କୋଟି ନିବେଶକ ୧୦,୦୦୦ ଟଙ୍କା ପର୍ଯ୍ୟନ୍ତ ଫେରସ୍ତ ପାଇବେ। ଏଥିପାଇଁ ୫୦୦୦ କୋଟି ଟଙ୍କାର ପାଣ୍ଠି ଗ୍ରହଣ କରାଯାଇଥିଲା। ପ୍ରଥମ ପର୍ଯ୍ୟାୟରେ, ଅଗଷ୍ଟ ୪ରେ, କେବଳ ୧୧୨ ଜଣଙ୍କୁ ସରକାର ଅର୍ଥ ପେମେଣ୍ଟ କରିଛନ୍ତି। ଏଥିସହିତ, ଏହି ପୋର୍ଟାଲ ମାଧ୍ୟମରେ ଏପର୍ଯ୍ୟନ୍ତ ୨୦ ଲକ୍ଷରୁ ଅଧିକ ଲୋକ ଆବେଦନ କରିଛନ୍ତି। ପ୍ରଥମ ପର୍ଯ୍ୟାୟରେ ପ୍ରାୟ ୧୧,୨୦,୦୦୦ ଟଙ୍କା ନିବେଶକଙ୍କୁ ଫେରସ୍ତ କରାଯାଇଛି। ଏହାର ଦ୍ୱିତୀୟ କିସ୍ତି ଖୁବ୍ ଶୀଘ୍ର ଜାରି ହେବାକୁ ଯାଉଛି। ଲୋକଙ୍କ ପାଇଁ ପ୍ରଥମ କିସ୍ତି ଭାବରେ କେବଳ ୧୦,୦୦୦ ଟଙ୍କା ଫେରସ୍ତ କରାଯାଇଥିଲା। ବାକି ଟଙ୍କା ମଧ୍ୟ ଖୁବ ଶୀଘ୍ର ପ୍ରଦାନ କରାଯିବ। ଏହାର ଦ୍ୱିତୀୟ କିସ୍ତି ସେପ୍ଟେମ୍ବରରେ ଜାରି କରାଯିବ ।