ଭାରତ-ଅଷ୍ଟ୍ରେଲିଆ ଦ୍ବିତୀୟ ଦିନିକିଆ : ଟସ୍ ଜିତି ଅଷ୍ଟ୍ରେଲିଆର ବୋଲିଂ ନିଷ୍ପତ୍ତି, ବୁମରାଙ୍କ ବଦଳରେ ଖେଳୁଛନ୍ତି ପ୍ରସିଦ୍ଧ କ୍ରିଷ୍ଣା

ଇନ୍ଦୋର : ଭାରତ-ଅଷ୍ଟ୍ରେଲିଆ ଦିନିକିଆ କ୍ରିକେଟ ସିରିଜର ଦ୍ୱିତୀୟ ମ୍ୟାଚ ଇନ୍ଦୋରରେ ଆଜି ଖେଳାଯାଉଛି। ଇନ୍ଦୋରରେ ଖେଳାଯାଉଥିବା ଦ୍ୱିତୀୟ ଦିନିକିଆରେ ଟସ୍ ଜିତି ଅଷ୍ଟ୍ରେଲିଆ ବୋଲିଂ ନିଷ୍ପତ୍ତି ନେଇଛି। ମୋହାଲୀରେ ପ୍ରଥମ ମ୍ୟାଚରେ ବିଜୟୀ ଭାରତ ଦ୍ୱିତୀୟ ଦିନିକିଆକୁ କବଜା କରି ସିରିଜକୁ ଆଗୁଆ ଜିତିବାକୁ ପ୍ରୟାସ କରୁଥିବା ବେଳେ ପ୍ରଥମ ମ୍ୟାଚ ପରାଜୟର ବଦଲା ନେବା ଲକ୍ଷ୍ୟରେ ରହିଛି କଙ୍ଗାରୁ ବାହିନୀ। ସେପଟେ ଆଜି ଅଷ୍ଟ୍ରେଲିଆ ଦଳର ନେତୃତ୍ବ ଷ୍ଟିଭ୍‌ ସ୍ମିଥ୍‌ ନେଉଛନ୍ତି। ଭାରତୀୟ ଦଳରେ ମଧ୍ୟ ଗୋଟିଏ ପରିବର୍ତ୍ତନ କରାଯାଇଛି। ଷ୍ଟାର ପ୍ରେସ୍‌ ବୋଲର ୟଶପ୍ରୀତ ବୁମରା ଆଜିର ମ୍ୟାଚ ଖେଳୁନାହାନ୍ତି। ତାଙ୍କ ବଦଳରେ ପ୍ରସିଦ୍ଧ କ୍ରିଷ୍ଣାଙ୍କୁ ଟିମ୍‌ରେ ସ୍ଥାନ ଦିଆଯାଇଛି।

ଅନ୍ୟପଟେ ପ୍ରଥମ ଦିନିକିଆ ଜିତିଥିବା ଭାରତ ଏହି ମ୍ୟାଚକୁ ଜିତି ସିରିଜ ବିଜୟ ଲକ୍ଷ୍ୟରେ ରହିବ । ଇନ୍ଦୋର ପିଚ ସର୍ବଦା ଭାରତ ପାଇଁ ଭାଗ୍ୟଶାଳୀ ସାବ୍ୟସ୍ତ ହୋଇଛି । ୧୭ ବର୍ଷ ହେଲା ଟିମ ଇଣ୍ଡିଆ ଏଠାରେ ପରାଜିତ ହୋଇନି । ୨୦୦୬ରେ ଇଂଲଣ୍ଡ ବିପକ୍ଷ ଦିନିକିଆରେ ଭାରତ ବିଜୟ ହାସଲ କରିଥିଲା । ସେବେଠାରୁ ୬ଟି ମ୍ୟାଚ ଖେଳା ଯାଇଥିଲେ ମଧ୍ୟ ଟିମ ଇଣ୍ଡିଆ ହାରି ନାହିଁ । ରୋହିତ ଶର୍ମା ଓ ବିରାଟ କୋହଲିଙ୍କ ଅନୁପସ୍ଥିତିରେ ଭାରତ ଭଲ ପ୍ରଦର୍ଶନ କରି ପ୍ରଥମ ଦିନିକିଆରେ ବିଜୟୀ ହୋଇଥିଲା। କେଏଲ ରାହୁଲ ଅଧିନାୟକତ୍ବରେ ଭାରତ ଦ୍ୱିତୀୟ ମ୍ୟାଚ ଜିତି ଆଗୁଆ ସିରିଜ୍‌ ବିଜୟ ଲକ୍ଷ୍ୟରେ ରହିଛି।

Australia have elected to bowl against #TeamIndia in the second #INDvAUS ODI.

ଆହୁରି ପଢ଼ନ୍ତୁ: ୭୭/୬ ରୁ ମ୍ୟାଚ୍ ଜିତାଇଲେ ସୂର୍ଯ୍ୟକୁମାର! ଆମେରିକା ବିପକ୍ଷରେ ଭାରତର ରୋମାଞ୍ଚକର ବିଜୟ

A look at our Playing XI 👇👇

Follow the match – https://t.co/OeTiga5wzy @IDFCFIRSTBank pic.twitter.com/OJ4dBYIEAv

— BCCI (@BCCI) September 24, 2023

ଅନ୍ୟପଟେ ମୋହାଲିରେ ଫ୍ଲାଟ୍ ପିଚରେ ରନ୍ କରିବାରେ ବିଫଳ ହୋଇଥିବା ଶ୍ରେୟସ୍ ଆୟର ରବିବାର ଏଠାରେ ଖେଳାଯିବାକୁ ଥିବା ଅଷ୍ଟ୍ରେଲିଆ ବିପକ୍ଷ ଦ୍ୱିତୀୟ ଦିନିକିଆରେ ନିଜ ନାଁରେ କିଛି ରନ୍ ଯୋଡିବାକୁ ଚେଷ୍ଟା କରିବେ । ସେହିପରି ସ୍ପିନର ରବିଚନ୍ଦ୍ରନ୍ ଅଶ୍ୱିନଙ୍କ ଉପରେ ମଧ୍ୟ ଭଲ ପ୍ରଦର୍ଶନ ପାଇଁ ଚାପ ରହିବ ।