ମନୋରଞ୍ଜନ
ଓଡ଼ିଶା
07 Oct 2023
By The Sakala
ଏସିଆନ ଗେମ୍ସରେ ଇତିହାସ ରଚିଲା ଭାରତ, କବାଡିରେ ସ୍ୱର୍ଣ୍ଣ ସହ ପ୍ରଥମଥର ପାଇଁ ୧୦୦ ଛୁଇଁଲା ଭାରତର ପଦକ ସଂଖ୍ୟା
ହାଙ୍ଗଝୋଉ: ଏସିଆନ ଗେମ୍ସରେ ଇତିହାସ ରଚିଲା ଭାରତ । ଭାରତର ମୋଟ୍ ପଦକ ସଂଖ୍ୟା ୧୦୦କୁ ବୃଦ୍ଧି ପାଇଛି । ଆଜି ତୀରନ୍ଦାଜୀ ଏବଂ କବାଡିରେ ସ୍ୱର୍ଣ୍ଣ ସହ ଭାରତର ପଦକ ସଂଖ୍ୟା ୧୦୦ ଛୁଇଁଛି। ଏସିଆନ ଗେମ୍ସରେ ଭାରତ ଜିତିଥିବା ପଦକ ମଧ୍ୟରେ ୨୫ ସ୍ୱର୍ଣ୍ଣ, ୩୫ ରୌପ୍ୟ, ୪୦ ବ୍ରୋଞ୍ଜ ସହ ୧୦୦ ପଦକ ଅଛି । ୧୦୦ ପଦକ ସହ ଏସୀୟ କ୍ରୀଡା ତାଲିକାର ଚତୁର୍ଥ ସ୍ଥାନରେ ଅଛି ଭାରତ ।
ଏସିଆନ୍ ଗେମ୍ସର ୧୪ତମ ଦିନରେ ଭାରତକୁ ଆଉ ୫ଟି ପଦକ ମିଳିଛି । ତୀରନ୍ଦାଜୀରେ ୨ଟି ସ୍ୱର୍ଣ୍ଣ ସହ ଗୋଟିଏ ରୌପ୍ୟ ଓ ଗୋଟିଏ କାଂସ୍ୟ ମିଳିଥିବା ବେଳେ ମହିଳା କବାଡ଼ି ଦଳ ସ୍ୱର୍ଣ୍ଣ ପଦକ ଜିତିଛି । ମହିଳା ତୀରନ୍ଦାଜୀ କମ୍ପାଉଣ୍ଡ ଇଭେଣ୍ଟରେ ଭାରତର ଜ୍ୟୋତି ସୁରେକ୍ଷା ସ୍ୱର୍ଣ୍ଣ ପଦକ ପାଇଥିବା ବେଳେ ସମାନ ଇଭେଣ୍ଟରେ ଅଦିତି ଗୋପିଚାନ୍ଦ ହାତେଇଛନ୍ତି କାଂସ୍ୟ । ସେହିଭଳି ପୁରୁଷ ତୀରନ୍ଦାଜୀ କମ୍ପାଉଣ୍ଡ ଇଭେଣ୍ଟରେ ଓଜାସ୍ ପ୍ରବୀଣ ସ୍ୱର୍ଣ୍ଣ ପଦକ ପାଇଥିବା ବେଳେ ଅଭିଷେକ ପାଇଛନ୍ତି ରୌପ୍ୟ ।
https://www.thesakala.in/sports/india-touches-100-medal-tally-for-the-1st-time-in-asian-games/article-26146
About The Author
