ଆଇପିଏଲ ୨୦୨୩: ଶେଷ ୫ ବଲରେ ୫ଟି ଛ’ ମାରି କୋଲକାତାକୁ ଜିତାଇଲେ ରିଙ୍କୁ

ଅହମ୍ମଦାବାଦ: ଆଇପିଏଲ ୨୦୨୩ର ୧୩ତମ ମୁକାବିଲାରେ ବିଶ୍ଵର ସର୍ବବୃହତ ଷ୍ଟାଡିୟମରେ ମୁହାଁମୁହିଁ ହୋଇଛନ୍ତି ଗୁଜରାଟ୍ ଟାଇଟନ୍ସ ଏବଂ କୋଲକାତା ନାଇଟ୍ ରାଇଡର୍ସ। ଆଜି ଏକ ରୋମାଞ୍ଚକର ମ୍ୟାଚ ଦେଖିବାକୁ ମିଳିଥିଲା । ଗୁଜରାଟ୍ ଟାଇଟନ୍ସ ହାତରେ ମ୍ୟାଚର ନିୟନ୍ତ୍ରଣ ରହିଥିବା ବେଳେ ରିଙ୍କୁ ସିଂହ ଶେଷ ୫ ବଲରେ ୫ଟି ଛ’ ମାରି ବାଜି ପଲଟାଇ ଦେଇଛନ୍ତି। ପ୍ରଥମେ ବ୍ୟାଟିଂ କରି ଗୁଜରାଟ ୨୦୪ ରନ କରିଥିଲା । ଏହ ମ୍ୟାଚକୁ ଜିତିବାକୁ ହେଲେ କୋଲକାତାକୁ ୨୦୫ ରନର ଆବଶ୍ୟକତା ରହିଥିଲା ।  କୋଲକାତା ୨୦ ଓଭରରେ ୭ ୱିକେଟ ହରାଇ ୨୦୭ ରନ କରି ମ୍ୟାଚକୁ ଜିତି ନେଇଛି।

କୋଲକାତା ପକ୍ଷରୁ ରହମନୁଲ୍ଲା ଗୁରବାଜ ୧୨ ବଲରେ ୧୫ ରନ କରି ଆଉଟ ହୋଇଥିଲେ। ପରେ ଜଗଦିଶାନ ୮ ବଲରେ ୬ ରନ କରି ଆଉଟ ହୋଇଥିଲେ। ପରେ ଭେଙ୍କେଟଶ ଆୟର ଓ ନିତିଶ ରାଣା ପାରିକୁ ସମ୍ଭାଳିଥିଲେ। ନିତିଶ ରାଣା ୨୯ ବଲରେ ୪୫ ରନ କରି ଆଉଟ ହୋଇଥିଲେ। ଭେଙ୍କେଟଶ ଆୟର ୪୦ ବଲରେ ୮୩ ରନ କରି ଆଉଟ ହୋଇଥିଲେ। ପରେ ରସେଲ ଆସିଥିଲେ। ହେଲେ ପୁଣି ଥରେ ନିରାଶ କରିଥିଲେ। ରସେଲ ୨ ବଲରେ ୧ ରନ କରି ଆଉଟ ହୋଇଥିଲେ। ପରେ ସୁନୀଲ ନାରିନ ଓ ସର୍ଦ୍ଦୁଲ ଠାକୁର କୌଣସି ରନ ନ କରି ଆଉଟ ହୋଇଥିଲେ। ରିଙ୍କୁ ସିଂହ ଓ ଉମେଶ ଯାଦବ ପାରିକୁ ସମ୍ଭାଳିଥିଲେ। ରିଙ୍କୁ ସିଂହଙ୍କ ଏକ ବିସ୍ଫୋରକ ଇଂନିସ ଖେଳିଥିଲେ। ରିଙ୍କୁ ସିଂହ ୨୧ ବଲରେ ୪୮ ରନ କରି ଅପାରିଜତ ରହିଥିବା ବେଳେ ଉମେଶ ଯାଦବ ୬ ବଲରେ ୫ ରନ କରି ଅପରାଜିତ ରହିଥିଲେ।

ଗୁଜରାଟ୍ ପକ୍ଷରୁ ରସିଦ ଖାନ ୩ଟି ୱିକେଟ ନେଇଥିବା ବେଳେ ଆଲଜାରି ଯୋସେଫ ୨ଟି ୱିକେଟ ନେଇଥିଲେ । ମହମ୍ମଦ ସାମି ଓ ଲିଟଲ ଗୋଟିଏ ଲେଖାଏଁ ୱିକେଟ ନେଇଥିଲେ।