ନୂଆଦିଲ୍ଲୀ :  ଯଦି ଆପଣ ବର୍ତ୍ତମାନ ସୁଦ୍ଧା କରୋନା ଟିକା ନେଇନାହାନ୍ତି ତେବେ ଜଲଦି ଟିକା ନିଅନ୍ତୁ। କାରଣ ସେଣ୍ଟ୍ରାଲ ବ୍ୟାଙ୍କ୍‌ ଅଫ୍‌ ଇଣ୍ଡିଆ କରୋନା ଟିକା ନେଇସାରିଥିବା ଲୋକଙ୍କ ପାଇଁ ଏକ ବଡ ଘୋଷଣା କରିଛନ୍ତି। ସେଣ୍ଟ୍ରାଲ ବ୍ୟାଙ୍କ୍‌ ଅଫ୍‌ ଇଣ୍ଡିଆ ଡୋଜ୍‌ ନେଇସାରିଥିବା ଲୋକଙ୍କ ପାଇଁ ଏକ ସ୍ପେଶାଲ ଫିକ୍ସଡ ସ୍କିମ୍‌ ଘୋଷଣା କରିଛି। ଏହି ସ୍କିମ୍‌ ଅଧୀନରେ ଭ୍ୟାକ୍ସିନ୍‌ ନେଇସାରିଥିବା ଲୋକଙ୍କୁ ଫିକ୍ସଡ ଡିପୋଜିଟ୍‌ ଉପରେ ଅତିରିକ୍ତ ସୁଧ ଦର ମିଳିବ।

କରୋନା ଟିକା ନେବାକୁ ଏବେବି କିଛି ଲୋକଙ୍କ ମନରେ ଭୟ ଥିବାରୁ ଓ ଟିକାକରଣ ପାଇଁ ସେତେ ଆଗ୍ରହ ଦେଖାଉନଥିବାରୁ ସେମାନଙ୍କୁ ଆକୃଷ୍ଟ କରିବାକୁ ସେଣ୍ଟ୍ରାଲ ବ୍ୟାଙ୍କ ଅଫ ଇଣ୍ଡିଆ ନୂଆ ଘୋଷଣା କରିଛି । ବ୍ୟାଙ୍କ ପକ୍ଷରୁ ଘୋଷଣା କରାଯାଇଛି ଯେ ଏକ ନିର୍ଦ୍ଦିଷ୍ଟ ସ୍କିମ୍ ଅଧୀନରେ ୨୫ ଆଧାର ପଏଣ୍ଟ (୦.୨୫ ପ୍ରତିଶତ) ଅଧିକ ରିଟର୍ନ ପ୍ରଦାନ କରିବ । ଏହି ଯୋଜନାରେ ୧୧୧୧ ଦିନ ପାଇଁ ଆପଣ ଟଙ୍କା ରଖିପାରିବେ | ଏହି ଯୋଜନାରେ ଯଦି ଆପଣ ଟିକା ନେଇଥିବେ, ସେମାନଙ୍କୁ ଜମା ଉପରେ ୦.୨୫% ଅତିରିକ୍ତ ସୁଧ ହାର ପ୍ରଦାନ କରାଯିବ।

To encourage Vaccination under COVID 19, Central Bank of India launches Special Deposit Product “Immune India Deposit Scheme” for 1111 days at an attractive extra Interest rate of 25 basis points above the applicable card rate for Citizens who got Vaccinated.#Unite2FightCorona pic.twitter.com/MKEJaHgMpE

ଆହୁରି ପଢ଼ନ୍ତୁ: ଆସନ୍ତା ୧୭ ତାରିଖରେ ହୋଇପାରେ କେନ୍ଦ୍ର ମନ୍ତ୍ରିମଣ୍ଡଳ ସମ୍ପ୍ରସାରଣ, ବାଦ୍‌ ପଡ଼ିପାରନ୍ତି ଡଜନେ ମନ୍ତ୍ରୀ

— Central Bank of India (@centralbank_in) April 12, 2021

ବ୍ୟାଙ୍କ କହିଛି, ‘ଇମ୍ୟୁନ ଇଣ୍ଡିଆ ଡିପୋଜିଟ୍‌ ସ୍କିମ୍‌’ ଉପରେ ଅତିରିକ୍ତ ୨୫ ବେସିସ୍‌ ପଏଣ୍ଟସ୍‌ ମିଳିବ। ଏହି ସ୍କିମ୍‌ ୧,୧୧୧ ଦିନରେ ମାଚ୍ୟୋର୍‌ ହେବ। ଅଧିକରୁ ଅଧିକ ଲୋକଙ୍କୁ ଭ୍ୟାକ୍ସିନ୍‌ ଲଗାଇବାକୁ ପ୍ରୋତ୍ସାହିତ କରିବା ଉଦ୍ଦେଶ୍ୟରେ ବ୍ୟାଙ୍କ୍‌ ଏହି ସ୍କିମ୍‌ ଆରମ୍ଭ କରିଛି। ବ୍ୟାଙ୍କ ତରଫରୁ ଏ ନେଇ ଟ୍ଵିଟରରେ ସୂଚନା ଦିଆଯାଇଛି।

ବ୍ୟାଙ୍କ ବର୍ତ୍ତମାନ ତିନି ବର୍ଷରୁ ଅଧିକ ଜମା ଉପରେ ୫.୧୦% ସୁଧ ହାର ପ୍ରଦାନ କରୁଛି। ତେବେ ଯଦି ଆପଣ ଟିକା ନେବେ ତେବେ ବ୍ୟାଙ୍କ ପକ୍ଷରୁ ଜମା ଯୋଜନା ଅଧୀନରେ ଏହାର ସୁଧ ହାର ୫.୩୫ ପ୍ରତିଶତ ହେବ। ତେବେ ବରିଷ୍ଠ ନାଗରିକଙ୍କ ପାଇଁ ଏହି ସୁଧ ହାର ଅଧିକ ରହିଛି। ଅର୍ଥାତ ଯଦି କେହି ବରିଷ୍ଠ ନାଗରିକ ଟିକା ନେଇଥାନ୍ତି ଓ ଏହି ଜମା ଯୋଜନା ଅଧୀନରେ ଟଙ୍କା ରଖୁଥାନ୍ତି ତେବେ ସେମାନଙ୍କୁ ୦.୨୫ ପ୍ରତିଶତ ନୁହେଁ ବରଂ ୦.୫୦ ପ୍ରତିଶତ ଅଧିକ ସୁଧ ମିଳିବ । ଅର୍ଥାତ ବରିଷ୍ଠ ନାଗରିକଙ୍କୁ ୫.୬୦ପ୍ରତିଶତ ସୁଧ ହାର ମିଳିବ ।