ମନୋରଞ୍ଜନ
ଓଡ଼ିଶା
10 Feb 2022
By The Sakala
ଖସିଲା ସଂକ୍ରମଣ, ବିଦେଶ ଫେରନ୍ତାଙ୍କ ପାଇଁ କୋହଳ ହେଲା କରୋନା କଟକଣା
ନୂଆଦିଲ୍ଲୀ: ଦେଶରେ କୋଭିଡ୍ ସଂକ୍ରମିତଙ୍କ ସଂଖ୍ଯା କମିବାରେ ଲାଗିଛି। ସଂକ୍ରମଣ ଖସୁଥିବାରୁ କେନ୍ଦ୍ର ସରକାର ବିଦେଶ ଫେରନ୍ତାଙ୍କ ଲାଗି ନୂଆ ଗାଇଡଲାଇନ୍ ଜାରି କରିଛନ୍ତି । ନୂଆ ଗାଇଡଲାଇନରେ ୭ ଦିନିଆ ବାଧ୍ୟତାମୂଳକ କ୍ୱାରେଣ୍ଟାଇନକୁ ହଟାଇ ଦିଆଯାଇଛି । ଏହି ନୂଆ ନିୟମ ଫେବ୍ରୁଆରୀ ୧୪ ତାରିଖରୁ ଲାଗୁ ହେବ ।
ନୂଆ ଗାଇଡଲାଇନ୍ ଅନୁଯାୟୀ, କେହି ବିଦେଶରୁ ଆସିଲେ ୧୪ ଦିନ ଯାଏ ନିଜେ ନିଜ ସ୍ୱାସ୍ଥ୍ୟ ଉପରେ ନଜର ରଖିବେ । କୋଭିଡର କୌଣସି ଲକ୍ଷଣ ଦେଖାଗଲେ ନିଜକୁ ଆଇସୋଲେଟ୍ କରିବେ । ଏଥିସହ ପୂର୍ବରୁ ଓମିକ୍ରନ୍ ବିପଦକୁ ଦେଖି ବିଭିନ୍ନ ଦେଶ ପାଇଁ ସରକାର ଜାରି କରିଥିବା ଆଟ ରିସ୍କ ଟ୍ୟାଗକୁ ମଧ୍ୟ ହଟାଇ ଦିଆଯାଇଛି । ଏଥିସହ ୮୨ଟି ଦେଶରୁ ଆସୁଥିବା ଯାତ୍ରୀ ଯାତ୍ରାର ୭୨ ଘଣ୍ଟା ମଧ୍ୟରେ କୋଭିଡ୍ ଆରଟିପିସିଆର୍ ନେଗେଟିଭ୍ ପ୍ରମାଣପତ୍ର ସହ ୨ ଡୋଜ୍ ଟିକା ନେଇଥିବା ସାର୍ଟିଫିକେଟ୍ ଅପଲୋଡ୍ କରିବେ ।
https://www.thesakala.in/national-international/new-guidelines-for-international-arrivals/article-9137
About The Author
