ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଚେତାବନୀ: ଇରାନ ବିରୋଧରେ ପୁଣି ହୋଇପାରେ ସାମରିକ କାର୍ଯ୍ୟାନୁଷ୍ଠାନ

ଯଦି କୂଟନୈତିକ ସ୍ତରରେ କୌଣସି ଚୁକ୍ତି ନହୁଏ, ତେବେ ଇରାନ ବିରୋଧରେ ପୁନର୍ବାର ସାମରିକ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇପାରେ ବୋଲି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ସୂଚନା ଦେଇଛନ୍ତି। ଶୁକ୍ରବାର ଦିନ ଫ୍ଲୋରିଡା ଠାରେ ଆୟୋଜିତ ଏକ ନିର୍ବାଚନୀ ରାଲିରେ ଉଦବୋଧନ ଦେବାବେଳେ ସେ ଏହି କଡ଼ା ଚେତାବନୀ ଦେଇଛନ୍ତି। ଏଥିସହ ସେ ନିଜର ପୂର୍ବ ଜାତୀୟ ନିରାପତ୍ତା ନିଷ୍ପତ୍ତି ସମ୍ପର୍କରେ ଉଲ୍ଲେଖ କରିବା ସହ ଇରାନର ନେତୃତ୍ୱକୁ ସମାଲୋଚନା କରିଛନ୍ତି।

ପୁଣି ହୋଇପାରେ 'ଅପରେସନ୍ ଏପିକ୍ ଫ୍ୟୁରୀ'

ଟ୍ରମ୍ପ କହିଛନ୍ତି ଯେ, ଆମେ ହୁଏତ ଆଉ ଏକ ଛୋଟ ଏପିକ୍ ଫ୍ୟୁରୀ କରିପାରୁ କିମ୍ବା ସେମାନେ ରାଜି ହୋଇଯିବେ। ଯଦି ସେମାନେ ଚତୁର ହୋଇଥିବେ, ତେବେ ସେମାନେ ଆଲୋଚନା ପାଇଁ ଆଗେଇ ଆସିବେ। କିନ୍ତୁ ମୋର ସନ୍ଦେହ ଯେ ସେମାନେ ଏପରି କରିବେ ନାହିଁ ବୋଲି ସେ କହିଛନ୍ତି। ସୂଚନାଯୋଗ୍ୟ ଯେ, ଗତ ଫେବୃଆରୀ ମାସରେ ଆମେରିକା ଏବଂ ଇସ୍ରାଏଲ୍ ମିଳିତ ଭାବେ ଇରାନ ଉପରେ 'ଅପରେସନ୍ ଏପିକ୍ ଫ୍ୟୁରୀ' ଅଧୀନରେ ଆକ୍ରମଣ କରିଥିଲେ। ଏହି ଆକ୍ରମଣରେ ଇରାନର ପୂର୍ବତନ ସର୍ବୋଚ୍ଚ ନେତା ଆୟାତୋଲ୍ଲା ଅଲି ଖାମେନେଇ ଏବଂ ତାଙ୍କ ପରିବାର ସଦସ୍ୟଙ୍କର ମୃତ୍ୟୁ ଘଟିଥିଲା।

"We may do another little Epic Fury, or they'll agree." President Trump teases another potential U.S. strike on Iran if Tehran doesn't reach a deal. "If they're smart, they'll just say, 'Let's get down to business.' But, you know, I doubt they'll do that because perhaps they're not smart." Download the FOX News app for the latest details: https://t.co/ISpW9Fc0R3

ଆହୁରି ପଢ଼ନ୍ତୁ: ୟୁକ୍ରେନରେ ଏଆଇ ଡ୍ରୋନର ଆତଙ୍କ: ନିଜେ ଟାର୍ଗେଟ ବାଛି ତିନି ଜଣଙ୍କୁ କଲା ହତ୍ୟା, ଜାତିସଂଘ ନିୟମ ବାହାରେ ଏହି ଅସ୍ତ୍ର

— Fox News (@FoxNews) October 23, 2026

ଧ୍ୱଂସ ହୋଇଛି ଇରାନର ପରମାଣୁ କ୍ଷମତା

ପୂର୍ବ ସାମରିକ କାର୍ଯ୍ୟାନୁଷ୍ଠାନକୁ ସ୍ମରଣ କରି ଟ୍ରମ୍ପ ଦୃଢ଼ୋକ୍ତି ପ୍ରକାଶ କରିଛନ୍ତି ଯେ, ଅପରେସନ୍ ମିଡନାଇଟ୍ ହାମର୍ ମାଧ୍ୟମରେ ଆମେ ଇରାନର ପରମାଣୁ ସମୃଦ୍ଧକରଣ କ୍ଷମତାକୁ ସମ୍ପୂର୍ଣ୍ଣ ରୂପେ ନଷ୍ଟ କରିଦେଇଛୁ। ଆମେ ସେମାନଙ୍କୁ ସାମରିକ, ଆର୍ଥିକ ଏବଂ ଅନ୍ୟାନ୍ୟ ଦିଗରୁ ପରାସ୍ତ କରିଛୁ ଏବଂ ବର୍ତ୍ତମାନ ଆମେ ଏହା ସୁନିଶ୍ଚିତ କରୁଛୁ। ନିକଟରେ ଜଣେ ଆମେରିକୀୟ କୂଟନୀତିଜ୍ଞ ଇରାନ ଉପରେ ପୁଣିଥରେ ଆକ୍ରମଣ ହେବାର ସମ୍ଭାବନା ଥିବା ନେଇ ସୂଚନା ଦେବା ପରେ ଟ୍ରମ୍ପଙ୍କ ଏହି ମନ୍ତବ୍ୟ ସାମ୍ନାକୁ ଆସିଛି। ତେବେ ଏହା ପୂର୍ବରୁ ଏଭଳି କୌଣସି ଅପରେସନ୍ ସମ୍ପର୍କରେ ସେ ଅବଗତ ନଥିବା ଟ୍ରମ୍ପ ସ୍ପଷ୍ଟ କରିଥିଲେ।