ବିହାରରେ ଭୋଟ ପୂର୍ବରୁ ପ୍ରଶାନ୍ତ କିଶୋରଙ୍କୁ ବଡ଼ ଝଟ୍‌କା, ମୁଙ୍ଗେରର ଜନସୁରାଜ ପ୍ରାର୍ଥୀ ବିଜେପିରେ ଯୋଗଦେଲେ...

By Deviprasad Mohanty

Published On Nov 05, 2025 05:06 PM IST

ପାଟନା: ବିହାରରେ ନଭେମ୍ବର ୬ ତାରିଖ ଗୁରୁବାର ପ୍ରଥମ ପର୍ଯ୍ୟାୟ ମତଦାନ ହେଉଛି। ମତଦାନର ମାତ୍ର ଗୋଟିଏ ଦିନ ପୂର୍ବରୁ, ବିହାରରେ ପ୍ରଥମ ଥର ପାଇଁ ନିର୍ବାଚନ ମଇଦାନରେ ପ୍ରବେଶ କରିଥିବା ପ୍ରଶାନ୍ତ କିଶୋର(ପିକେ)ଙ୍କୁ ଏକ ବଡ଼ ଝଟ୍‌କା ଲାଗିଛି। ପ୍ରଶାନ୍ତ କିଶୋରଙ୍କ ଦଳ ଜନସୁରାଜ ମୁଙ୍ଗେର ଆସନରୁ ସଞ୍ଜୟ ସିଂହଙ୍କୁ ପ୍ରାର୍ଥୀ କରିଥିଲେ।

ପ୍ରଥମ ପର୍ଯ୍ୟାୟରେ ମୁଙ୍ଗେରରେ ମତଦାନ ହେବ। ସଞ୍ଜୟ ସିଂହଙ୍କ ଦଳ ପରିବର୍ତ୍ତନ ଭୋଟର ପୂର୍ବରୁ ଜନସୁରାଜଙ୍କୁ ମୁଙ୍ଗେର ଆସନ ହରାଇବାକୁ ପଡିଛି। ତେବେ ପ୍ରଶାନ୍ତ କିଶୋର ଏପର୍ଯ୍ୟନ୍ତ ଏହା ଉପରେ କୌଣସି ପ୍ରତିକ୍ରିୟା ଦେଇ ନାହାନ୍ତି। ଜନସୁରାଜଙ୍କ ପ୍ରାର୍ଥୀ ସଞ୍ଜୟ ସିଂହ ବିଜେପିରେ ଯୋଗଦେବା ପରେ। ମୁଙ୍ଗେରରେ ଲଢ଼େଇ ଏବେ ସିଧାସଳଖ ହେବାକୁ ଯାଉଛି। ମହମେଣ୍ଟ ସହଯୋଗୀ ଦଳ ଆରଜେଡି, ଏହି ଆସନ ପାଇଁ ମୁକେଶ ଯାଦବଙ୍କୁ ପ୍ରାର୍ଥୀ କରିଛି। ବିଜେପି ପ୍ରଣବ କୁମାରଙ୍କୁ ପ୍ରାର୍ଥୀ କରିଛି। ଜନସୁରାଜଙ୍କ ବିଦାୟ ସହିତ, ଏହି ପ୍ରତିଦ୍ବନ୍ଦ୍ବିତା ଏବେ ଆରଜେଡି ଏବଂ ଏନଡିଏ ମଧ୍ୟରେ ସିଧାସଳଖ ହେବ।

ପୂର୍ବରୁ ରଣନୀତିକାର ଭୂମିକା ଗ୍ରହଣ କରିଥିବା ପ୍ରଶାନ୍ତ କିଶୋର ପ୍ରଥମ ଥର ପାଇଁ ସିଧାସଳଖ ନିର୍ବାଚନରେ ଅଂଶଗ୍ରହଣ କରୁଛନ୍ତି। ଜନସୁରାଜ ପାର୍ଟି ଗଠନ କରି ପ୍ରଶାନ୍ତ କିଶୋର ବିହାରର ସମସ୍ତ ଆସନରେ ପ୍ରାର୍ଥୀ ଦେଇଛନ୍ତି। ଏହି ନିର୍ବାଚନରେ ଚାରି ଜଣ ପ୍ରାର୍ଥୀ ପ୍ରଶାନ୍ତ କିଶୋରଙ୍କ ଦଳ ଛାଡି ସାରିଛନ୍ତି। ମୁଙ୍ଗେରରେ ସଞ୍ଜୟ ସିଂହଙ୍କ ପୂର୍ବରୁ, ଦାନାପୁରରୁ ଅଖିଳେଶ କୁମାର ସିଂହ, ଗୋପାଳଗଞ୍ଜରୁ ଡକ୍ଟର ଚନ୍ଦ୍ରଚେଖର ସିଂହ ଏବଂ ବ୍ରହ୍ମପୁରରୁ ଡକ୍ଟର ସତ୍ୟପ୍ରକାଶ ସମସ୍ତେ ଦଳ ଛାଡି ସାରିଛନ୍ତି।