ବଞ୍ଚିଛି ମାନବିକତା: ପେସାରେ ଭିକ୍ଷୁକ, ପତ୍ନୀଙ୍କ ପାଇଁ ମଙ୍ଗଳସୁତ୍ର ନେବାକୁ ଆସିଥିଲେ, ୨୦ ଟଙ୍କାର ଦେଲେ ଜୁଏଲେରୀ ମାଲିକ ……

ନୂଆଦିଲ୍ଲୀ: ବର୍ତ୍ତମାନ ସମୟରେ ଅଳଙ୍କାରର ଦରଦାମ  ଦିନକୁ ଦିନ ବୃଦ୍ଧି ପାଇବାରେ ଲାଗିଛି। ଏହାରି ମଧ୍ଯରେ ଏକ ଭିଡିଓ ଭାଇରାଲ ହେବାରେ ଲାଗିଛି। ଜଣେ ଭିକ୍ଷୁକ ତାଙ୍କ ଧର୍ମପତ୍ନୀଙ୍କୁ ମଙ୍ଗଳସୁତ୍ର ଉପହାର ଦେବା ପାଇଁ ଅଳଙ୍କାର ଦୋକନାକୁ ଯାଇଛନ୍ତି। ଆଉ ସେଠାରେ ଯାହା ଘଟିଲା ସମସ୍ତଙ୍କୁ ଆଶ୍ଚର୍ଯ୍ୟ କରିଛି। ଏଠାରେ ୨ଟି ଚିତ୍ର ସାମ୍ନାକୁ ଆସିଛି। ପ୍ରଥମଟି ଭିକ୍ଷୁକ ହୋଇ ମଧ୍ଯ ତାଙ୍କ ପତ୍ନୀଙ୍କ ପାଇଁ ସମ୍ମାନର ସହ ମଙ୍ଗଳସୁତ୍ର ନେବାପଇଁ ଜୁଏଲେରୀ ଦୋକାନକୁ ଆସିଛନ୍ତି। ସେ ଦୟା ମାଗି ନ ଥିଲେ, କିମ୍ବା ମାଗଣାରେ କିଛି ଆଶା ମଧ୍ୟ କରି ନ ଥିଲେ। ଏହାପରେ ୨ୟ ଚିତ୍ରଟି ଜୁଏଲେରୀ ଦୋକାନୀ ତାଙ୍କୁ ଏପରି ବ୍ୟବହାର ଦେଖାଇଛନ୍ତି। ଯାହା ସୋସିଆଲ ମିଡିଆରେ ଖୁବ ଭାଇରାଲ ହୋଇଛି।

 

ଆହୁରି ପଢ଼ନ୍ତୁ: ଝାରସୁଗୁଡ଼ା-ଖଡ଼ଗପୁର ୪ ଲେନ୍‌ ରେଲୱେ ଟ୍ରାକ୍‌କୁ ଅର୍ଥନୈତିକ ବ୍ୟାପାର କ୍ୟାବିନେଟ୍‌ କମିଟିର ଅନୁମୋଦନ

ଆହୁରି ପଢ଼ନ୍ତୁ: ଏୟାର ଇଣ୍ଡିଆ ବିମାନରେ ଆକସ୍ମିକ ବିପଦ: ନିଶାଗ୍ରସ୍ତ ପାଇଲଟ୍ ବହିଷ୍କୃତ, ସାମ୍ନାକୁ ଆସିଲା ସାଂଘାତିକ ତଥ୍ୟ

View this post on Instagram

 

A post shared by Girish Bharadwaj (@girishbdwj)

ଭିଡିଓରେ ଜଣେ ୯୩ ବର୍ଷୀୟ ବୃଦ୍ଧ ପାରମ୍ପରିକ ଧଳା ଧୋତି-କୁର୍ତା ଏବଂ ମୁଣ୍ଡରେ ଟୋପି ପିନ୍ଧି ଏକ ଅଳଙ୍କାର ଦୋକାନରେ ଦେଖାଯାଉଛନ୍ତି। ସେ ତାଙ୍କ ପତ୍ନୀଙ୍କ ପାଇଁ ମଙ୍ଗଳସୂତ୍ର କିଣିବାକୁ ଆସିଛନ୍ତି। କିନ୍ତୁ କିଛି ସେକେଣ୍ଡ ମଧ୍ୟରେ ଦୃଶ୍ୟ ବଦଳିଯାଇଛି। ଦୋକାନୀ ତାଙ୍କୁ ମାତ୍ର ୨୦ ଟଙ୍କାରେ ମଙ୍ଗଳସୂତ୍ର ଦେଇଛନ୍ତି। ଏହି ଭିଡିଓ ସୋସିଆଲ ମିଡିଆରେ ଖୁବ ପ୍ରଶଂସା ସାଉଁଟିଛି। ଲୋକମାନେ ଦୋକାନୀଙ୍କର ଖୁବ୍ ପ୍ରଶଂସା ମଧ୍ଯ କରିଛନ୍ତି। ।

ଜାଣନ୍ତୁ ଘଟଣାଟି କ’ଣ ଥିଲା ?

୯୩ ବର୍ଷୀୟ ଶିନ୍ଦେ ଜୀ ଏବଂ ତାଙ୍କ ପତ୍ନୀ ଶାନ୍ତାବାଈ ଏକ ଜୁଏଲେରୀ ଦୋକାନରେ ପ୍ରବେଶ କରିଥିଲେ। ସେମାନେ ସମ୍ଭାଜୀନଗରର ଗଳିକନ୍ଦିରେ ଭିକ ମାଗି ଗୁଜୁରାଣ କରନ୍ତି। ସେମାନଙ୍କ ପାଖରେ ଗୋଟିଏ ଥଳିରେ ମାତ୍ର ୧୧୨୦ ଟଙ୍କା ଓ କିଛି ମୁଦ୍ରା ଥିଲା। ତଥାପି ଶିନ୍ଦେ ଜୀ ତାଙ୍କ ପତ୍ନୀଙ୍କୁ ମଙ୍ଗଳସୂତ୍ର ଉପହାର ଦେବାକୁ ମନ ସ୍ଥିର କରିଥିଲେ। ଦୋକାନରେ ପ୍ରବେଶ କରୁଥିବା ସମୟରେ ତାଙ୍କ ମୁହଁରେ ସଙ୍କୋଚ ନ ଥିଲା । ଆଖିରେ ଥିଲା ପ୍ରେମ ଓ ଆତ୍ମସମ୍ମାନ। ସେମାନେ ଏକ ଛୋଟ ମଙ୍ଗଳସୂତ୍ର ଓ ଏକ ଲକେଟ ଦେଖିଥିଲେ। କିଛି ନ କହି ଶିନ୍ଦେ ଜୀ ତାଙ୍କ ପତ୍ନୀଙ୍କୁ ପାଇସା ରଖିଥିବା ଥଳିଟି ଦେଇଥିଲେ। ସେମାନେ ଉକ୍ତ ଥଳିରୁ ଟଙ୍କା ବାହାର କରି ଗଣିଥିଲେ। ଜୁଏଲେରୀ ଦୋକାନର ମାଲିକ ବୁଝିଯାଇଥିଲେ ଯେ, ଏମାନେ କୌଣସି ସାଧାରଣ ଗ୍ରାହକ ନୁହଁନ୍ତି, ଏମାନେ ମାନବିକତାର ଉଦାହରଣ। ଦୟା ନେବାକୁ ଆସି ନଥିଲେ… ପ୍ରେମ କିଣିବାକୁ ଆସିଥିଲେ। ଏହାପରେ ଜୁଏଲେରୀ ଦୋକାନର ମାଲିକ ସେମାନଙ୍କର ସମ୍ପୂର୍ଣ୍ଣ ଟଙ୍କା ଫେରାଇ ଦେଇଥିଲେ। ପରେ ମଙ୍ଗଳସୁତ୍ର ଓ ଲକେଟକୁ ତାଙ୍କ ହାତକୁ ଦେଇଥିଲେ। ହେଲେ ଦୁହେଁ ଦୋକାନୀଙ୍କୁ ଟାଙ୍କା ଗ୍ରହଣ କରିବା ପାଇଁ  ଅନୁରୋଧ କରିଥିଲେ। ଏହା ଦୁହିଁଙ୍କ ଆତ୍ମସମ୍ମାନର କଥା ହୋଇଥିବାରୁ  ୧୦-୧୦ ଟଙ୍କା ମୋଟ ୨୦ଟଙ୍କା ନେଇଥିଲେ ଦୋକାନୀ ଜଣଙ୍କ। ଏହା ଆପଣଙ୍କ  ଆଶୀର୍ବାଦ ସ୍ବରୂପ ଗ୍ରହଣ କରୁଛି ବୋଲି ଜୁଏଲେରୀ ଦୋକାନର ମାଲିକ ଜଣଙ୍କ କହିଥିଲେ। ଏହି ସମ୍ପୂର୍ଣ୍ଣ ଘଟଣା CCTVରେ ରେକର୍ଡ ହୋଇଥିଲା ଏବଂ ସୋସିଆଲ ମିଡିଆରେ ବାର୍ତ୍ତମାନ ଭାଇରାଲ ହେବାରେ ଲାଗିଛି। ଏହି ଘଟଣାଟି ଏବେବି ମାନବିକତା ବଞ୍ଚିଛିର ଉଦାହରଣ ପାଲଟିଛି।