ନୂଆଦିଲ୍ଲୀ: ଅପରେସନ ‘ସିନ୍ଦୂର’କୁ ନେଇ ଆଜି  MEA ପକ୍ଷରୁ ସାମ୍ବାଦିକ ସମ୍ମିଳନୀ କରାଯାଇଥିଲା। ସାମ୍ବାଦିକ ସମ୍ମିଳନୀରେ ଦିଆଯାଇଥିବା ସୂଚନା ଅନୁଯାୟୀ,  ପାକିସ୍ତାନ ଷଡଯନ୍ତ୍ର କରି ଭାରତ ସୀମୀରେ ଅନୁପ୍ରବେଶ କରିବାକୁ ଚେଷ୍ଟା କରିଛି । ଏଥିପାଇଁ ପାକିସ୍ତାନ ୩୦୦ରୁ ୪୦୦ଡ୍ରୋନ ବ୍ୟବହାର କରିଥିବାବେଳେ, ଭାରତୀୟ ସଶସ୍ତ୍ର ବଳ କାଇନାଇଟିକ୍ ଓ ନନକାଇନାଇଟିକ୍ ଟେକନିକ ବିନିଯୋଗ କରି ଏହାକୁ ପ୍ରତିହତ କରିଛି । ଡ୍ରୋନଗୁଡିକୁ ଖସାଇ ପକାଇଛି । ଖସିପଡିଥିବା ପାକ୍ ଡ୍ରୋନ ଗୁଡିକର ଭଗ୍ନାଂଶକୁ  ଫରେନ୍ସିକ ଯାଞ୍ଚ କରାଯାଉଛି।

ପାରମ୍ଭିକ ରିପୋର୍ଟ ମୁତାବକ, ଏସବୁ ଡ୍ରୋନ ତୁର୍କୀର ଡ୍ରୋନ ବୋଲି ଜଣାପଡିଛି । ଏହାପରେ ରାତିରେ ପାକିସ୍ତାନ ଭଟିଣ୍ଡାର ଏକ ସଶସ୍ତ୍ର ସୈନ୍ୟ ଷ୍ଟେସନକୁ ଟାର୍ଗେଟ କରିଥିଲା , ଯାହାକୁ ଲୋକେଟ୍ କରିବା ସହ ନିଷ୍କ୍ରିୟ କରାଯାଇଥିଲା । ସୀମାବର୍ତ୍ତୀ ଇଲାକାର ଅଧିକାଂଶ ସ୍ଥାନରେ ଆର୍ଟିଲାରୀ ଗନ୍, ସଶସ୍ତ୍ର ଡ୍ରୋନ ସାହାଯ୍ୟରେ ନିୟନ୍ତ୍ରଣ ରେଖା ପାଖରେ ପ୍ରବଳ ଗୁଳିମାଡ ବି କରିଥିଲା । ଯାହାର ପରିଣାମ ସ୍ବରୂପ ଭାରତର କିଛି ଯବାନ ସହିଦ ହେବା ସହ ଆଉ କିଛି ଯବାନ ଆହତ ହୋଇଛନ୍ତି । ଏହା ପାକିସ୍ତାନର ଜିଦଖୋର ମନୋଭାବକୁ ପ୍ରକାଶ କରିଛି ।

ମେ ୭ରେ ରାତି ସାଢେ ୭ଟାରେ ନିଜ ନାଗରିକ ବିମାନ ସେବା ବନ୍ଦ ନ କରି ବରଂ ଏହାକୁ ଭାରତ ବିରୋଧରେ ଢାଲ ଭାବେ ବ୍ୟବହାର କରୁଛି । ପାକିସ୍ତାନ ଜାଣିଛି ଭାରତ ଯେଉଁଭଳି ପ୍ରତିଆକ୍ରମଣ କରୁଛି ତା ଫଳରେ ଦୁଇ ଦେଶର ଆକାଶ ପଥରେ ଗଭୀର ପ୍ରଭାବ ପଡିବ, ଯାହା ନିଜ ନିଜ ଦେଶର ବିମାନ ଉଡାଣ ସହ ବିଦେଶ ଉଡାଣ ପାଇଁ ଆଦୌ ସୁରକ୍ଷିତ ନୁହେଁ । ତଥାପି ବିମାନ ଉଡାଣ ଜାରି ରଖିଛି । ଅନ୍ୟପଟେ ଭାରତୀୟ ବାୟୁସେନା ନିଜର ପୂର୍ଣ୍ଣ ସଞ୍ଜମତା ଦେଖାଇଛି ଏବଂ ଏହି ଭାବରେ ଅନ୍ତରାଷ୍ଟ୍ରୀୟ ବିମାନ ଚଳାଚଳ ସେବାରେ ସୁରକ୍ଷାକୁ ସୁନିଶ୍ଚିତ କରିଛି।

ଆମ ସୈନ୍ୟ ଠିକଣାକୁ ଟାର୍ଗେଟ୍ କରିଛି ପାକିସ୍ତାନ । LOCରେ ପାକିସ୍ତାନ ଅସ୍ତ୍ରବିରତି ଉଲ୍ଲଙ୍ଘନ କରିଛି।  ଧାର୍ମିକ ଅନୁଷ୍ଠାନ ଉପରେ ଆକ୍ରମଣ କରୁଛି ପାକିସ୍ତାନ।ପାକିସ୍ତାନ ଗୁରୁଦ୍ବାରା, ଚର୍ଚ୍ଚ ଉପରେ ଆକ୍ରମଣ କରୁଛି । ଏକ ଖ୍ରୀଷ୍ଟିଆନ୍ ସ୍କୁଲକୁ ଟାର୍ଗେଟ କରିଛି ପାକିସ୍ତାନ। ଯେଉଁଥିରେ ୨ ଜଣ ପ୍ରାଣ ହରାଇଛନ୍ତି । ସାଂପ୍ରଦାୟିକ ହିଂସା ସୃଷ୍ଟି କରିବାକୁ ଚାହୁଁଛି ପାକିସ୍ତାନ।