ମନୋରଞ୍ଜନ
ଓଡ଼ିଶା
ଏଣିକି ୩ଟି ସନ୍ତାନ ଜନ୍ମ ଦେଇପାରିବେ ଚୀନ ଦମ୍ପତି
ବେଜିଂ: ଏଣିକି ଚୀନରେ ଦମ୍ପତିମାନେ ୩ଟି ସନ୍ତାନ ଜନ୍ମ ଦେଇପାରିବେ। ବୃଦ୍ଧା ବୃଦ୍ଧଙ୍କ ସଂଖ୍ୟା ବୃଦ୍ଧି ଏବଂ ଜନସଂଖ୍ୟା ବୃଦ୍ଧିରେ ଗତିରୋଧ ଯୋଗୁ ଚିନ୍ତିତ ହୋଇପଡ଼ିଥିବା ଚୀନ ଏହି ଭଳି ନିଷ୍ପତ୍ତି ନେଇଛି। ପୂର୍ବରୁ ଏଠାରେ କେବଳ ଦୁଇଟି ସନ୍ତାନ ଜନ୍ମ ଦେବାକୁ ଅନୁମତି ରହିଥିଲା।
କିଛିଦିନ ତଳେ ଚୀନ ଜନସଂଖ୍ୟାର ଏକ ହିସାବ ଆସିଥିଲା ଯେଉଁଥିରେ ଦେଖାଯାଇଥିଲା କି ମୋଟ ଜନସଂଖ୍ୟାର ଏକ ବଡଭାଗ ବୃଦ୍ଧ ଅବସ୍ଥାକୁ ଆସିଯାଇଛନ୍ତି । ଏହା ଦେଶର ଭବିଷ୍ୟତ ପାଇଁ ବିପଦ ବୋଲି ଆଶଙ୍କା କରି ଚୀନ ସରକାର ପରିବାର ନିୟୋଜନ ଆଇନରେ ପରିବର୍ତ୍ତନ ଆଣିଛନ୍ତି । ଏହି ଆଇନକୁ ଚୀନର ରାଷ୍ଟ୍ରପତି ସି ଜିନପିଙ୍ଗ୍ ମଞ୍ଜୁରୀ ପ୍ରଦାନ କରିଛନ୍ତି ।
ସୂଚନା ଅନୁଯାୟୀ, ୨୦୧୦ ରୁ ୨୦୨୦ ମଧ୍ୟରେ ଚୀନରେ ୦.୫୩ ପ୍ରତିଶତ ଜନସଂଖ୍ୟା ବୃଦ୍ଧି ହୋଇଛି । ଏହି ହାର ୨୦୦୦ ରୁ ୨୦୧୦ ମଧ୍ୟରେ ୦.୫୭ ପ୍ରତିଶତ ଥିଲା । ଏହାସହ ଚୀନର ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗର ସୂଚନା ମୁତାବକ ୨୦୨୦ ମସିହାରେ ଚୀନରେ କେବଳ ୧୨ ମିଲିୟନ ଶିଶୁ ଜନ୍ମ ହୋଇଛନ୍ତି । ଯାହାକି ୨୦୧୬ ରେ ୧୮ ମିଲିୟନ ଥିଲା । ୧୯୬୦ ପରେ ୨୦୨୦ ରେ ଚୀନରେ ସବୁଠାରୁ କମ ଶିଶୁ ଜନ୍ମ ହୋଇଛନ୍ତି।
About The Author
