ମନୋରଞ୍ଜନ
ବିବାହ ଚାଲିଥିବା ବେଳେ ଅଚାନକ୍ ଆସିଲା ମୃତ୍ୟୁ: ହୃଦଘାତରେ ଜୀବନ ହାରିଲେ କନ୍ୟା, ଶାଳୀକୁ ବାହା ହେଲା ବର
ଇଟାୱା: ଉତ୍ତରପ୍ରଦେଶ ଇଟାୱା ଭରଥନା ଅଞ୍ଚଳର ସମସପୁରରେ ଘଟିଯାଇଛି ଦୁଃଖଦ ଘଟଣା। ଧୁମଧାମରେ ବିବାହ ଚାଲିଥିବା ବେଳେ ଅଚାନକ୍ ଆସିଲା ମୃତ୍ୟୁ । ବରଣମବାଳା ଅଦଳବଦଳ ସରିଥିଲା, ସାତ ଫେରା ବାକି ଥିବାବେଳେ ହଠାତ ହୃଦଘାତରେ ଜୀବନ ହାରିଲେ କନ୍ୟା। ଶାଶୁ ଘର ଯିବା ପୂର୍ବରୁ କୋକେଇରେ ଯାଇଛି ଝିଅ ।
ସୂଚନା ଅନୁଯାୟୀ, ମେ ୨୫ ମଙ୍ଗଳବାର ଦିନ ସୁରଭିଙ୍କ ବିବାହ ମଞ୍ଜେସ ଗାଁର ଚିତଭବନଙ୍କ ସହ ସ୍ଥିର ହୋଇଥିବା । ବର ପକ୍ଷ ଆସିବା ପରେ କନ୍ୟା ପକ୍ଷ ଅତି ଆଦରରେ ସ୍ୱାଗତ କରି ବରକୁ ପାଛୋଟି ଆଣିଥିଲେ । ବିବାହର ସମସ୍ତ ରୀତିନୀତି ଆରମ୍ଭ ହୋଇ ଯାଇଥିଲା । ବରଣମାଳା, ସିନ୍ଦୁର ପିନ୍ଧା ଓ ଅନ୍ୟନ୍ୟା ନୀତି ଶେଷହେବା ପରେ ବରକନ୍ୟା ଫେରା ନେବାପାଇଁ ପ୍ରସ୍ତୁତ ହେଉଥିଲେ । ଆଉ ଏହାରି ଭିତରେ ଅଚାନକ କନ୍ୟା ବେହାସ ହୋଇ ତଳେ ପଡ଼ିଯାଇଥିଲେ । ପରେ ପରିବାର ଲୋକେ ତାକୁ ତୁରନ୍ତ ହସ୍ପିଟାଲକୁ ନେଇଯାଇଥିଲେ । ହେଲେ ସେତେବେଳକୁ ହୃଦଘାତରେ ଜୀବନ ଯାଇଥିବା କହି କନ୍ୟାକୁ ମୃତ ଘୋଷଣା କରିଥିଲେ ଡାକ୍ତର। ତାପରେ ଉଭୟ ପରିବାରଙ୍କ ସହମତି କ୍ରମେ ମୃତକଙ୍କ ଛୋଟ ଭଉଣୀଙ୍କୁ କନ୍ୟା ରୂପରେ ସଜାଇ ଦିଆଗଲା । ଶାଳୀ ସହିତ ବାହା ବେଦୀରେ ବସି ବର ବାହା ହୋଇଥିବା ଜଣାପଡ଼ିଛି।
About The Author
