ମନୋରଞ୍ଜନ
06 Jan 2023
By The Sakala
ମନ୍ଦିରରେ ଧକ୍କା ହୋଇ କ୍ରାସ ହେଲା ପ୍ରଶିକ୍ଷଣ ବିମାନ; ପାଇଲଟ୍ ମୃତ, ଜଣେ ଆହତ
ଭୋପାଳ: ମନ୍ଦିରରେ ଧକ୍କା ହେଲା ପ୍ରଶିକ୍ଷଣ ବିମାନ । ଦୁର୍ଘଟଣାରେ ବିମାନ ଖଣ୍ଡବିଖଣ୍ଡିତ ହେବା ସହ ଜଣେ ପାଇଲଟ୍ ମୃତ୍ୟୁବରଣ କରିଛନ୍ତି ଏବଂ ଅନ୍ୟ ଜଣେ ଆହତ ହୋଇଛନ୍ତି । ମଧ୍ୟପ୍ରଦେଶର ରିବା ଜିଲ୍ଲାର ଚୋରହଟା ଥାନା ଅଞ୍ଚଳରେ ଗୁରୁବାର ବିଳମ୍ବିତ ରାତିରେ ଏହି ଦୁର୍ଘଟଣା ହୋଇଛି । ବିମାନଟି ଏକ ପାଇଲଟ ଟ୍ରେନିଂ କମ୍ପାନୀର ବୋଲି ସୂଚନା ମିଳିଛି । ଟ୍ରେନିଂ ବେଳେ ମନ୍ଦିରର ଉପରି ଭାଗରେ ମାଡ଼ ହୋଇଯାଇଥଲା ବିମାନ । ଖରାପ ପାଣିପାଗ ଯୋଗୁ ବିମାନ ଦୁର୍ଘଟଣାଗ୍ରସ୍ତ ହୋଇଥିବା ଜଣାପଡିଛି। ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
କୁହାଯାଉଛି କି, ବିମାନଟି ଚୋରହଟା ବିମାନ ବନ୍ଦରରୁ ଉଡ଼ାଣ ଭରିଥିଲା, ମାତ୍ର ଖରାପ ପାଣିପାଗ ତଥା ଘନ କୁହୁଡ଼ି ଯୋଗୁଁ ପ୍ଲେନ୍ ତଳେ ହିଁ ଉଡ଼ୁଥିଲା ଏବଂ ଏହା ଏକ ମନ୍ଦିର ଗମ୍ବୁଜରେ ପିଟିହୋଇଥିଲା । ଫଳରେ ବିମାନଟି କ୍ରାସ ହୋଇ ଖଣ୍ଡବିଖଣ୍ଡିତ ହୋଇଯାଇଥିଲା । ଘଟଣା ବିଷୟରେ ଜଣାପଡ଼ିବା ପରେ ପୋଲିସ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲା।
https://www.thesakala.in/national-international/trainee-aircraft-crashes-after-hitting-temple-in-madhya-pradesh/article-17924
About The Author
