ମନୋରଞ୍ଜନ
ଓଡ଼ିଶା
ଘାଟି ତଳକୁ ଖସିଲା ତୀର୍ଥଯାତ୍ରୀଙ୍କ ଗାଡ଼ି: ୮ ମୃତ, ୨ ଗୁରୁତର
ତାମିଲନାଡୁ: ତୀର୍ଥଯାତ୍ରୀଙ୍କୁ ନେଇ ଯାଉଥିବା ଏକ କାର ଘାଟି ତଳକୁ ଖସି ପଡିବା କାରଣରୁ ୮ ଜଣଙ୍କର ମୃତ୍ୟୁ ହେବା ସହିତ ଦୁଇ ଜଣ ଆହତ ହୋଇଛନ୍ତି । ତାମିଲନାଡୁର ଥେନି ଜିଲ୍ଲାରେ ଘଟିଛି ଏଭଳି ମର୍ମନ୍ତୁଦ ସଡକ ଦୁର୍ଘଟଣା। ଦୁଇ ଜଣ ଆହତଙ୍କୁ ଉଦ୍ଧାର କରାଯାଇ ଡାକ୍ତରଖାନାରେ ଭର୍ତ୍ତି କରାଯାଇଛି। ଶୁକ୍ରବାର ବିଳମ୍ବିତ ରାତିରେ ତୀର୍ଥଯାତ୍ରୀମାନେ ସାବରିମାଲା ଦର୍ଶନ ସାରି ଫେରୁଥିବାବେଳେ ପ୍ରାୟ ୪୦ ଫୁଟ ଗଭୀର ଖାଇକୁ ଗାଡିଟି ଖସିପଡିଥିଲା ।
ପ୍ରଶାସନର କହିବାନୁସାରେ, ପାହାଡ଼ିଆ ରାସ୍ତାର ଏକ ବାଙ୍କରେ ଡ୍ରାଇଭର ଗାଡି ଉପରୁ ନିୟନ୍ତ୍ରଣ ହରାଇବାରୁ ଏହି ଦୁର୍ଘଟଣା ଘଟିଥିଲା । ଘଟଣାସ୍ଥଳରେ ୭ ଜଣଙ୍କର ମୃତ୍ୟୁ ହୋଇଥିବାବେଳେ ଡାକ୍ତରଖାନା ନେବା ବାଟରେ ଆଉ ଜଣଙ୍କର ମୃତ୍ୟୁ ହୋଇଥିଲା । ଏହି ଆଠ ଜଣ ଲୋକ ଜିଲ୍ଲାର ଆଣ୍ଡିପଟ୍ଟି ବାସିନ୍ଦା ଥିଲେ । ସେମାନଙ୍କ ମଧ୍ୟରେ ଜଣେ ନାବାଳକ ଥିଲେ।
About The Author
