ମନୋରଞ୍ଜନ
ଓଡ଼ିଶା
ସ୍ନେକ୍ ହେଲ୍ପଲାଇନ୍ ଆପ୍ ଓ ୱେବସାଇଟ୍ ଉନ୍ମୋଚିତ
ଭୁବନେଶ୍ୱର: ସ୍ନେକ୍ ହେଲ୍ପଲାଇନ୍ ଆପ୍ ଓ ୱେବସାଇଟ୍ ଉନ୍ମୋଚିତ ହୋଇଯାଇଛି। ମଣିଷ-ସାପ ଦ୍ୱନ୍ଦ୍ୱ ପରିଚାଳନାରେ ଏହା ଏକ ମାଇଲ ଖୁଣ୍ଟ ହେବ। ଏହି ଲକ୍ଷ୍ୟରେ ଏମ୍ସ ସଭାପତି ପଦ୍ମଶ୍ରୀ ଡାକ୍ତର ସୁବ୍ରତ ଆଚାର୍ଯ୍ଯଙ୍କ ଦ୍ୱାରା ଆପ’ ଏବଂ ୱେବସାଇଟ୍ ଉନ୍ମୋଚିତ ହୋଇଛି। ଏହି ଆପ୍ ଓ ୱେବସାଇଟ୍ର ପରିଚାଳନା ପାଇଁ ତାଲିମ ପ୍ରଦାନ କରାଯାଇଛି। ସାରା ଦେଶ ପାଇଁ ଏହା ପ୍ରଥମ କର୍ମଶାଳା ଥିଲା। ଆପ୍ ଏବଂ ୱେବସାଇଟ୍ ମିଳିତ ଭାବରେ ସାଧାରଣ ଜନତା ତଥା ଓଡ଼ିଶାର ଡାକ୍ତର, ଡାକ୍ତରୀ ଛାତ୍ର ମାନଙ୍କୁ ‘ମଣିଷ ସାପ ଦ୍ୱନ୍ଦ୍ୱ ପରିଚାଳନା’ ବିଷୟରେ ଶିକ୍ଷା ଦେବା ପାଇଁ ଉଦ୍ଦିଷ୍ଟ।
ୱେବସାଇଟ୍ର ସବୁଠାରୁ ଗୁରୁତ୍ୱପୂର୍ଣ୍ଣ ଅଂଶ ହେଉଛି “ସ୍ନେକବାଇଟ୍” ପୃଷ୍ଠା ବା ସାପ କାମୁଡା, ଯାହା ପାଇଁ ୫ଟି ମୁଖ୍ୟ ପୃଷ୍ଠା ପ୍ରସ୍ତୁତ କରାଯାଇଛି। ଏହି ଅବସରରେ ସାପ ଉଦ୍ଧାରକାରୀଙ୍କ ପାଇଁ “ଅକ୍ୟୁପେସନାଲ ସେଫଟି ପ୍ରୋଟୋକଲ ଫର ସ୍ନେକ ରେସକ୍ୟୁ ଆଣ୍ଡ ରିହାବିଲିଟେସନ ଇନ୍ ଓଡିଶା -୨୦୨୦” ପୁସ୍ତିକା ଉନ୍ମୋଚନ ହୋଇଥିଲା। ଏହି ପୁସ୍ତିକାଟି ସ୍ନେକ ହେଲ୍ପ ଲାଇନ ୱେବ ସାଇଟ ରେ ମାଗଣାରେ ଉପଲବ୍ଧ ହେବ। ହେଲ୍ପଲାଇନରେ ପ୍ରଶିକ୍ଷିତ ସାପ ଉଦ୍ଧାରକାରୀ ମାନଙ୍କ ମୋବାଇଲ ନମ୍ବର ଏବଂ ଫଟୋ ଦିଆଯାଇଛି । ଫଳରେ ଲୋକେ ସ୍ନେକ ହେଲ୍ପଲାଇନ ନାମରେ ଠକେଇ କରୁଥିବା ଲୋକଙ୍କ କବଳରୁ ବର୍ତ୍ତିପାରିବେ ।
About The Author
