ମନୋରଞ୍ଜନ
ଓଡ଼ିଶା
ମୟୂରଭଞ୍ଜ ଜିଲ୍ଲା ଖଡ଼ିକାଶୋଳ ଠାରେ ବଣୁଆହାତୀ ଆକ୍ରମଣରେ ମହିଳାଙ୍କ ମୃତ୍ୟୁ
ବାରିପଦା : ମୟୂରଭଞ୍ଜ ଜିଲ୍ଲା, ବେତନଟୀ ରେଞ୍ଜ ବଡାମପୁର ସେକ୍ସନ ଅଧୀନ ଖଡ଼ିକାଶୋଳ ଠାରେ ବଣୁଆହାତୀ ଆକ୍ରମଣରେ ଜନୈକା ମହିଳାଙ୍କ ଶୋଚନୀୟ ମୃତ୍ୟୁ ଘଟିଛି । ମୃତକ ଜଣକ ହେଉଛନ୍ତି ମୋରଡା ଥାନା ଜୁଆଳିଭଙ୍ଗା ପଞ୍ଚାୟତ ପାଲବଣୀ ଗ୍ରାମର ସ୍ବର୍ଗତ ସର୍ବେଶ୍ୱର ଦେହୁରୀଙ୍କ ସ୍ତ୍ରୀ ସୁମିତ୍ରା (୫୫) । ସୂଚନା ମୁତାବକ ସୁମିତ୍ରା ନିଜ ଝିଅଘର ପାଖ ଗାଁ ଖଡ଼ିକାଶୋଳ ଗ୍ରାମକୁ ଯାଇଥିବା ବେଳେ ବଣୁଆହାତୀ ହାବୁଡ଼ରେ ପଡିଯାଇଥିଲେ । ତେବେ ଏହି ଘଟଣା ଶୁକ୍ରବାର ରାତିରେ ଘଟିଥିବା ବେଳେ ଗାଁ ଅଞ୍ଚଳକୁ ହାତୀପଲ ଆସିଥିବାରୁ ଭୟରେ ଘରୁ କେହି ବାହାରିନଥିଲେ । ସେଥିପାଇଁ ଶନିବାର ସକାଳେ ଗ୍ରାମବାସୀ ଏହି ଘଟଣା ବାବଦରେ ଜାଣି ବେତନଟୀ ବନବିଭାଗକୁ ଖବର ଦେଇଥିଲେ । ବେତନଟୀ ବନବିଭାଗ ଶବ ଜବତ କରି ବ୍ୟବଛେଦ ପାଇଁ ବାରିପଦା ଡାକ୍ତରଖାନାକୁ ଆଣିଛି ।
About The Author
