ମନୋରଞ୍ଜନ
ଓଡ଼ିଶା
ଘରୋଇ କଳିରୁ ଅଘଟଣ: ସାନଭାଇକୁ ହତ୍ୟା କଲା ବଡ଼ଭାଇ
କୁଳିଅଣା: ମୟୂରଭଞ୍ଜ ଜିଲ୍ଲା କୁଳିଅଣା ଥାନା ଅନ୍ତର୍ଗତ ଢିପାସାହି (ଚାଉଳ ଘେରି)ରେ ବଡଭାଇ ଓ ତାର ଦୁଇ ସହଯୋଗୀ ସହ ମିଶି ନିଜ ସାନଭାଇକୁ ହତ୍ୟା କରିବା ଭଳି ଅଭାବନୀୟ ଘଟଣା ଭିଆଇଛି । ମୃତକ ସାନଭାଇଙ୍କ ନାଁ ଅଜିତ କୁମାର ବୋଲି ଜଣାପଡ଼ିଛି।
ଖବର ଅନୁଯାୟୀ, ମୃତକ ଅଜିତ କୁମାର ନାଏକଙ୍କ ସ୍ତ୍ରୀଙ୍କ ଏତଲା ମୁତାବକ ତାଙ୍କ ସ୍ଵାମୀ ମୋବାଇଲ ରିିଚାର୍ଜ କରିବା ପାଇଁ ଗ୍ରାମ ମଧ୍ୟ ଭାଗରେ ଥିବା ରାଜୁ ପାନ ଦୋକାନକୁ ଯାଇଥିଲେ । ସେଠାରେ ତାଙ୍କ ଦେଢଶୁର ଶମ୍ଭୁ ନାଏକ ତାଙ୍କ ଦୁଇ ସହଯୋଗୀ ଚାଉଳଘେରିର ରାଜେଶ ନାଏକ(ରାଜୁ), ଜୁଗଡିହା ଗ୍ରାମର ସତ୍ୟବ୍ରତ ପ୍ରଧାନ ତାଙ୍କ ସ୍ବାମୀ ଅଜିତଙ୍କୁ ସଂଘବଦ୍ଧ ଭାବେ ଗୋଇଠା ଓ ବିଧାରେ ଆକ୍ରମଣ କରିଥିଲେ । ସେ ଗୁରତର ଅସୁସ୍ଥ ହେବାରୁ ଅଜିତଙ୍କ ପତ୍ନୀଙ୍କୁ ଜଣାଇବା ପରେ ଏକ ଭ୍ୟାନ ଯୋଗେ ଖାଣ୍ଡିଆ ସ୍ଥିତ ଭିଣୋଇ ଘରକୁ ନେଇଯାଇଥିଲେ। ଗୁରୁତର ଅଜିିତଙ୍କୁ ଭିଣୋଇଙ୍କ ଘରେ ରଖି ତହିଁଁ ପର ଦିନ ସକାଳେ ପ୍ରଥମେ ପିଆରଏମ ମେଡିକାଲ ଓ ପରେ କଟକ ବଡ ଡାକ୍ତରଖାନାକୁ ନେଇ ଥିଲେ ହେଁ ମୃତ୍ୟୁ ଘଟିଥିଲା । ପୁଲିସର କହିବା ମୁତାବକ ଘରୋଇ କଳିରୁ ଉତ୍ତେଜନା ହୋଇ ଏଭଳି ହତ୍ୟା କାଣ୍ଡ ଘଟିଛି । ଏକ ହତ୍ୟା ମାମଲା ରୁଜୁ କରି ତିନିଜଣ ଅଭିଯୁକ୍ତଙ୍କୁ ଗିରଫ ପୂର୍ବକ କୋର୍ଟ ଚାଲାଣ କରିଛି।
About The Author
