ପୁଣି ଅଡୁଆରେ ଯାତ୍ରା ଅଭିନେତା ପୀୟୂଷ, ଯାତ୍ରା ମାଲିକଙ୍କ ସହିତ ନାଟକ ବର୍ଷର ଚୁକ୍ତିକୁ ନେଇ ବିବାଦ

By The Sakala

Published On Mar 07, 2025 08:39 PM IST

ଭୁବନେଶ୍ୱର: ପୁଣି ଅଡୁଆରେ ଯାତ୍ରା ଜଗତର ଚର୍ଚ୍ଚିତ ଅଭିନେତା ପୀୟୂଷ ତ୍ରିପାଠୀ । ଯାତ୍ରା ଅଭିନେତା ପୀୟୂଷଙ୍କୁ ନେଇ ପୁଣି ବିବାଦ। ଯାତ୍ରା ମାଲିକଙ୍କ ସହିତ ନାଟକ ବର୍ଷର ଚୁକ୍ତିକୁ ନେଇ ବିବାଦ ଦେଖାଦେଇଛି। ଅପେରା ସୂର୍ଯ୍ଯ ମନ୍ଦିର ପାର୍ଟି ସହିତ ୨୦୨୪-୨୫ ଓ ୨୦୨୫-୨୬ ବର୍ଷ ଲାଗି ଚୁକ୍ତି ଥିବା ନେଇ ସାଂଘାତିକ ଅଭିଯୋଗ ଆଣିଲେ ମାଲିକ ପ୍ରମୋଦ କୁମାର ସ୍ବାଇଁ। ୨୦୨୫-୨୬ ଯାତ୍ରା ବର୍ଷ ଲାଗି ଯାତ୍ରା ସିହଂବାହିନୀକୁ ଯିବା ନେଇ ଗଣ ମାଧ୍ଯମରେ […]

ଭୁବନେଶ୍ୱର: ପୁଣି ଅଡୁଆରେ ଯାତ୍ରା ଜଗତର ଚର୍ଚ୍ଚିତ ଅଭିନେତା ପୀୟୂଷ ତ୍ରିପାଠୀ । ଯାତ୍ରା ଅଭିନେତା ପୀୟୂଷଙ୍କୁ ନେଇ ପୁଣି ବିବାଦ। ଯାତ୍ରା ମାଲିକଙ୍କ ସହିତ ନାଟକ ବର୍ଷର ଚୁକ୍ତିକୁ ନେଇ ବିବାଦ ଦେଖାଦେଇଛି। ଅପେରା ସୂର୍ଯ୍ଯ ମନ୍ଦିର ପାର୍ଟି ସହିତ ୨୦୨୪-୨୫ ଓ ୨୦୨୫-୨୬ ବର୍ଷ ଲାଗି ଚୁକ୍ତି ଥିବା ନେଇ ସାଂଘାତିକ ଅଭିଯୋଗ ଆଣିଲେ ମାଲିକ ପ୍ରମୋଦ କୁମାର ସ୍ବାଇଁ। ୨୦୨୫-୨୬ ଯାତ୍ରା ବର୍ଷ ଲାଗି ଯାତ୍ରା ସିହଂବାହିନୀକୁ ଯିବା ନେଇ ଗଣ ମାଧ୍ଯମରେ ପୀୟୂଷ କହିବା ପରେ ବିବାଦ ଦେଖା ଦେଇଛି।

୨୦୨୫-୨୬ ଲାଗି ଅପେରା ସୂର୍ଯ୍ଯ ମନ୍ଦିରରେ ସେ ଅଭିନୟ କରିବେ ବୋଲି କହିଛନ୍ତି ମାଲିକ ପ୍ରମୋଦ କୁମାର ସ୍ବାଇଁ । କେବଳ ପୀୟୂଷ ନୁହେଁ ଅନ୍ଯ କଳାକାର ମଧ୍ଯ ଚୁକ୍ତି କରି ଅଗ୍ରୀମ ଟଙ୍କା ନେଇଛନ୍ତି। ଏପରିକି ଖଣ୍ଡଗିରି ଯାତ୍ରା ମହାସମରରେ ନିଜେ ପୀୟୂଷ ‘ହାଇଦର’ ନାଟକର ପାର୍ଟ-୨ ‘ସତ୍ଯ ମେବ ଜୟେତ’ରେ ଅଭିୟନ କରିବା ନେଇ ଘୋଷଣା କରିଥିଲେ। ଏହା ପରେ ଏକାଧିକ କମିଟି ମଧ୍ଯ ଆସନ୍ତା ବର୍ଷ ଲାଗି ବୁକିଂ କରିଛନ୍ତି। ଦୁଇ ବର୍ଷିଆ ଚୁକ୍ତି ଥାଇ ପାର୍ଟି ଛାଡିଲେ ଆଇନ ଅନୁସାରେ ପଦକ୍ଷେପ ନେବୁ ବୋଲି ମାଲିକ ପ୍ରମୋଦ କୁମାର ସ୍ବାଇଁ କହିଛନ୍ତି।