ତ୍ରାହି ଅଚ୍ୟୁତ ନଗରରେ ଆରମ୍ଭ ହେଲା ଉଚ୍ଛେଦ କାର୍ଯ୍ୟ, ୨୧ ଡୁପ୍ଲେକ୍ସରୁ ଆଜି ୧୦ଟି ଭାଙ୍ଗିବ ବିଡିଏ

ଭୁବନେଶ୍ୱର : ପୁଣି ଚର୍ଚ୍ଚାରେ ସୁରବାବାଙ୍କ ସାମ୍ରାଜ୍ୟ। ମାଟିରେ ମିଶୁଛି ବହୁଚର୍ଚ୍ଚିତ ତ୍ରାହି ଅଚ୍ୟୁତ ଆଶ୍ରମ ଅଞ୍ଚଳ । ବେଆଇନ କୋଠା ଗୁଡିକୁ ଆଜି ମାଟିରେ ମିଶାଉଛି ବିଡିଏ । ଝିଣ୍ଟି ଶାସନ ତ୍ରାହି ଅଚ୍ୟୁତ ନଗର ମୌଜାରେ ପ୍ରାୟ ୨୧ଟି ଡୁପ୍ଲେକ୍ସ ରହିଛି । ଯେଉଁଗୁଡିକ ବେଆଇନ ଭାବରେ ର୍ନିମାଣ ହୋଇଛି । ଯାହାକୁ ଆଜି ବିଡିଏ ପକ୍ଷରୁ ଉଚ୍ଛେଦ କରାଯାଇଛି।

ସେପଟେ ଉଚ୍ଛେଦକୁ ବିରୋଧ କରି ଉତ୍ତେଜନା ଦେଖା ଦେଉଥିବାରୁ ଆଇନ୍‍ଶୃଙ୍ଖଳା ପରିସ୍ଥିତିକୁ ଦୃଷ୍ଟିରେ ରଖି କମିସନରେଟ୍‍ ପୁଲିସ ପକ୍ଷରୁ ମଧ୍ୟ ବ୍ୟାପକ ଫୋର୍ସ ମୁତୟନ କରାଯାଇଛି। ମିଳିଥିବା ସୂଚନା ଅନୁଯାୟୀ ଆଜି ୨୧ ଟି ବେଆଇନ ଡୁପ୍ଲେକ୍ସରୁ ୧୦ଟି  ଭାଙ୍ଗିବା ପାଇଁ ବିଡିଏ ଯୋଜନା କରିଛି। ଝିଣ୍ଟି ସ୍ଥିତ ତ୍ରାହି ଅଚ୍ୟୁତ ନଗରରେ ଏହି ଡୁପ୍ଲେକ୍ସ ନିର୍ମାଣ ହୋଇଛି। ଏହି ଡୁପ୍ଲେକ୍ସଗୁଡ଼ିକ ବେଆଇନ୍‍ ଭାବେ ବିନା ଅନୁମତିରେ ନିର୍ମାଣ ହୋଇଥିବା ଅଭିଯୋଗ ହେବା ପରେ ଓଡିଏ କୋର୍ଟରେ ମାମଲା ଚାଲିଥିଲା। ମାମଲାର ବିଚାର ପରେ ଏଗୁଡ଼ିକୁ ଉଚ୍ଛେଦ କରିବା ପାଇଁ ଓଡିଏ କୋର୍ଟ ନିର୍ଦ୍ଦେଶ ଦେଇଛନ୍ତି। ଏହାକୁ ଆଧାର କରି ବିଡିଏର ମିଳିତ ଏନ୍‍ଫୋର୍ସମେଣ୍ଟ ଟିମ୍‍ ଏହି ଡୁପ୍ଲେକ୍ସଗୁଡ଼ିକୁ ଉଚ୍ଛେଦ କରିବା ଆରମ୍ଭ କରିଛି।

ଭୁବନେଶ୍ୱର ଉପକଣ୍ଠ ଝିଣ୍ଟି ଶାସନ ତ୍ରାହି ଅଚ୍ୟୁଚ ଆଶ୍ରମର ପ୍ରତିଷ୍ଠାତା ସୁରେନ୍ଦ୍ରନାଥ ମିଶ୍ର ଓରଫ ସୁରବାବା ଏହାକୁ ନିର୍ମାଣ କରିଥିଲେ। ପରେ ବିଭିନ୍ନ ବିବାଦରେ ଛନ୍ଦି ହୋଇ ୨୦୧୫ରେ ସୁରବାବା ଗିରଫ ହୋଇଥିଲେ। ସେ ସମସୟରେ ଏହି ଘଟଣା ବେଶ ଚର୍ଚ୍ଚା ଓ ବିବାଦରେ ରହିଥିଲା। ଆଶ୍ରମ ନାଁରେ ଜମି ଜବରଦଖଲ, ସମ୍ପତ୍ତି ହଡ଼ପ, ମହିଳାଙ୍କୁ ଯୌନ ନିର୍ଯାତନା ଦେବ ଓ ବେଆଇନ ଅସ୍ତ୍ରଶସ୍ତ୍ର ରଖିବା ଭଳି ଅନେକ ଅଭିଯୋଗ ଆସିଥିଲା। ଏପରିକି ଏହି ଘଟଣାରେ ସୁରେନ୍ଦ୍ର ନାଥ ମିଶ୍ରଙ୍କ ଦୁଇ ପୁଅ ତ୍ରିଲୋଚନ ଓ ବିରଞ୍ଚି ମଧ୍ୟ ଗିରଫ ହୋଇଥିଲେ। ସୁରବାବାଙ୍କ ପୋଥି ପାଇଁ ବି ତ୍ରାହି ଅଚ୍ୟୁତ ଆଶ୍ରମ ବେଶ ଚର୍ଚ୍ଚାରେ ଥିଲା। ହେଲେ ଗତ ୨୦୨୦ ମିସିହାରେ ଶାରୀରିକ ଅସୁସ୍ଥତା ଯୋଗୁଁ ତାଙ୍କର ଦେହାନ୍ତ ହୋଇଥିଲା।ଏହି ଡୁପ୍ଲେକ୍ସ ନିର୍ମାଣ କରି ବିକ୍ରି କରାଯାଇଛି। ଏଥିରେ ବହୁ ଲୋକ ବର୍ତ୍ତମାନ ଅବସ୍ଥାନ କରୁଛନ୍ତି।