ମନୋରଞ୍ଜନ
ଓଡ଼ିଶା
ଚଳନ୍ତା କାରରେ ଲାଗିଲା ନିଆଁ, ଜୀବନ ବଞ୍ଚାଇବାକୁ ଦୌଡିଲେ ଯାତ୍ରୀ
ବେତନଟୀ : ରବିବାର ୧୮ନଂ ଜାତୀୟ ରାଜପଥ ବେତନଟୀ ଉପକଣ୍ଠ ବଙ୍ଗଳା ଛକରେ ଏକ ଚଳନ୍ତା କାରରେ ନିଆଁ ଲାଗିଯାଇଥିବା ବେଳେ ଏଥିରେ ଯାଉଥିବା ଯାତ୍ରୀ ଅଳ୍ପକେ ବର୍ତ୍ତି ଯାଇଛନ୍ତି । ସୂଚନା ମୁତାବକ ଓଡି -୦୨ଇ-୮୯୨୫ ବେତନଟୀରୁ ବାଲେଶ୍ୱର ଅଭିମୁଖେ ଯାଉଥିବା ବେଳେ କୌଣସି କାରଣରୁ ବଙ୍ଗଳାଛକ ଠାରେ ହଠାତ କାରରେ ନିଆଁ ଲାଗିଯାଇଥିଲା । ତେବେ କାରରେ ବସିଥିବା ଚାଳକ ସମେତ ଯାତ୍ରୀମାନେ ଜୀବନ ବଞ୍ଚାଇ ବାହାରକୁ ଦୌଡ଼ି ପଳାଇଥିଲେ । ତେବେ ରାସ୍ତା ମଝିରେ ଦେଖୁ ଦେଖୁ କାରଟି ଯଲିଯାଇଥିବା ବେଳେ ଯାତାୟାତ ପୁରା ଠପ ହୋଇଯାଇଥିଲା ।
ଖବର ପାଇ ବେତନଟୀ ଅଗ୍ନିଶମ କର୍ମଚାରୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ କରିଥିଲେ ସୁଦ୍ଧା ସେତେବେଳକୁ କାରଟି ପୋଡି ନଷ୍ଟ ହୋଇଯାଇଥିଲା । ଜାଳିପୋଡି ନଷ୍ଟ ହୋଇଯାଇଥିବା କାରଟି ଭବାନୀଶଙ୍କର ସିଂ ନାମରେ ପଞ୍ଜିକୃତ ଥିବା ଜଣାଯାଇଛି । ତେବେ ସର୍ଟସର୍କିଟରୁ ଏଭଳି ହୋଇଥିବା ଅଗ୍ନିଶମ ବିଭାଗ ଅନୁମାନ କରୁଚି । ଯାତାୟାତ ବାଧାପ୍ରାପ୍ତ ପାଇଁ ସାମୟିକ ଭାବେ ଟ୍ରାଫିକ ସମସ୍ୟା ଦେଖାଦେଇଥିବା ବେଳେ ଏହାର ସମାଧାନ ପାଇଁ ବେତନଟୀ ପୁଲିସ ମଧ୍ୟ୍ୟ ଘଟଣାସ୍ଥଳରେ ପହଞ୍ଚିଥିଲା ।
About The Author
