ମନୋରଞ୍ଜନ
ଓଡ଼ିଶା
11 Mar 2022
By The Sakala
ବିଶାଖାପାଟଣା ଅଭିମୁଖେ ଯାଉଥିବା ମାଲ୍ବାହୀ ଟ୍ରେନ୍ ଲାଇନ୍ଚ୍ୟୁତ, ଟ୍ରାକ୍ରୁ ଖସିଲା ୬ଟି ବଗି
କୋରାପୁଟ: ବିଶାଖାପାଟଣା ଅଭିମୁଖେ ଯାଉଥିବା ଏକ ମାଲ୍ବାହୀ ଟ୍ରେନ୍ କୋରାପୁଟ ଜିଲ୍ଲା ଭେଜା ନିକଟରେ ଗତକାଲି ବିଳମ୍ବିତ ରାତିରେ ଲାଇନଚ୍ୟୁତ ହୋଇଛି। ରାତି ପ୍ରାୟ ୩ଟା ବେଳେ କିରଣ୍ଡୁଲରୁ ଏକ ଲୁହା ପଥର ବୋଝେଇ ଟ୍ରେନ୍ ବିଶାଖାପାଟଣା ଅଭିମୁଖେ ଯାଉଥିବା ବେଳେ କୋରାପୁଟ ଷ୍ଟେସନଠାରୁ ୨୫ କି.ମି ଦୂର ଭେଜା ନିକଟରେ ଲାଇନଚ୍ୟୁତ ହୋଇଛି। ଟ୍ରାକ୍ରୁ ମାଲ୍ବାହୀ ଟ୍ରେନ୍ ର ୬ଟି ବଗି ଖସି ଯାଇଛି। ଫଳରେ କୋରାପୁଟ-ବିଶାଖାପାଟଣା ମଧ୍ୟରେ ରେଳ ଚଳାଚଳ ବନ୍ଦ ରହିଛି। ବିଶାଖାପାଟଣା-କୋରାପୁଟ-କିରଣ୍ଡୁଲ ଓ କିରଣ୍ଡୁଲ-କୋରାପୁଟ-ବିଶାଖାପାଟଣା ଏକ୍ସପ୍ରେସ୍ ଟ୍ରେନ୍ ଚଳାଚଳ ବାତିଲ କରାଯାଇଛି। ତେବେ ଦୁର୍ଘଟଣାର କାରଣ ଅସ୍ପଷ୍ଟ ରହିଛି। ଏଥିରେ କେହି ମୃତାହତ ହୋଇ ନ ଥିବା ଜଣାପଡ଼ିଛି।
https://www.thesakala.in/latest-odisha-news/goods-train-derail-near-bheja-in-koraput/article-9871
About The Author
