ମନୋରଞ୍ଜନ
20 Mar 2022
By The Sakala
ଦଳ ବିରୋଧୀ କାର୍ଯ୍ୟ ପାଇଁ ୭ ଜଣ କର୍ମକର୍ତ୍ତାଙ୍କୁ ନିଲମ୍ବିତ କଲା ବିଜୁ ଜନତା ଦଳ
ମୟୂରଭଞ୍ଜ: ଦଳ ବିରୋଧୀ କାର୍ଯ୍ୟ କରୁଥିବା କର୍ମୀଙ୍କ ଉପରେ ଲଗାତାର ଭାବରେ ଆକ୍ସନ ନେଉଛି ବିଜୁ ଜନତା ଦଳ । ବିଶୃଙ୍ଖଳିତ ଆଚରଣ ଓ ଦଳ ବିରୋଧୀ କାର୍ଯ୍ୟକଳାପ ଯୋଗୁଁ ବିଜେଡିର ବିଭିନ୍ନ ଶାଖାରୁ ନେତାମାନଙ୍କୁ ନିଲମ୍ବନ କରାଯାଉଛି । ଦଳ ବିରୋଧୀ କାର୍ଯ୍ୟ ପାଇଁ ଆଜି ଆଉ ୭ ଜଣଙ୍କୁ ନିଲମ୍ବିତ କରିଛି ବିଜୁ ଜନତା ଦଳ । ଏହି ସମସ୍ତ ୭ ଜଣଙ୍କୁ ପ୍ରାଥମିକ ସଭ୍ୟ ପଦରୁ ନିଲମ୍ବିତ କରିଛି ବିଜେଡି । ମୟୂରଭଞ୍ଜ ଜିଲ୍ଲା ସଭାପତି ସୁଦାମ ମାର୍ଣ୍ଡିଙ୍କ ନିର୍ଦ୍ଦେଶ କ୍ରମେ ଏହି ୭ ଜଣଙ୍କୁ ବିଜେଡିରୁ ନିଲମ୍ବନ କରାଯାଇଛି ।
ନିଲମ୍ବିତ ହୋଇଥିବା ୭ ଜଣଙ୍କ ମଧ୍ୟରେ ରହିଛନ୍ତି ବାରିପଦା ମ୍ୟୁନିସିପାଲିଟିର ପୂର୍ବତନ କାଉନସିଲର ଦେବାଶିଷ ଦାସ ଓ ସଞ୍ଜିତା ବିଶ୍ୱାଳ । ଏମାନଙ୍କ ବ୍ୟତୀତ ବିକାଶ ବାରିକ, ଜଗବନ୍ଧୁ ମୁଖୀ, ମନୋରଞ୍ଜନ ମୁଖୀ, ବିଶ୍ୱଜିତ ସେଠୀ, ବିବେକ ସେଠୀଙ୍କୁ ମଧ୍ୟ ବିଜୁ ଜନତା ଦଳରୁ ନିଲମ୍ବିତ କରାଯାଇଛି ।
https://www.thesakala.in/latest-odisha-news/bjd-has-suspended-7-workers-for-anti-party-activities/article-10097
About The Author
