‘କ୍ରୀସ୍-୪’ରେ ହ୍ରିତିକ୍-ପ୍ରିୟଙ୍କା ଯୋଡ଼ି

By The Sakala

Published On Nov 06, 2023 07:45 AM IST

ଦେଶୀ ଗାର୍ଲ ପ୍ରିୟଙ୍କା ଚୋପ୍ରା, ଗ୍ଲୋବାଲ୍ ଆଇକନ୍‌ ହେବା ରାସ୍ତା ଏତେଟା ସହଜ ନ ଥିଲା। ବଲିଉଡ୍‌ ପରେ ହଲିଉଡ୍‌ରେ ମଧ୍ୟ ପ୍ରିୟଙ୍କା ବେଶ୍ ନାମ କମାଇଛନ୍ତି। ହଲିଉଡ୍‌ରେ ବେଶ୍ ବଡ଼ ବଡ଼ ପ୍ରୋଜେକ୍ଟରେ ପ୍ରିୟଙ୍କା ଏବେ କାମ କରୁଛନ୍ତି। ଏବେ ତାଙ୍କର ପ୍ରଶଂସକମାନେ ପ୍ରିୟଙ୍କାଙ୍କ ବଲିଉଡ୍‌ ଫିଲ୍ମକୁ ଅପେକ୍ଷା କରିଛନ୍ତି। ତେବେ ସେ ବଲିଉଡ୍‌ ଅଭିନେତା ହ୍ରିତିକ୍‌ ରୋଶନଙ୍କ ସହ ପରଦାକୁ ଫେରିବେ ବୋଲି ନିକଟରେ ଏକ ରିପୋର୍ଟରେ ପ୍ରକାଶ ପାଇଛି। ଅଭିନେତା ହ୍ରିତିକ୍‌ ରୋଶନ […]

ଦେଶୀ ଗାର୍ଲ ପ୍ରିୟଙ୍କା ଚୋପ୍ରା, ଗ୍ଲୋବାଲ୍ ଆଇକନ୍‌ ହେବା ରାସ୍ତା ଏତେଟା ସହଜ ନ ଥିଲା। ବଲିଉଡ୍‌ ପରେ ହଲିଉଡ୍‌ରେ ମଧ୍ୟ ପ୍ରିୟଙ୍କା ବେଶ୍ ନାମ କମାଇଛନ୍ତି। ହଲିଉଡ୍‌ରେ ବେଶ୍ ବଡ଼ ବଡ଼ ପ୍ରୋଜେକ୍ଟରେ ପ୍ରିୟଙ୍କା ଏବେ କାମ କରୁଛନ୍ତି। ଏବେ ତାଙ୍କର ପ୍ରଶଂସକମାନେ ପ୍ରିୟଙ୍କାଙ୍କ ବଲିଉଡ୍‌ ଫିଲ୍ମକୁ ଅପେକ୍ଷା କରିଛନ୍ତି। ତେବେ ସେ ବଲିଉଡ୍‌ ଅଭିନେତା ହ୍ରିତିକ୍‌ ରୋଶନଙ୍କ ସହ ପରଦାକୁ ଫେରିବେ ବୋଲି ନିକଟରେ ଏକ ରିପୋର୍ଟରେ ପ୍ରକାଶ ପାଇଛି।

ଅଭିନେତା ହ୍ରିତିକ୍‌ ରୋଶନ ଓ ପ୍ରିୟଙ୍କା ଚୋପ୍ରାଙ୍କ ଯୋଡ଼ି ବଲିଉଡ୍‌ର ଏକ ସଫଳ ଯୋଡ଼ି ଭାବେ ଗଣନା କରାଯାଏ। ଦୁହିଁଙ୍କ ଅଭିନୀତ ‘କ୍ରିସ୍‌’ ଓ ‘ଅଗ୍ନିପଥ’ ବକ୍ସ ଅଫିସ୍‌ରେ ଭଲ ବିଜିନେସ୍‌ କରିଥିଲା। ଏବେ ୧୦ ବର୍ଷ ପରେ ଏହି ଯୋଡ଼ିଙ୍କୁ ଏକାଠି ‘କ୍ରୀସ୍-୪’ରେ ଦେଖିବାକୁ ମିଳିବ ବୋଲି ଚର୍ଚ୍ଚା ହେଉଛି। ପ୍ରିୟଙ୍କା ହ୍ରିତିକ୍‌ଙ୍କ ସହ ‘କ୍ରିସ୍’ ଓ ‘କ୍ରିସ୍-୩’ରେ ଏକାଠି ନଜର ଆସିଥିଲେ। ତେବେ ‘କ୍ରୀସ୍‌-୪’ରେ ପ୍ରିୟଙ୍କା କାମ କରିବେ କି ନାହିଁ, ତାହା ଏବେ ସୁଦ୍ଧା ଫିଲ୍ମର ପ୍ରଯୋଜକଙ୍କ ପକ୍ଷରୁ କିଛି କୁହାଯାଇ ନାହିଁ। ଫିଲ୍ମର କାହାଣୀ ଫାଇନାଲ ହୋଇଯାଇଛି। ହ୍ରିତିକ୍ ଏଥିରେ କାମ କରିବା ପାଇଁ ରାଜି ହୋଇଯାଇଛନ୍ତି। ଯଦି ପ୍ରିୟଙ୍କା ଏଥିରେ କାମ କରିବା ପାଇଁ ରାଜି ହୋଇଯାନ୍ତି ଫିଲ୍ମର ସୁଟିଂ ୨୦୨୪ ଫେବୃଆରୀରୁ ଆରମ୍ଭ ହେବ।