ମନୋରଞ୍ଜନ
ଓଡ଼ିଶା
ଅର୍ଥ ହେରଫେର ମାମଲାରେ ଅଭିନେତ୍ରୀ ରକୁଲପ୍ରୀତ ସିଂଙ୍କୁ ନୋଟିସ ଜାରି କଲା ଇଡି
ନୂଆଦିଲ୍ଲୀ: ଅଡୁଆରେ ତେଲୁଗୁ ଫିଲ୍ମର ଜଣାଶୁଣା ଅଭିନେତ୍ରୀ ରକୁଲପ୍ରୀତ ସିଂ । ଡ୍ରଗ୍ସ ଓ ମନି ଲଣ୍ଡ୍ରିଂ ମାମଲାରେ ରକୁଲଙ୍କୁ ନୋଟିସ ପଠାଇଛି ଇଡି । ଡିସେମ୍ବର ୧୯ରେ ଇଡି ଏହି ମାମଲାରେ ରକୁଲ୍ ପ୍ରୀତଙ୍କୁ ଜେରା କରିବ। ଏହି ମାମଲାରେ ଇଡି ପୂର୍ବରୁ ତେଲୁଗୁ ଫିଲ୍ମ ଇଣ୍ଡଷ୍ଟ୍ରିର ବହୁ ସେଲିବ୍ରିଟିଙ୍କୁ ମଧ୍ୟ ଜେରା କରିସାରିଛି ।
ସୂଚନା ମୁତାବକ, ରକୁଲଙ୍କୁ ମଧ୍ୟ ୨୦୨୧ ମସିହା ଡିସେମ୍ବର ୩ ତାରିଖରେ ପଚରାଉଚରା ପାଇଁ ଡକାଯାଇଥିଲା । ଗତ ୪ ବର୍ଷ ହେବ ଇଡି ଏହି ମାମଲାର ଛାନଭିନ୍ କରୁଛି । ଏବେ ଏହି ମାମଲା ସହିତ ଜଡିତ ଅର୍ଥ ହେରଫେର ମାମଲା ଯୋଡି ହୋଇଥିବାରୁ ପୁଣି ତାଙ୍କୁ ଜେରା କରିବ ଇଡି ।
ରକୁଲ ପ୍ରୀତଙ୍କ ସହ ଭାରତ ରାଷ୍ଟ୍ର ସମିତି ବିଧାୟକ ରୋହିତ ରେଡ୍ଡୀଙ୍କୁ ମଧ୍ୟ ସମନ ଜାରି କରାଯାଇଛି । ଏଠାରେ ଉଲ୍ଲେଖଯୋଗ୍ୟ ଯେ ଗତ କିଛି ଦିନ ତଳେ ବିଧାୟକ କିଣାବିକା ଘଟଣାରେ ତାଙ୍କୁ ଜେରା କରିଥିଲା ସ୍ବତନ୍ତ୍ର ତଦନ୍ତକାରୀ ଟିମ୍ ।
About The Author
