ମୁମ୍ବାଇ: ଅପରିବର୍ତ୍ତିତ ରହିଲା ରେପୋ ରେଟ୍। ଲଗାତାର ସପ୍ତମ ଥର ପାଇଁ ରେପୋ ରେଟ୍ ଅପରିବର୍ତ୍ତିତ ରଖିଛି ଭାରତୀୟ ରିଜର୍ଭ ବ୍ୟାଙ୍କ। ରେପୋ ରେଟ୍ ୬.୫ ପ୍ରତିଶତରେ ରଖିବାକୁ ଆରବିଆଇର ମନିଟାରୀ ପଲିସି କମିଟି ସମୀକ୍ଷା ବୈଠକରେ ନିଷ୍ପତ୍ତି ହୋଇଛି।  ମନିଟାରୀ ପଲିସି କମିଟି ବୈଠକ ପରେ ଏ ନେଇ ଘୋଷଣା କରିଛନ୍ତି ରିଜର୍ଭ ବ୍ୟାଙ୍କ ଗଭର୍ଣ୍ଣର ଶକ୍ତିକାନ୍ତ ଦାଶ।

ମୁଦ୍ରା ନୀତିର ସମୀକ୍ଷା ଉପସ୍ଥାପନ କରୁଥିବାବେଳେ ଆରବିଆଇ ଗଭର୍ଣ୍ଣର ଶକ୍ତିକାନ୍ତ ଦାଶ କହିଛନ୍ତି ଯେ ଖାଦ୍ୟ ସାମଗ୍ରୀ ମୂଲ୍ୟରେ ଅନିଶ୍ଚିତତା ହେତୁ ବଜାରରେ ଦର ଦାମ ମହଙ୍ଗା ରହୁଛି। ଆରବିଆଇ ଏହା ଉପରେ ନଜର ରଖିଛି। MSF ହାର ୬.୭୫ ପ୍ରତିଶତ ରେ ବଜାୟ ରହିଛି। ଆରବିଆଇ ଗଭର୍ଣ୍ଣର ଶକ୍ତିକାନ୍ତ ଦାସ ଆହୁରି ମଧ୍ୟ କହିଛନ୍ତି ଯେ ରେପୋ ହାରକୁ ଅପରିବର୍ତ୍ତିତ ରଖିବା ସପକ୍ଷରେ ମନିଟାରୀ ପଲିସି କମିଟି ବୈଠକରେ ୫ ଜଣ ସଦସ୍ୟ ମତ ରଖିଥିଲେ।

#WATCH | RBI Governor Shaktikanta Das says, "With a view to facilitating wider non-resident participation in sovereign green bonds, a scheme for investment and trading in these bonds in the IFSC (International Financial Services Centre) will be notified very shortly…" pic.twitter.com/oJYApi9v87

ଆହୁରି ପଢ଼ନ୍ତୁ: ଶରଧାବାଲିରେ ପହଞ୍ଚିଲା ମହାପ୍ରଭୁ ଶ୍ରୀଜଗନ୍ନାଥଙ୍କ ନନ୍ଦିଘୋଷ ରଥ, ସମ୍ପନ୍ନ ହେଲା ପବିତ୍ର ଗୁଣ୍ଡିଚା ଯାତ୍ରା

— ANI (@ANI) April 5, 2024

ବିଶ୍ୱରେ ଅର୍ଥନୈତିକ ଅନିଶ୍ଚିତତା ସତ୍ତ୍ବେ ଦେଶର ଅର୍ଥନୀତି ସୁଦୃଢ ରହିଛି, ଆମର ମୂଳଦୁଆ ଦୃଢ ରହିଛି। ଆଗାମୀ ୨୦୨୫ ଆର୍ଥିକ ବର୍ଷରେ ଜିଡିପି ଅଭିବୃଦ୍ଧି ୭% ହେବ ବୋଲି ଆକଳନ କରାଯାଇଛି। ଗ୍ରାମାଞ୍ଚଳରେ ଲୋକମାନଙ୍କର ବିଭିନ୍ନ ଚାହିଦା ବୃଦ୍ଧି ପାଇଛି। ୨୦୨୪-୨୫ ଆର୍ଥିକ ବର୍ଷର ଦ୍ୱିତୀୟ ତ୍ରୟମାସିକ ପାଇଁ ଜିଡିପି ଅଭିବୃଦ୍ଧି ୬.୮ ରୁ ୬.୯% କୁ ବୃଦ୍ଧି ପାଇବ ବୋଲି ଆକଳନ କରାଯାଇଛି। ବ୍ୟାଙ୍କ ଏବଂ କର୍ପୋରେଟ୍ସର ଭଲ ସନ୍ତୁଳନ ହେତୁ ଆଗାମୀ ସମୟରେ ଘରୋଇ କ୍ଷେତ୍ରର ପୁଞ୍ଜି ବିନିଯୋଗ ବୃଦ୍ଧି ପାଇବ ବୋଲି ରିଜର୍ଭ ବ୍ୟାଙ୍କ ଗଭର୍ଣ୍ଣର ଶକ୍ତିକାନ୍ତ ଦାଶ କହିଛନ୍ତି।

ରେପୋ ରେଟ୍ କ’ଣ?