ଭୁବନେଶ୍ୱର: ୨୦୨୦-୨୧ରେ ଜମି ରେକର୍ଡରେ ଓଡ଼ିଶା କରିଛି ବଡ଼ ଅଗ୍ରଗତି । ନ୍ୟାସନାଲ କାଉନସିଲ ଅଫ୍ ଆପ୍ଲାଏଡ୍ ଇକୋନୋମିକ ରିସର୍ଚ୍ଚ ବା (NCAER) ତାଲିକାରେ ଓଡ଼ିଶା ଶ୍ରେଷ୍ଠ ପ୍ରଦର୍ଶନକାରୀ ରାଜ୍ୟ ଭାବେ ସ୍ଥାନ ପାଇଛି । ତଥ୍ୟ ପହଞ୍ଚାଇବାରେ ଅନ୍ୟ ରାଜ୍ୟଠୁ ଆଗରେ ରହିଛି ଓଡ଼ିଶା । ୮୬ ଦଶମିକ ୫୪ ପ୍ରତିଶତ ମାର୍କ ସହ ଓଡ଼ିଶା ଶୀର୍ଷ ସ୍ଥାନ ଦଖଲ କରିଛି।

ଓଡ଼ିଶା ପଛକୁ ଅଛନ୍ତି ପଶ୍ଚିମବଙ୍ଗ ଓ କର୍ଣ୍ଣାଟକ । ଓ୍ୱେବସାଇଟରେ ଜମି ସଂକ୍ରାନ୍ତୀୟ ଡାଟା ସହଜରେ ଉପଲବ୍ଧ ହେଉଛି । ରାଜସ୍ୱ ଓ ବିପର୍ଯ୍ଯୟ ପରିଚାଳନା ବିଭାଗ ଓ୍ୱେବସାଇଟରେ ଡାଟା ଉପଲବ୍ଧ ହେଉଛି । ୩୧ଟି ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳକୁ ନେଇ ପ୍ରସ୍ତୁତ ହୋଇଛି ତାଲିକା।

Odisha has emerged as top performer in Accessibility Index for land records in a report published by @ncaer with a top score of 86.54. Odisha excelled in ensuring ease of access, comprehensive information, design & navigation and help/faq in website of @rdmodisha. #OdishaLeads pic.twitter.com/1JxeSnIWwZ

ଆହୁରି ପଢ଼ନ୍ତୁ: ଅନଲାଇନ ସପିଂ କରୁଥିଲେ ହୋଇଯାଆନ୍ତୁ ସାବଧାନ ! ସୋସିଆଲ ମିଡିଆରେ ମାତିଛନ୍ତି ସାଇବର ଲୁଟେରା...

— CMO Odisha (@CMO_Odisha) March 5, 2021

ସେହିପରି ଜମି ରେକର୍ଡର ଡିଜିଟାଇଜେସନରେ ମଧ୍ୟ ଓଡ଼ିଶା ଶୀର୍ଷରେ ରହିଛି । ରେକର୍ଡର ଶହେ ପ୍ରତିଶତ ଡିଜିଟାଇଜେସନ କରିପାରିଛି ଓଡ଼ିଶା । ଜମି ରେକର୍ଡ ଓ ସେବା ଇଣ୍ଡେକ୍ସରେ ଓଡ଼ିଶା ତୃତୀୟ ସ୍ଥାନରେ ରହିଛି । ଏହି କ୍ଷେତ୍ରରେ ଓଡ଼ିଶାର ସ୍କୋର ରହିଛି ୭୭ ଦଶମିକ ୨ ପ୍ରତିଶତ। ଏହି କ୍ଷେତ୍ରରେ ଗତବର୍ଷଠୁ ୧୪ ଦଶମିକ ୪ ପ୍ରତିଶତ ଓଡ଼ିଶା ଉନ୍ନତି କରିଛି।